معلومات عن أعدادى هندسه القاهره

بس كده يا ريت تفاصيل اكتر

انا طلبت ان اكون مشرف عي هذا القسم بس محدش رد عليا وبناء علي ذلك انا هعتبر نفسي مشرف هنا وهمدكم بمعلومات يا ريت تنفعكم

أقدم لكم اليوم برنامج القاموس الهندسي , و هو مهم جدا لكل طلبة الكليات الهندسية أو الذين يعملون في الهندسة بشكل عام



Dictionatry Of Engineering









مميزات البرنامج :

1- يحتوي حوالي على 9000 مصطلح هندسي ..

2- يحتوي على المختصرات و المترادفات المستخدمة في الهندسة

3- يغطي جميع الأقسام الهندسية (مدني - معماري - كهربية - كمبيوتر - صناعي ... الخ)



رابط التحميل



http://depositfiles.com/en/files/323045



حجم البرنامج : 3 ميغا فقط ..!

وكد اللي خايف من الدراسه بالابجليزي ممكن تكون يعني حلينا جزء منها

اولا بخصوص الشيخ زايد فدي للاسف حقيقة ...والكلية بتوفر اتوبيسات
باشتراكات بتتحرك من قدام الكلية كل يوم في مواعيد ثابته تقريبا ..الكلام
ده مكنش على ايامي الحمدلله

أقسام الكلية ممكن نقسمها 3 تصنيفات:

اقسام تعتمد على الرياضة والفيزياء بالدرجة الاولى:

1- هندسة الاتصالات والالكترونيات
2-هندسة الحاسبات
3- الهندسية الكهربية
4- الهندسة الطبية
5- هندسة تعدين " بترول ومعادن وفلزات"

اقسام تعتمد على الرسم والرياضةوالميكانيكا:

1-الهندسة الميكانية "ودي قسمين قوى وانتاج"
2-الهندسية المدنية
3- هندسة الطيران

اقسام تعتمد على الرسم بالمقام الاول:

1- الهندسة المعمارية

وممكن تدخلي على موقع الكلية لمزيد من التفاصيل:Home Page


بالنسبة لمواد اعدادي فهي كتير شوية وبتعتبر من ارخم السنين لانك بتذاكري
فيها حاجات كتير جدا ..وهي من السنين الشبيهة جدا بالثانوية عامة وموادها
على حسب ما اتذكر

1-رياضة " جبر وتفاضل وتكامل وهندسة تحليلية"
2- فيزياء " خواص مادة وكهربية ومغناطيسية وموائع"
3- ميكانيا " ديناميكا واستاتيكا"
4-انتاج " شوية معلومات عن المكن وفي ورش في الكلية "
5- كيمياء هندسية
6-انسانيات " مدخل الي كلية الهندسية"
7- الكتابة التقنية " طرق كتابة تقارير باللغة الانجليزية"
8- الرسم الهندسي والاسقاط
9- كمبيوتر " اساسيات وبرمجة"
المواد دي على ترمين ما عدا الكيمياء والانتاج والانسانيات والكتابة التقنية في كل ترم هيتم دراسة مادتين منهم.

ده اللي افتكره من اعدادي..
مع العلم ان الكلام ده كان على ايامي 2003 ...ومن المحتمل ان اللائحة تكون اتغيرت..

اهم حاجة في كلية هندسة الحضور ثم الحضور ثم الحضور...
لازم تكون متواجد وحاضر بذهنك من اول يوم في الكلية..

بالتوفيق









__________________

أساعدك فى المعلومات اللى عاوزها...وطبعا زى ما قالك د.فوكس ان الدراسة مختلفة تماما عن الثانوية العامة

ولازم انك تروح الكلية كل يوم عشان تحضر
1-
المحاضرات اللى
بيديها الدكاترة ودى مفيهاش حضوروغياب الا لو فى بقى دكتور حب يغلس ع
الطلبة شوية. وطبعا لازم تحضرها عشان دى بيتشرح فيها المنهج الدراسى
2- السكاشن ودى اللى بيديها المعيدين ودى فيها حضور وغياب وخد بالك انه ساعات كتير بيبقى فى درجات ع الغياب ده يعنى

من الاخر لازم تحضرها وكمان بيتحل فيها مسائل على اللى بتاخده فى المحاضرات وساعات كمان بتشرح فيها حاجات مكملة

للمحاضرة..وبالنسبة لحكاية الكتب فانت فى اعدادى حتشترى كتب كتيرة شوية عشان دى اللى حيشتغل منها الدكتور والمعيد

ولكن باردو فى كتب مش حتحتاجها لأن فى ورق بتاع دروس بينزل فى المكتبات اللى جنب الكلية وخصوصا ورق مادة

الرياضيات لأن بصراحة الكتاب بتاعها صعب جدا تذاكر منه ومتهيألى انك حتحتاج الورق ده وباردو حتلاقى ورق فيزياء ممكن

يساعدك شوية وكمان فى ورق هندسة وصفية بس المادة دى انا كنت بذاكرها من الكتاب مع الورق ونجحت فيها بالعافيةلأنها

كانت معقدانى حبتين وابقى حاول تسأل حد تانى عليها وفى مادة اسمها تكنولوجيا انتاج أوعى تجيب ليها ورق دروس يعنى

تذاكرها من الكتاب وفى كمان مادة اسمها رسم هندسى ودى مادة مستمرة طول السنة يعنى العملية اخر حلاوة وحتعيش وحتتظبت ::shot::

وبالنسبة لللأقسام فانت تقدر تدخل اى قسم ماعدا أربع أقسام(حاسبات واتصالات وباور وطبية) بيبقى لهم تنسيق حسب مجموعك

وربنا يوفقك ان شاء الله بس شد حيلك وذاكر بجد بس اوعى حيلك يتقط

..لأنه بصراحة انت مش حتلاقى وقت تكلم اى

بنت وبالذات فى كليتنا دى لأن معظمهم حيكونوا مشغولين بالمحاضرات والسكاشن والجرى من المدرج للتانى

عشان تلحق تحجز مكان كويس تشوف منه وتستوعب ...اما حكاية المذاكرة فانت حتلاقى نفسك لازم تذاكر على

قد ما تقدر واعتقد انه حيبقى اكتر من 5 ساعات فى اليوم معلش....انا بقولك الصراحة عشان مترجعش تقول

كان بيضحك عليا ويوهمنى والصراحة ان انت حتذاكر اكتر من الثانوية العامة بكتير

وحكاية المجاميع دى فانت وقدراتك ...انا زى ما قلتلك بياخدوا مجاميع خاصة لكن باور بتاخد من مقبول باردو

وطبية واتصالات تقريبا جيد لكن حاسبات تاخد جيد مرتفع او جيد جدا ده حسب معلوماتى

اما الجدول فده انت حتفهم ازاى تظبته اكتر لما تدخل الكلية ان شاء الله وبتبدى تشوف مين الدكاتر والمعيدين اللى

بتفهم منهم كويس وتحضرلهم وتظبت الجدول على كيفك وممكن حسب التظبيت يبقى عندك يومين اجازة مع

الجمعة بدل يوم واحد(الطبيعى انه عندك يوم اجازة + الجمعة)....بس خلى بالك ان السكاشن لازم تكون متفق مع

المعيد اللى عندك فى السكشن انك تحضر السكشن بتاعه مع واحد تانى عشان ينقلك غيابك عنده ساعتها

اما النصيحة الذهبية انك تروح كلية تانية احسن بلاش تضