معلومات عن أعدادى هندسه القاهره

تالت حاجة ممكن تنزل عبد المنعم رياض (في التحرير) وهتلاقي حاجات من هناك بتروح الشيخ زايد وتنزلق قدام الكلية وعشان ترجع من عند الكلية بمواصلات في موقف على بعد 3 دقائق مشي من الكلية هناك هتلاقي حاجات بتروح التحرير وميدان لبنان


وطبعا طبعا يا بخت اللي ساكنين في الشيخ زايد أو 6 أكتوبر هتلاقي الطلبة بيحقدوا عليهم طول السنة

هتعرف على جدولى ازاى وهحضر فين وازاى؟؟

Postby E3dady 2009-2010 » 01 Aug 2009, 01:57
كليتنا بتتكون من مبنيان اساسيان هما مبني المحاضرات و مبني السكاشن

مبني المحاضرات هتلاقوه بيبدا ب 61 و ثلاث ارقام تاني

مبني السكاشن بيبدا ب 51 و ثالاث ارقام تاني

هتلاقوا الارقام كلها 5 ارقام
مثلا
61101
61 ده رقم المبني

ال 1 اللي بعد ال 61 ده رقم الدور لو الرقم ده صفر يبقي الدور الارضي و هكذا

هما عموما ثلاث ادوار 610 و 611 و612

و الدور الارضي ده اللي بيبقي فيه الرسم 610

اما بقي لاخر رقمين 01 ده رقم القاعه يعني مثلا قاعه واحد الدور الارضي هيبقي رقمها 61001 و هكذا
و نفس الكلام بالظبط لمبني السكاشن

مبنى 51 ده اللي بتاخد فيه السكاشن ومعمل الديناميكا ومعمل الكيمياء وده اللي فيه الكافتريا

أما مبنى 61 ده اللي بتاخد فيه المحاضرات والرسم ومعمل الفيزياء والمبنى ده نظيف قوي بقى
-----------------------------------------------
و فيه بعض المباني الاخري زي مبني الورش و ده اللي هتاخدوا فيها ورش هندسه الانتاج

و مبني المسرح و ده كان بيتاخد فيه محاضرات قبل ما مبني المحاضرات يتفتح دلوقتي المسرح مبيتفتحش

و فيه مبني اسمه تكنولوجيا النسجيات و ده مش تبعكو

فيه كافيتريا هيا مش كبيييره بس هتلاقوا فيها معظم الحاجات :good :good :good :good

و فيه سمير و علي و فيها ان شاء الله معظم الادوات اللي هتحتاجولها و هتلاقوا فيها كشاكيل واقلام و بورده رسم من الاخر هتلاقوا فيها كل حاجه هتحتاجولها

و فيه مكتبه غير سمير و علي مكتبه الكليه وديه للتصوير و هتلاقوا فيها لوح الرسم و بعض الشيتات و كتاب اللغه الفنيهو فيه دكاتره بينزلوا حاجات فيها و المكتبه في مبني السكاشن

فيه المسجد و ده جنب المكتبه في اخر مبني السكاشن

و فيه عياده بردو في مبني السكاشن


-------------------------------

27
نظام الدراسة والحياة هتبقى ازاى فى الكلية
بصوا بقى الدفعة بتتقسم تقسيمة كبيرة وتقسيمة صغيرة
التقسيمة الكبيرة انها بتتقسم نصين ودول بيبدلوا بعض المواد مع بعض
خلال الترمين
والتقسيمة الصغيرة ان الدفعة بتتقسم مجموعات وسكاشن
يعنى مثلا كانت دفعتنا 8 مجموعات و48 سكشن

واول اسبوع دة بيبقى توهان شوية :O
بس كل حاجة بتتظبط ان شاء الله
لما تظبطوا المحاضرات والسكاشن بتاعتكوا

بالنسبة للمواد اللى هتدرسوها ان شاء الله
فى طبعا مواد سهلة ومواد صعبة
بس كلوا محتاج مذاكرة اول بأول
وكل حاجة هتبقى فى التمام
بص بقى ان شاء الله هيبقى عندك
- الرياضة الترم الاول جبر وتفاضل
الترم التانى هندسة تحليلية وفراغية وتكامل
-الفيزياء الترم الاول خواص مادة وكهربية
الترم التانى حرارية ومغناطيسية
-الميكانيكا الترم الاول استاتيكا
الترم التانى ديناميكا
-الرسم الهندسى شغااااااااااااال ينيفرسال الترمين
-الكومبيوتر برضه شغال الترمين
-الكيمياء واللغة الفنية
-هندسة الانتاج والانسانيات
دول بقى بتبدلوهم مع بعض خلال الترمين على حسب
انت فى نص الدفعة الاول ولا التانى

نتكلم شوية عن الامتحانات ( انا عارف تلاقيكوا بتقولوا وليه السيرة دى بس )
مفييييييييش اكتر من الامتحانات فى الكلية دى :O
من اول ما بندخل بنتظبط فى الامتحانات
يعنى خلال الدراسة بيكون فى دايما امتحانات مستمرة كل فترة كدة (كويز) فى السيكشن بتاعك
وبتبقى فى معظم المواد و حاولوا تستفيدوا منها عشان تلاقى نفسك مجمع درجات كتير
فى اعمال السنة فى الاخر

وبعد كدة يا حلو تلاقى الميدتيرم بيخبط تك تك تك :S
دة اللى هو امتحان نص الترم كدة
الترم الاول بتمتحن رياضة وفيزياء واستاتيكا وكومبيوتر
وانتاج او كيمياء على حسب انت فى انهى نص فى الدفعة
والميدتيرم التانى بيبقى نفس الكلام تقريبا بس بيبقى فيه رسم هندسى بقى

االفاينااااااااااال بقى
الترم الاول دة كان حاجة فى الذيذ كدة
امتحنا اربع مواد فقط
رياضة وفيزياء وانتاج وانسانيات
او رياضة وفيزياء وكيمياء ولغة فنية
الترم التانى كان كتييييييييييييييير بقى

نستفيد بقى ان الترم الاول اسهل كتيييييييير من التانى
يعنى نحاول نستفيد منه على قد ما نقدر ان شاء الله

،ياريت يا شباب اعدادي تحاولوا قدر الامكان تلموا نفسكوا في الدراسة من بدري لأن الامتحانات مش بتراعي انك لسه داخل جديد يعني الميدترم الاولاني هيبدا في اول شهر نوفمبر متتضايقش لو لاسمح الله جبت تقدير او درجة مش كويسة دا العادي لأن دي اول مرة وكلنا عدينا بالمرحلة دي بس اهم حاجة تتعلم بسرعة وتاخد بالك من كل كبيرة وصغيرة بتحصل لأن الكلية مش زي المدرسة مافيش حد هيقولك روح واعمل و تعالي انت اللي بتدور بنفسك علي كل حاجة وانت اللي لازم تعرف من غير محد يقول ،فاهم حاجة متبقاش تايه فترة طويلة في الكلية وحاول تاخد كتاب دليل طلاب السنة الاعدادية من مكتب المعاون عشان فيه معلومات كويسة جدا لطالب اعدادي ،وبالتوفيق

مين اعضاء هيئة التدريس ؟؟

اولا احب اقولكم حاجه مهمه جدا جدا جدا ان مفيش حاجه اسمها دكتور حلو او دكتور وحش او احضر لكذا و متحضرش لكذا
لا فيه حاجه اسمها دكتور بفهم منه و دكتور مبفهمش منه فديه حاجه بتختلف من واحد للتاني :
بس انا هقولكوا علي الدكاتره اللي كانت معظم الطلبه بتحضرلهم

ولا الرياضه :
الجبر و التحليليه :

د/احمد عبد السميع و ده من احسن الدكاتره بيفهمك و بيحببك في الماده :good :good

د/شهوار رجب : ديه استاذه الماده و هيا اللي بتحط الامتحان و معظم المسائل اللي بتقولها في المحاضره بتيجي في الامتحان
----------------------------------------------------------

لتكامل و التفاضل :

د/حاتم الحسيني : و ده بجد من احسن دكاتره الماده بيشرحلك كل حاجه جت اذاي و مش بيحفظك قانون لا ده بيجيبهولك من الاول جه ازاي :good :good :good

د/حنفي الزهيري : و ده استاذ الماده بس للاسف مكنشي موجود في الشيخ زايد السنه اللي فاتت فمعرفشي شرحه عامل ازاي

د/لبيب اسكندر : دكتور رائع و شرحه حلو قوي

------------------------------------------------

معيدين الرياضه :
م/احمد عاطف: بجد من احسن البشمهندسيييين اللي هتلاقوهم شرحه حلو قوي قوي بيفهمك كل حاجه يعني فيه ناس مبتحضرش المحاضره و بتكتفي بشرحه :good :good

م/محمد ابراهيم :بردو من احسن المعيدين بيبسط كل حاجه و بيسهلها عليكو خالص و دايما يقولاللي عايز يفهم يركز معايا و يشرح و بعدين يقول اللي عايز يحفظ يعمل كذاكذا كذا و خلاص خلصت المساله بجد مهندس رائع :good :good :good

م/احمد يحيي : مهندس رائع بيكتب كل القوانين و يفهمك طريقه الحل و بيحل معاك المسائل
و بردو فيه دكاتره بتدي سكاشن زي د/ احمد عبد السميع

ثانيا الفيزيا:
خواص ماده و حراريه :

د/ مدحت المسيري :استاذ الماده شرحه اكثر من رائع بيفهمك كل حاجه و بيحل معاك مسائل و بيقولكل حاجه في المحاضره و مش هيخليك تحتاج سكاشن في الماده و بجد كشكولالمحاضرات هيبقي كافي انك تقفل الامتحان و علي فكره دكتور مدحت مصنفا لتاسع فيزيائيا علي العالم :good :good :good

د/ منال عوض : دكتور زي العسل هتفهمك الماده ببساطه خالص و هتحببك فيها و هتخليك تذاكرها بمتعه كده و بتحب دايما تساعد الطلبه و مراجعتها حلوه قوي قوي قوي و ساعات بتيجي منها الامتحان بالنص و بالارقام :good :good
----------------------------------

الكهربيه و المغناطيسيه:
د/ساميه :من احسن الدكاتره شرحها ممتاز بتديلك كل حاجه في المنهج و بدايك كل محاضرهبتراجع بسرعه القوانين اللي في المحاضره اللي قبليها بجد دكتوره اكتر منرائعه :good

د/صلاح النحوي : استاذالماده و هو اللي بيحط الامتحان بيشرح بالبروجكتور و السلايدز فنصيحتيليكم تطلبوا منو السلايدز ديه و تذاكروا منها علشان مش هتعرفوا تكتبواوراه كل حاجه
السكاشن :
د/سحر : شرحهاحلو جدا و بتديكو في السكشن كل حاجه و دايما بتحب تساعد الطلبه بجد دكتورهاكتر من رائعه و بتجاوب علي كل الاسئله سواء هنا او في الجامعه بجد جازاها الله خيرا علي اللي عملتوا معانا :hat :hat

د/ ياسر : دكتور رائع بيلخص كل القوانين اول السكشن بسرعه و بعدين بيحل معظم مسائل الشيت

د/ساميه : بتشرح في السكشن زي المحاضره بس باختصار شويه و بسرعه شويه علشان تلحق تحل

الحاسبات:
د/ايهاب يحيي: استاذ الماده دكتور اكثر من رائع دايما بيحب يساعد الطلبه بيعاملنا كاننا اولاده بالظبط و كل الكلام اللي قالهولنا علي الامتحان جه بالظبط و بيجاوب علي كلالاسئله اللي أي حد بيسالهالو سواء في الجامعه او هنا في يوني بجد جازاهالله خيرا علي اللي عمله معانا :hat :hat :hat :hat

د /ناجي : دكتور رائع بيستخدم برضه البروجكتور و السلايدز بس بينزل السلايدز هنا فييوني و بيجاوب علي كل الاسئله اللي اتسالتلوا جزاه الله خيرا علي الليعملوا معانا :hat :hat :hat :hat
و معيدين الرياضه هما هما معيدين الحاسبات

الميكانيكا:

الاستاتيكا:
د/طوسون : استاذ الماده مبيحبش الحفظ بيحب اللي قدامه يكون فاهم بيشرح كل حاجه حتي لو كانت صغيره قوي محاضراته كافيه جدا جدا
:good :good

د/مصطفي عابدين دكتور ممتاز جداا ومرح جداا وروحه كويسه بيشرح بطريقه رائعه :good
و د/خالد فصيح : شرحه اكتر من رائع وبيفهم اللى مش فاهم


------------------------------------------------------
الديناميكا :
د/محمد هلال : دكتور رائع لا اكتر من رائع بيبسط المنهج و بيحسسك انه تافه و بيحل معاك في المحاضره ده غير انه دكتور لذيذ قوي و بيحب يهذر في المحاضره :good :good :good
---------------------------------------
السكاشن :
م/شريف و م/الشبراوي احسن 2 يدوا سكاشن في الميكانيكا

الكيميا : مجموعه من الدكاتره كل دكتور بيدي جزء من المنهج منهم

د/شكيناز و ديه استاذه الماده و هيا اللي بتحط الامتحان اول محاضره هتسيبلكم ارقامتليفوناتها و هتقولكم لو حد عندو أي مشكله يكلمها و مش في الدراسه بس لالو عندك اي مشكله جزاها الله خيرا علي اللي عملته معانا :hat :hat :hat

د/هانم:افضل دكتوره هتقابلوها هتحببكم في الماده قوي قوي قوي و لما تيجوا تذاكروا المحاضره بعديها هتلاقوها سهله قوي

د /نبيل : و ده المسئول عن قسم التلوث البيئي

نصيحه احضروا جميع محاضرات الكيميا و متفوتوش ولا محاضره لان الامتحان بيجي من المحاضرات بالنص

الانتاج : د/شاش هو استاذ الماده و فيه بردو د/الويفي


الانسانيات: اكتر من دكتور زي الكيميا منهم د/سمير أبو هديمه

اللغه الفنيه : و ديه عباره عن سكاشن و بيديها معيدين و من افضل المعيدين اللي ممكن تحضرلهم
م/مصطفي عبد العليم
:

كليتنا من كليات القمه محتاجه شغل جامد منكم

مش حابب اعقدكم nooow بس احب اقولكم ان المذاكره مفروض تبدا من اول يوم

علي الاقل تذاكر المحاضرات اللي خادتها في اليوم ده علشان مفيش حاجه تتراكم عليك nooow nooow

لو معملتش كده هتفضل تاجل تاجل لحد متتفاجأ ان الميد تيرم بعض اسبوع و بعد كده هتقول لا انا لازم اشد حيلي بعد الميد تيرم و بعد الميد تيرم مش هتلحق تاخد نفس و هتلاقيي النتايج ابتدت تطلع و انت طبعا هتبقي قلقان و مش عارف تذاكر و بعدين هتفاجا ان الامتحان بعد اسبوعين طبعا هتقول انا هلحالم ايه ولا ايه :M :M

فعلشان متتدخلش في الموال ده كلو نصيحتي بجد انك تبتدي المذاكره بدري و مش لازم تقيل اوي بس تبقي مظبط امورك


ممكن تحضر للدكتور اللي انت عايزه يعني مش لازم تحضر للدكتور بتاعك بس في السكشن لو بياخد غياب يبقي لازم نحضرله لو مبياخدش يبقي لو مش عاجبكممكن تغيره ( ممكن لو بياخد غياب تتفق مع اللي انت عايز تاخد معاه انويكتب للمهندس بتاعك ورقه تثبت فيها انك بتاخد معاه)

الورش لازم تحضرها كلها و فيها امتحان شفوي في الاخر

معمل الكيميا و الفيزيا و الديناميكا لازم تحضرهم كلهم و بيبقي فيه امتحان معمل في الاخر
تقسيمة مذاكرة المواد بالتفاصيل:

[RIGHT]بالنسبة للمواد إنت هتدرس 9 مواد منهم مواد تدريسهم ترم واحد ومواد هتدريسهم ترمين
الرياضيات
مادة ترمين وعليها 325 درجة
هيتعتبر من أصعب المواد اللي عليك بس الكلام ده لو مابتذاكرش أول بأول....لومشيت على نظام إنك تاخد المحاضرة وتروح تذاكرها مش هتلاقي نفسك عندك أيمشاكل وهتجيب فيها امتياز بسهولة
وإنتعندك الرياضة في إعدادي 4 فروع.....جبر وهندسة تحليلية وتفاضلوتكامل.....في الترم الاول بتاخد جبر وتفاضل وفي الترم التاني بتاخد هندسةتحليلية وتكامل والترم الاول بيعتبر أسهل من الترم التاني في الرياضةوبتمتحن كل فرع في الترم اللي بتدرس فيه الفرع
معلومات اكتر عن التفاضلهنـــــــــــــا
معلومات اكتر عن الجبر هنـــــــــــــــــا

..........................................
الفيزياء
مادة ترمين وعليها 350 درجة
أسهل من الرياضة بس برده عايزة شغل ولازم تذكرها برده أول بأول...........برده عندك فيها 4 فروع فيزياء كهربية ومغناطيسية
وفيزياء خواص مادة وحرارية
في الترم الاول بتاخد خواص مادة وكهربية وفي الترم التاني بتاخد حرارية ومغناطيسية وبتمتحن كل فرع في الترم بتاعه
و في معمل فيزياء الترمين و كل ترم عندك امتحان معمل.........و لازم تحضر عشان الغياب و الحضور عليها درجات

الرياضة الترم الاول مقسومة فرعين
جبر وتفاضل
التفاضل مادة جميلة جدا
لازم طبعا تحضر محاضراتها والسكاشن اهم كمان من المحاضرة بكتير لان المعيدين بيحاولوا يوصلولك طرق سهلة كتير للحل
افضل الدكاترة في التفاضل هو دكتور حاتم هو عبقري بسم الله ما شاء الله لازم تحضروله وطبعا دكتور الزهيري بس هو مداش اعدادي السنة اللي فاتت
افضل المعيدين بشمهندس محمد ابراهيم وبشمهندس احمد عاطف
دول بصراحة افضل اتنين


طبعا المادة ديه لازم تحل كتاب المسائل المحلولة بتاعها اول ما ينزل لان بيكون فيه افكار كتير حلوة اوي
بس فيه مشكلة واحدة بس انه بينزل قبل الميدترم تقريبا باسبوع
فبيكون صعب انك تخلصه بس حاول تحل منه علي قد ما تقدر لان لازم الميدترم ييجي منه وفي مسائل كتير من الفاينال كمان بتيجي منه
بس خد بالك لان احيانا بيكون فيه مسائل علي حاجات الدكاترة مشرحوهاش في المحاضرة فديه سيبك منها
بس خد بالك لان الميدترمات بتكون بعد بداية السنة بشهر او شهر واسبوع
علشان كده لازم تذاكر اول باول
وحاول متكومش من الاول لانك في الغالب هيتكوم عليك حاجات
بس بلاش تكوم من اول السنة
لازم تذاكر وتتابع علشان تكون مع الدكتور في المحاضرة


في الاخر انك تجيب امتياز مش صعب خالص
بس زي ما قلتلك انت تقدر تضغط وقت مذاكرتك وتهيص في باقي الوقت براحتك
وتعيش حياتك
ربنا معاكم يا رب
وعايزين نسمع كلام حلو اخر السنة ان شاء الله



بالنسبة ليوني مصر
هنا ان شاء الله هتلاقوا كل المحاضرات وهتلاقوا ناس كتير يساعدوكم لو عزتم حاجة في المذاكرة او الحل
وكمان هتاخدوا كمية معلومات كتير اوي عن كل حاجة
دين
او
science
او
controversial issues
حاجات كتير



يلا بقي ورونا همتك

مادة الجبر
.المادة سهلة ان شاء الله بس عايزة شوية حل.
.ومش عايزة اهمال.
.وبعض الناس هيحس انه مش فاهم حاجة في الاول.
.لكن بعد كده ان شاء الله هيكون الامر سهل.


....
.1- احسن دكاترة في المادة .
.د.أحمد عبد السميع.
.ده أحسن واحد وأبسط واحد. :good
.وأنصح بالحضور له.
.وبعد كده.
.د.لوسي.
.ود.شهوار.
..
.2- وبالنسبة للمعيدين.
.أحسن واحد هو.
.الباشمهندس أحمد عاطف.
.والباشمهندس محمد ابراهيم.
.وبعدين احمد يحيى والباقي.
..
.3- أهم حاجة الحضور والمحاضرات بيجي منها الامتحانات.
.اهتم جدا بالمحاضرات.
.ومحدش يلغبط نفسه. LozaR!
.واذا معرفتش تحضر مع احسن ناس.
.فليس عليك الا الصبر والاجتهاد.

..
.4- حل مسائل السكشن والمحاضرات تاني في البيت بعده مباشرة.

.5- كتاب المسائل المحلولة هام جدا.
.يجب ان يحل اول باول.
.حاول انك تقسمه على طول الترم.
.اهم حاجة في المادة ديه الحل الكتير لأن فيها افكار مختلفة.
.والأفكار ديه هتلاقي نفسك بتعرفها مع كتر الحل.

.6- اخر نصيحة متخليش اعتمادك على المعيد كامل.
.اهتم انت بالحل والمذاكرة وارجعله في الاسئلة.
.واذا مرة مجاش عوضها مع اي حد.
.لانه ممكن ميلحقش يعوضهاش .


.وفي النهاية اهم حاجة الاستعانة بالله والدعاء.
.فلا نجاح بدون توفيق الله.
.فحاول ان تحصل على هذا التوفيق بطاعة الله.
.فما عند الله لا ينال الا بطاعته

الفيزياء
مادة ترمين وعليها 350 درجة
أسهل من الرياضة بس برده عايزة شغل ولازم تذكرها برده أول بأول...........برده عندك فيها 4 فروع فيزياء كهربية ومغناطيسية
وفيزياء خواص مادة وحرارية
في الترم الاول بتاخد خواص مادة وكهربية وفي الترم التاني بتاخد حرارية ومغناطيسية وبتمتحن كل فرع في الترم بتاعه
و في معمل فيزياء الترمين و كل ترم عندك امتحان معمل.........و لازم تحضر عشان الغياب و الحضور عليها درجات

لفيزياء وهى الكهربية



والكهربية تنقسم إلى قسمين أساسيين : الكهربية الاستاتيكية & الكهربية التيارية والمغناطيسية

أولاً : الكهربية الاستاتيكية
وتتكون من أربعة أبواب:-

الباب الأول : قانون كولوم والمجال الكهربى

يتم فيه دراسة الشحنة الكهربية والمواد الموصلة والعازلة وقانون كولوم
والقوة الكهروستاتيكية المؤثرة على شحنة نقطية والناتجة عن مجموعة من الشحنات النقطية
وكذلك المجال الكهروستاتيكى الناشئ عن مجموعة من الشحنات النقطية
وطريقة حسابهما

وفى نهاية الباب هناك أربعة اثباتات هامة تحفظ بفهم طبعا

وهى كالآتى:

1-حساب المجال الكهروستاتيكى الناشئ من خط لانهائى الطول مشحون بشحنة طولية منتظمة
2-حساب المجال الكهروستاتيكى على محور حلقة دائرية رقيقة مشحونة بانتظام
3-المجال الكروستاتيكى على محور قرص دائرى مشحون بانتظام
4-المجال الكهروستاتيكى الناشئ من مستوى لانهائى مشحون بانتظام

الباب الثانى : قانون جاوس

يتم فى هذا الباب دراسة فيض المجال الكهروستاتيكى على سطح
وقانون جاوس يوفر طريقة أسهل لحساب المجال الكهروستاتيكى خاصة فى حالة التوزيع المتماثل
للشحنة
وبعض التطبيقات على قانون جاوس وهى عبارة عن حساب المجال الكهروستاتيكى باستخدام القانون
لبعض الأشكال مثل قشرة كروية
& خط لانهائى مشحون بشحنة خطية منتظمة
& مستوى لانهائى مشحون ذات كثافة سطحية منتظمة

وبالطبع فإنها اثباتات تحفظ وتطلب فى الامتحان قبل حل أى مسألة بها قانون جاوس أو مطلوب بها المجال
الكهروستاتيكى


الباب الثالث : الجهد الكهروستاتيكى

يتم فى هذا الباب دراسة مفهوم القوة المحافظة واثبات ان القوة الكهروستاتيكية محافظة
وفرق الجهد الكهروستاتيكى
وطاقة الوضع الكهروستاتيكية
وكيفية اشتقاق المجال الكهروستاتيكى من دالة الجهد الكهروستاتيكى
والأسطح المتساوية الجهد

الباب الرابع : الأوساط العازلة والمكثفات

وينقسم هذا الباب إلى قسمين:

1-فى حوالى أول 19 صفحة من هذا الباب جزء نظرى عن المواد العازلة
& والعلاقة بين متجه الاستقطاب
ومتجه المجال الكهروستاتيكى &
وقانون جاوس فى حالة وجود عازل كهربى &
والعلاقة بين متجه الاستقطاب ومتجه الازاحة الكهروستاتيكى


2-يتم فيه دراسة المكثفات الكهربية والسعة الكهربية للمكثف
والطاقة الكهروستاتيكية المختزنة فى المكثف
وبذلك يكون نهاية الكهربية الاستاتيكية

المادة : فيزياء فرع خواص المادة

الأساتذة المشاركين في تدريس المادة

ا.د مدحت المسيري ---->>استاذ المادة

د.فوزي رجب

د.منال عوض

ا.د اسامة النبوي

المادة ديه لذيذة والإمتياز فيها سهل إن شاءالله


هي بتكلم عن حاجات كتير

و مقسمة لخمس اجزء

1.الباب الاول
الابعاد والوحدات : بيتكلم عن الأبعاد والوحدات الأساسية
هتلاقوه سهل أوي إن شاء الله

2.الباب الثاني
المرونة :ودة باب مهم بيتكلم عن نتيجة تأثير القوى على المواد

3.الباب الثالث
ميكانيكا الموائع
ودة باب شبه الباب الرابع اللي كان عندكو في الفيزياء , يعني أرشميدس وباسكال و كدة ,بس أسهل كتير


4.الباب الرابع
لزوجة السوائل
ودة برضو شبه الباب الخامس اللي كان عندكو اللي هو بتاع اللزوجة


5.الباب الخامس
قوى التجاذب
ودة باب سهل أوي بيتكلم عن الجاذبية الأرضية


ازاي بقى نذاكر الفرع ده ونجيب فيها تقدير؟؟

أولاً :المحاضرات لازم تحضرها مهمة جداً جداً

عشان مش هتقدر تعتمد فيها على ورق الدروس لإنه بيبقى مزود حاجات كتيره د.مدحت المسيري مبيقولهاش

ثانياً: أوعى تجيب ورق الدروس في الفرع ده

ذاكر من المحاضرات

طب هتقولي أحل منين ؟؟
حل من الشيتات اللي الكلية بتنازلها مع الكتب بس

و ممكن تبقى تبص على إمتحانات السنين اللي فاتت
و لازم برده

تحضر السكاشن علشان لو حاجة وقفت معاك في مسائل الشيت

يعني الخلاصة تحضر المحاضرة
+
تفهمها
+
ترجع تحل عليها كل مسائل الشيت
+
متجبش ورق دروس في الفرع ده خالص
+
أي حاجة توقف معك أسال المعيد
=
امتياز



وخلي بالك ابقى هات محاضرات دكتور مدحت المسيري لأنها مهمة

و لازم تحضر محاضرة المراجعة بتاعته بتاعة أخر السنة

لان في سنتنا لغالنا شبتر كامل في المحاضرة ديه

قبل الإمتحان علطول

وكمان الكتب في الفيزيا مش مهمة خالص خالص أهم حاجة المحاضرات
لو جبت الكتب مش هتفتحهم أساساً

و خلي بالك

الفرع ده صعب انه يتلم ليلة الإمتحان

يعني من الأخر لازم تذكرها أول بأول

عشان ماتتركمش عليك
وبالتوفيق ان شاء الله

بالنسبة للانسانيات فدى اسهل مادة فيكى يا هندسة

اسم المادة الحقيقى : تاريخ العلوم الهندسية (الدلع الانسانيات )


1-اسم الأساتذة المشتركين في التدريس:-

دكتور أحمد الخشاب (قسم مدني)
دكتور مجدي عبد الغني (قسم كهربا)
دكتور نبيل عبد المنعم (قسم كيميا)
دكتور صلاح الدين المفتي (قسم تعدين ومناجم وفلزات)
دكتور علي هاشم (قسم طيران)
دكتور سمير أبو هديمة (قسم الرياضيات والفيزيقة الهندسية)
:hat


2-الهدف من المادة:-

الانسانيات مادة سهلة جدا ومفيدة جدا وليها هدفين رئيسين

أولا : إنك تتعرف على جميع أقسام الكلية علشان تقدر تختار القسم صح إن شاء الله
علشان كده الدكاترة من أقسام مختلفة علشان كل دكتور يقدر يديك فكرة عن قسمه
وتقدر تختار المناسب ليك حسب قدراتك وامكانياتك مش حسب الكلام اللي بيتقال على الأقسام
لإن الدكاترة بيدوك صورة واضحة عن دراسة القسم ومجالات العمل فيه

ثانيا : إن يكون عندك فكرة عن بعض العلوم الإنسانية اللي بتفيدك كمهندس في شغلك
وأغلبها بيفيدك في الحياة بصفة عامة مش بس في الشغل
زي الإدارة والهدف والمراجعة

3-أسماء المواضيع التي سيتم دراستها داخل المادة:-

1- تاريج جامعة القاهرة وكلية الهندسة
2- مشاريع المياه في مصر
3- الإدارة
4- الهدف
5- نظام المراجعة (زي الايزو)
6- عملية التصميم الهندسي
7- ملخص كتاب أفكار عادات النجاح السبعة :good
8- فكرة عن بعض مشاريع التعدين في مصر
9- بالاضافة لنبذة عن كل قسم من حيث الدراسة ومجالات العمل


4-اي نذاكر المادة دي ونتفوق فيها؟؟!! ya taaara


الانسانيات مادة سهلة جدا محتاجة مجهود صغير في المذاكرة
يا دوب محتاجة:-

1- حضور المحاضرات بانتظام
علشان المحاضرات دي أهم حاجة وكلام الدكاترة مهم جدااااا وهو اللي بيجي في الامتحان

2- التركيز جداااا في المحاضرات
وحاولوا تكتبوها كويس والأهم كمان إنكم تفهموها كويس جدا جدا جدا
لإن الامتحان بيكون فيه أسئلة عايزة فهم مش حفظ

3- حاولوا تذاكروها أول بأول
ده هيكون أفضل حتى لو كل محاضرتين تلاتة مع بعض
علشان قبل الامتحان يكون سهل عليكو تراجعوها كلها


5-النصائح المتعلقة بالمادة:-

نفس طرق المذاكرة بالاضافة لحاجتين LozaR!

1- في بعض تواريخ في تاريج الجامعة وفي محاضرات كهربا
ياريت تفحظوهم وتجمعوهم في ورقة لإنهم سهلين
ودايما بيجي منهم

2- الامتحان بيكون أسئلة اختيارات وفيها أوفر كتييير
فالأحسن لو شاكين في سؤال متحلوهوش لإن الغلط بينقص درجات
يعني لو السؤال صح بتاخد +1
والغلط
0.2- :O


يمكن الدكاترة هيفهموكوا نظام الامتحان أحسن مني
بس نصيحتي لو سؤال شاكين فيه متحلوهوش
ربنا يوفقكو إن شاء الله ونشوف امتيازات كتير السنة دي

ان شاء الله في التوبيك ده هنكلمكم عن الادوات الهندسيه اللي انت هتحتاجوها
في ماده الرسم الهندسي اولا بس هبدا اعرفكم بس بأسماء الابواب


1_opthographic projection and missing views
2_ismotric drawing
3_instersection of bodies and development of curved surfaces
4_sectioning
5_steel construction


بس انا دلوقتي اسيبكم مع الادوات الهندسيه اللي هتحتاجوها في الرسم
ودي الصور بتاعتهم

Zoom in (real dimensions: 2048 x 1536)


Zoom in (real dimensions: 2048 x 1536)

Zoom in (real dimensions: 2048 x 1536)

Zoom in (real dimensions: 2048 x 1536)

Zoom in (real dimensions: 2048 x 1536)

Zoom in (real dimensions: 2048 x 1536)

معلش ياشباب الصور تحتيها حاجه سوده دي شنطه بس كنت لازم احطها
علي حاجه غامقه عشان تبان كويس ليكم
ولو عرفت اصورلكم احسن ان شاء الله هتلاقوها
صحيح غير الادوات دي في قلم رصاص واستيكه وفي كمان برجل كبير مصورتهوش معلش مؤقتا ولوح
اللوح هتلاقوها في مكتبه الكليه في الشيخ زايد


ومتخافوش اول سيكشن بيبقي ينبهوا عليكم بالادوات دي
ويبقي سكشن فري هيكلمكم عن ملخص ابواب الرسم
محدش يقلق من الادوات خالص



السيكشن بيتاخد فيها غياب وكل سيكشن بيبقي عليه 10 درجات كلاس
و10 درجات هوم ورك للسكشن اللي قبليه
مهمين اوي الدرجات دي محدش يستهتر بيها
بيتعمل في وسط السنه كويزات مفاجئه عشان تتعودوا علي الرسم لوحدكم
وامتحان الميدترم محدش يستهتر بيها خالص دي مهمه جدااااااااااااااا
صحيح ياشباب لو مش عايزين تتعبوا نفسكم عشان تشتروا الحاجات دي من بره
في دلوقتي مكتبه لسمير وعلي في الشيخ زايد هتلاقوا كل حاجه انتوا عايزنها

ربنا معاكم و يوفقكم ان شاء الله

طيب اسمحولى بقى اخدوكم فرحله طويله مع
الرسم الهندسى
أجمل ماده هتدرسها فاعدادى
.
.
.
.
.
.
اولا الحاله النفسيه
الرسم ماده مزاجيه جدا مينفعش ترسم وانت مضايق ومش طايق اللوحه وعاوزها تطلع حلوه
لازم الواحد يكون هادى ومبسوط وهو بيرسم
ومرتاح يعنى يرسم وهو قاعد مستريح مش واقف وتانى ضهره وحاطط عينه جوه اللوحه
وبلاش تصدقوا جو دى ماده مقرفه وصعبه ورخمه ومحتاجه شغل والكلام ده
انا الحمد لله جبت فيها امتياز وكل اصحابى المقربين بين جيد جدا وجيد
.
.
.
.
.
.
ثانيا نظام الدراسه والمجهود
انت بتدرس الماده على مدار السنه كلها
فى ميدترم فالترم التانى عليه عشرين درجه
والامتحان النهائى
واعمال السنه عليها 80 درجه
وبتتقسم بين الحضور واللوح اللى مفروض سعادتك تقدمها
فى كل اسبوع سكشن بيبقبى حوالى 3 ساعات بس الناس كلها بتخلص بدرى وتخرج
السكشن ده بترسم فيه لوحه وتسمع الشرح اللى ممكن يكون محاضره
وبتاخد لوحه تترسم فالبيت
يعنى مش مجهود جبار ولا حاجه
.
.
.
.
.
ثالثا الدكاتره
مهم اوى لوفى محاضره تحضرها مع اكتر دكتر بتفهم منه وتركز فيها
ومعلش انا ذاكرتى فالاسامى مش موجوه اصلا
بس اكتر ناس حبتهم واحترمتهم واستفدت منهم
دكتر غيث استاذ وراجل بيبذل مجهود جامد وشرحه متميز
دكتر يوسف احسن حد يعرفك كل خط اترسم ليه وازاى ويظبط اى حاجه محتاجه تخيل
بشمهندس احمد عبد الهادى منتدب من جامعه عين شمس او حلوان مش متاكده اصغر دكاتره الرسم سنا
ونسخه من دكتر يوسف بس ده اهدى شويه وبيهتم اوى بالخطوط
.
.
.
.
.
رابعا درجات السكاشن
للاسف دى اكتر حاجه ممكن يحصل فيها ظلم
لان ممكن تلاقى سكشن كله تسعه تسعه ونص
وسكشن كله سته او سبعه
وده بيبقى من اختلاف الدكاتره لانها ماده بتعتمد على التقيم
يعنى كل دكتر ليه نقطه تهموا فلوحه بيحط على اساسها الدرجه
سواء الخط او الابعاد او الفنيش او غيره
والذكى اللى يعرف النقطه دى ويركز عليها
وبلاش اللجو بتاع انا مظلوم ده انا راسم لوحه مالهاش زى غير فحالات معينه
لان اللوحه الواحده ممكنت دكتر يصححها سبعه والتانى تسعه
حسب الدكتر قيمها ازاى
والمشكله انك لازم تحضر فالسكشن بتاعك عشان الغياب
.
.
.
.
.
خامسا مشاكل الرسم
الرسم ممكن تبقى احلى ماده عندك او اوحش ماده عندك
مع ان مشاكلها بسيطه اوى
.
.
1 الخط ونضافة اللوحه
ودى بتتحل مع الوقت وهتشوفوا بنفسكم الفرق بين اول لوحه وتانى لوحه
والفرق بين الاولى والاخيره هتحس ان اللى رسم دى غير اللى رسم دى
.
2التخيل شويه فالترم التانى
ودى موهبه من ربنا مش عند كل الناس
بس عين الواحد بتحفظ كل شكل اترسم ازاى
لان كل رسمه بتاخدها مره واتنين وتلاته
حتى رسمة الامتحان بتبقى خدت واحده شبهها
.
3 الربط بين الرسم الهندسى وموهبة الرسم
مفيش علاقه بين الاتنين دول خالص
الرسم الهندسى تعود ومهاره تزيد مع الوقت ومش شرط تكون بتعرف ترسم ولا بتحب الرسم حتى
لكن الرسم العادى شويه صغيره اوى ممكن يفيد فالرسم الهندسى
لو بتكره الرسم انساه وركز فكلمة هندسى لانها فرق جامد اوى
.
4 الدرجات
لازم تقبل الدرجه وتحاول تحسنها وماتزهقش
.
.
.
.
.
خامسا امتحان الرسم
الدكاتره ممكن بساعودك لو كلمتهم بذوق لو عندك مشكله
والوقت مش مشكله كبيره انا كل اللى احتجته خمس دقايق عشان اللوحه تبقلى ميه ميه
وفى ناس كتير خلصت قبل الوقت بربع ساعه واكتر
.
.
.
.
.
.
.
اه كل الرغى ده
معلش طولت عليكم يارب اكون فدتكم
وانا تحت امركم فاى استفسار عن الرسم الهندسى
ونصيحه اخويه محدش يرسم وهو واقف

السلام عليكم و رحمة الله و بركاته


اهلا ببنات هندسة القاهرة الجداد
ahlaan
طبعا كلكم داخلين الكلية دي عشان نفسكم تدرسوا مواد هندسة و تطلعوا بشمهندسين.....ولا اقول بشمهدسات ؟؟؟؟



و اكيد بردو وانتم بتكتبوا الرغبات مليوووووون واحد قالكم هندسة اييه اللي تدخليها

دي ؟؟؟؟......دي للولاد !!!!....دي بهدااااااااااااالة.......هتعملي ايه في هندسة؟؟؟؟؟؟
7araaaam
طيب هل هندسة فعلا بهدلة للبنات؟؟؟؟؟
ya taaara
في بعد الاقسام فعلا ممكن يكون فيها بهدلة و بتبقي صعبة علي البنات
بس احنا مش هنتكلم علي الاقسام دلوقتي

خلينا في اعدادي دلوقتي اللي هي اول سنة

ايه اللي ممكن يكون فيه شوية بهدلة؟؟؟؟
ya taaara
اولا: المواصلات

كلنا عارفين ان اول سنة هتكون في الشيخ زايد ان شاء الله و المواصلات اللي بتروح الشيخ زايد بتبقي بهدلة اوي اوي ....... انا جربتها و فعلا بتكون مقرفة جدا.....فأنصحكم كبنات انكم تشتركوا في اوتوبيسات الكلية احسن


دا حته وقت الباص بيبقي وقت لذييييذ اوي و بتبقي قاعدة براحتك مع صحابك......ترغي معاهم تلعبي......اي حاجة
:yahooo
ثانيا: جوة الكليه


طب جوة الكلية اييه اللي ممكن يضايقك؟؟؟؟
المحاضرات......لازم تعرفي ان في دكاترة معينة في الكلية الدفعة كلها بتبقي عايزة تحضر للدكتور ده......و بالتالي الدنيا بتكون زحمة جدا.....انت بتبقي داخلة المحاضرة و الناس عمالة تخبط فيكي......ولاد و بنات......هتلاقي نفسك بتتخنقي مع ولد علي مكان تعدي فيه
:S
في طبعا ولاد محترمة جدا بتراعي ان انت بنت و بتعاملك و كأنك اختهم

بس في ولاد هتلاقيهم بيعملوكي و كأنك ولد زيهم
:fight
دي حاجات لازم تتعودي عليها و دي حاجات بتحصل في اي كلية مش هندسة بس

و انت قاعدة في المحاضرة او السكشن......انت قاعدة وسط زملائك الجداد سواء ولاد او بنات...... دول هتكملي معاهم الخمس سنين ان شاء الله......فمتتكسفيش من انك تسألي الدكتور او المعيد علي حاجة
nooow
لو في اي جزء انت مش فاهماه كويس قولي من غير كسوف و هتتعاد
غير كده في المعامل و الورش و دي مفهاش اي نوع من البهدلة لأن الشغل خفيف مفهوش اي حاجة

كده تقريبا المعلومات دي من مواقع كتيره قوي وشباب بتحكي عن تجربتها ارجو ان تفيدكم ويا ريت اللي عنده معلومه يضيفها ويا ريت تدعولنا بالنجاح والتفوق باذن الله

دلوقتى بعد الرحلة الطويله دى فى المواضيع اللى فاتت
احنا حاولنا نغطى كل حاجة على قد ما نقدر
بس طبعا أكيد عندك سؤال ونفسك تسئله
تعالى هنـــــــا وأسأل براحتك
وإن شاء الله هنجاوب عليك

توضيح بسيط بس عن الفرق بين المهندس الكيميائي (خريج كلية الهندسة ) و الكيميائي (خريج كلية العلوم أو معاهد تقنية ) ؟ والمهندس الكيميائي قراءنا في هذه الصفحة الاعمال الموكلة للمهندس الكيميائي و هو يهتم بالأنتاج بشكل كبير ( تصنيعيا ) و يكون بكميات كبيرة و يعالج المشكلات التي تحصل في المصنع ( برفقه مهندسين من تخصصات آخرى مثل المهندس الميكانيكي و الكهربائي ) و يسعى المهندس الكيميائي إلى تعزيز المحفزات و الابحاث على زيادة الإنتاج بأقل تكلفة ممكنة و بأسرع وقت ممكن و غيرها من الامور . أما الكيميائي ( ليس بالمهندس ) ولكنه عالم و يعمل على ايجاد القوانين و النظريات و لكن لا يهتم بالأنتاج و تكاليفه و سرعته و يكون عمله محصور في المعمل أو في أشياء أخرى و تكون بكميات قليلة و إجراء التجارب و الاختبارات على بعض المواد وإعطاء النتائج للمهندس و لا يأخذ بالاعتبار التكاليف المترتبة على ذلك و لا وقت الإنتاج . وجميعهم ( المهندس و الكيميائى العالم ) مكملين لبعض و يسعون إلى الإنتاجية

وتنقسم العمليات في التصنيع إلى تصنيع متقطع (بالخلطة) أو المستمر حيث ان التصنيع المستمر يعطي كفاءة أعلى ولكن تصميم الخطوط والتحكم بها يكون على درجة أعلى من الصعوبة ولذا كان المهندسين الكيميائين من أول الذين طبقوا أنظمة التحكم الأوتومانيكية في تصميماتهم.

أهم المساقات الدراسية للهندسة الكيميائية :ميكانيكا الموائع, حركية التفاعلات الكيميائية,الديناميكا الحرارية ،هندسة التفاعلات الكيمائية, انتقال المادة, انتقال الحرارة, عمليات المواد الصلبة, هندسة التحكم, هندسة التآكل, هندسة البيئة و معالجة المياه, هندسة البترول والبتروكيماويات, هندسة الكيماء الحيوية, تقنية النانو (المواد متناهية الصغر),تصميم مصانع, تصميم المعدات، صناعات متفرقة, الكيمياء العامة والعضوية والتحليلية ،الفيزياء العامة والرياضيات والمعادلات التفاضلية.
ب

دلوقتى بعد الرحلة الطويله دى فى المواضيع اللى فاتت
احنا حاولنا نغطى كل حاجة على قد ما نقدر
بس طبعا أكيد عندك سؤال ونفسك تسئله
تعالى هنـــــــا وأسأل براحتك
وإن شاء الله هنجاوب عليك

دلوقتى بعد الرحلة الطويله دى فى المواضيع اللى فاتت
احنا حاولنا نغطى كل حاجة على قد ما نقدر
بس طبعا أكيد عندك سؤال ونفسك تسئله
تعالى هنـــــــا وأسأل براحتك
وإن شاء الله هنجاوب عليك

كلية الهندسة – جامعة القاهرة

إستقبال الطلاب الجدد لفرقة إعدادى

للعام الجامعى 2009/2010

ــــــــــــــــ

تدعو إدارة الكلية الطلاب الجدد الملتحقين بفرقة إعدادى لحضور

الاستقبال المخصص لهم خلال ايام الاحد و الاثنين و الثلاثاء

13 ، 14 ، 15/9/2009 من الساعة 10 صباحاً و حتى الساعة 12ظهراً بمدرج الساوى بمقر الكلية الرئيسى بالجيزة .



الحضــور خــلال الفتـــرة مـــن العاشــرة صباحــاً حتى الواحــدة ظهـــراً

اليــــــــوم


مـــــن

أول حــــرفين من الإســم الأول للطــالب


إلــــى

أول حــــرفين من الإســم الأول للطــالب

الأحد 13 سبتمبــر 2009


أب


حـــــن

الإثنين 14 سبتمبــر 2009


محســـن


ى – آخــــره

الثلاثاء 15 سبتمبـــر 2009


الطــــلاب الذين تخلفـــوا عـــن الحضور سابقاً

وزارة التعليم العالي
معهد …………….



طلب
التصريح بالتحويل للطلاب المستجدين والقدامى
من الكليات والمعاهد المناظرة / غير المناظرة



السيد الأستاذ الدكتور / عميد معهد ………………………………………
تحيه طيبة وبعد ،

مقدمة لسيادتكم الطالب ………………………………………………………………………………..
المرشح بالمعهد / كلية ……………………… بالصف ………………………………………………
للعام الدراسي 200 / 200
والحاصل عـــلى مؤهــــــل ( دبلوم تجارة / دبلوم صناعي / دبلوم فندقي / ثانوية عامة ) شعبة …………… ……………………ومجموع درجاتي ……….. رقم جلوس ………..........
تاريخ الحصول على المؤهل …………………………………………………………………………..
المواد المؤهلة أن وجدت ……………………………………………………………………………….

برجاء التكرم من سيادتكم بالموافقة على تحويلي من معهد / كلية ……………………………
الى معهدكم .

وتفضلوا بقبول فائق الاحترام ,,

مقدم الطلب
تحريراً فى : / / 200
(………………………… )





إيصال
استلمت أنا ………………………………………… الطلب المقدم من السيد ……………………………
بشأن الموافقة على طلب التصريح بالتحويل للطلاب المستجدين والقدامى بالكليات والمعاهد غير المناظرة مستوفيا كافة متطلبات طلب الحصول على الخدمة .
وقيد الطلب برقم ……………….. وبتاريخ / / 200
التاريخ المحدد لإنجاز الخدمة / / 200
توقيع الموظف المختص

( ……………………………… )

القواعد الحاكمة لإجراءات الحصول على الخدمة

وفقا لقرار رئيس مجلس الوزراء رقم 4248 لسنة 1998 في شأن تيسير الحصول على الخدمات الجماهيرية ومنها خدمة طلب ( التصريح بالتحويل للطلاب المستجدين والقدامى بالكليات والمعاهد المناظرة / غير المناظرة ) الخاضعة لأشراف وزارة التعليم العالي
تلتزم الجهات الإداريـــة المعنية بتقديــم الخدمة وفقا للوارد بهذا النموذج الصادر بتاريخ 15/ 10 / 5 200 كثمرة للتعاون فيما بين الجهاز المركزي للتنظيم والإدارة ووزارة التعليم العالي من تحديد للمستندات والأوراق والمبالغ المطلوبة للحصول على الخدمة والتوقيتات الزمنية المحددة لإنجازها ، أو الإعلان عن رأيها في الطلب المقدم للحصول عليها ، وأية مخالفه لذلك ترتب المسئولية وذلك على النحو التالي :-

أولا : المستندات والأوراق المطلوبة :

موافقة مديري المعهدين بالإضافة الى :
فى حالة الطالب المستجد :
بيان حاله أو بطاقة الترشيح للطالب المستجد بالصف الأول .
فى حالة الطلاب القدامى :
بيان حالة من الكلية أو المعهد المراد التحويل منه موضحاً به الحالة الدراسية من سنه حصوله على المؤهل حتى عام التحويل موضحاً به التسلسل الدراسى للطالب .
صورة من المؤهل الدراسي أو بيان الدرجات .

ثانيا : المبالغ المقررة للحصول على الخدمة :

لا يتم تسديد الرسوم عند تقديم الطلب ولكن بعد موافقة الوزارة على التحويل .
يتم سداد المبالغ الاتية :
-, 40 جنية ( أربعون جنيها فقط لاغير ) مصاريف إدارية للمعهد المحول منه .
40, قرشاً ( أربعون قرشاً فقط لاغير ) 30 قرش ضريبة دمغة إيصال ، 10 قروش رسم تنمية موارد مالية .

ثالثاً : التوقيتات المحددة لإنجاز الخدمة :

خلال شهر من تاريخ بدء الدراسة واستيفاء الشروط .

في حالة عدم الحصول على الخدمة فى التوقيت المحدد أو طلب مستندات أو مبالغ إضافية تحت أي مسمى يمكنك الاتصال بإحدى الجهات الآتية :-
وزارة التعليم العالي ت : 7943696
هيئة الرقابة الإدارية : ت 2902728/02

ده بالنسبه للمدينه الجامعيه

----------------------------------------------------------------

[size=9][size=16]ب- اللوحة الخشبية للرسم الهندسي:[/size]

في موقع مصري بدون ذكر
أسماء شوفت لوحتين - أنهي واحدة بتستخدموها ؟ وهل بتاخدوها معاكوا الكلية
في الشنطه بتاعتها ولا بتستخدموها في البيت بس ؟
اللوحة الأولى
جهاز رسم A2 رقم 442 وسعره 318 جنيه بس مش عارف ماركته روترنج ولا أيه ؟ وصورته

اللوحة الثانية

لوحة رسم بروفيل A3 روترنج و سعرها 304 جنيه وصورتها

وهل اللوحتين دول بيجي معاهم حامل عشان يتحطوا على المكتب؟ أو يتعلقوا على طرابيزة الرسم ؟

ولا أنا ممكن أجيب للوحة حامل يركب عليها ؟

والمفروض أجيب مقاس 80 * 120 سم ؟ ولا أيه ؟

----------------------------------------------------------------

[size=9][size=16]ج- شنطة اللوحة :[/size]

على موقع روترنج شوفت
شنطتين روترنج وصورهم تحت فهل في سمير و علي أو أي مكتبة تانيه موجودين في
مصر؟وإذا كانوا مش موجودين فهل يوجد ماركات أخرى غير روترنج لحمل اللوحة
الخشب ؟ أو الأدوات الهندسية ولا لأ؟ والصور بتاعتهم

----------------------------------------------------------------

[size=9][size=16]د- ترابيزة الرسم الهندسي الكبيرة :[/size]

عايز أعرف لو جيبت اللوحة هل ححتاج الترابيزة ؟ وهل اللوحة بحطها على الترابيزة وأنا برسم ولا أيه ؟؟

وأنا أصلاً لو دخلت حدخل يا ميكانيكا يا أما مدني لكن معماري لأ فأجيب ترابيزة رخيصة وأبعد عن الغاليين؟ولا أيه ؟

وهل لازم أجيب الكرسي بتاعها ولا ينفع كرسي عندي في البيت بعجل و بيعلى و يوطى؟

وأسعارها بتبدأ من كام إلى كام ؟

والمفروض أجيبها 60 * 80 سم بالحامل ؟

صورة لها

----------------------------------------------------------------

[size=9][size=16]هـ - الصابونة ومنظفات اللوحة الورق و اللوحة الخشب:[/size]

من ضمن الطلبات حاجه
أسمها صابونه فهل المقصود أستيكه صابونه ؟ أنا شوفتها في موقع برناسوس
وأسمها استيكة صابونة سانفورد تستخدم فى المسح والتنظيف فى وقت واحد و
سعرها 2 جنيه و صورتها

و شوفت في موقع تاني مصري

1 - كوب بودرة لورق الرسم روترنج بـ 44 جنيه و صورته

كوب منظف رمادي روترنج بـ 13 جنيه وصورته

كوب تنظيف أحمر روترنج بـ 13 جنيه وصورته

زجاجة سائل منظف 100 مللى روترنج بـ 17 جنيه وصورتها

زجاجة سائل منظف 250 مم روترنج بـ 19 جنيه وصورتها

فأنهي حاجه بقى من دول هي اللي مطلوبة
في تنظيف اللوحة الورق ؟ وأنهي حاجه من دول هي المطلوبة في تنظيف اللوحة
الخشب ؟وأنهي حاجه بنضف بها سطح طرابيزة الرسم؟

----------------------------------------------------------------

[size=9][size=16]و- مسطرة حرف تي روترنج 80 سم : [/size]

هل بيجي معاها جراب ولا بجيبلها جراب؟ ولو فيه أحتمال أدخل مدني يبقى أجيب 100 سم أحسن؟

----------------------------------------------------------------

[size=9][size=16]ز- الفرنش كيرف :[/size]

شوفت 3 حاجات روترنج على النت بس مش عارف أنهي المفروض أجيبه ؟ والأصفر أحسن ولا الشفاف؟

1- طقم فرنش كيرف3 قطعه أصفر روترنج بـ 19 جنيه وصورته

[size=9]2- طقم فرنش كيرف 3 قطعه شفاف روترنج بـ 19 جنيه وصورته

3- فرنش كيرف روترنج شفاف بـ 18 جنيه ومش عارف كام قطعه و صورته

----------------------------------------------------------------

[size=9][size=16]ح- المثلثات :[/size]

فيه ناس قالوا المثلثات طولها 22 سم وناس قالوا 30 سم بس أنا مالقيتش في الروترنج غير 25 و 35 و 32 و 36 و فيه شفاف و فيه أصفر ؟

المفروض أجيب أنهي طول ؟ و الشفاف ولا الأصفر ؟

----------------------------------------------------------------

[size=9][size=16]ط-المنقلة : [/size]

في الروترنج فيه أتنين واحد 180 درجة و 10 سم وشفافه و بـ 5 جنيه و فيه 360 و 10 سم و لونها أصفر و بـ 11 جنيه

الأفضل أنهي ؟

----------------------------------------------------------------

[size=9][size=16]ي- مسطرة إسكيل :[/size]

المطلوب منها كام سم ؟ 30 ولا 50 ؟ و هل ديه النوع المثلث ده ولا أيه؟ في اللينك اللي تحت ديه في

مسطرة روترنج إسكيل مثلث رقم 1 و 4 و 6

المفروض بجيب أنهي واحده فيهم ؟

----------------------------------------------------------------

[size=9][size=16]ك - المساطر الأخرى : [/size]

هل بحتاج أجيب بجانب المسطره الأسكيل مسطرة 50 سم ؟ لأن مسطرة حرف تي 80 سم بتبقى طويله في بعض الرسومات

[/size][/size][/size][/size][/size][/size][/size][/size][/size][/size][/size]

ياريت كل اللي جاتله هندسه القاهره يخش هنا ويعرفنا بنفسه ولو عنده اي اسئله احنا في الخدمه انا هبقا معاكو السنه دي في الللللللللللللللقاهره

طيب تمام .. بس عايز أعرف نظام الدراسة عامل إزاي ؟؟
وهو مختلف عن نظام الثانوية العامة ؟؟؟
أقولك يا باشمهندس ...
طبعاً كلنا اتقالنا الكلمة الشهيرة اتعب سنتين في الثانوية العامة عشان ترتاح بعد كده في الكلية..
للأسف الكلمة دي لو اتطبقت على الكليات النظرية فهي متتطبقش على كلية عملية وخصوصاً لو كانت هندسة ...
أنا مبقولش الكلام ده عشان أخوفكم ...
بس بقوله عشان متتهاونش وتندم بعد كده ...
اللي بيحصل - واللي حصل معانا - إننا بندخل الكلية وبنكون مش فاهمين الموضوع ماشي إزاي .. أو متراخين شوية ..
وبنفضل في الحالة دي لحد أول امتحان ميدتيرم - هشرح دلوقتي معناه - والامتحان ده بيكون الصدمة الكبرى

[size=21]


[/size]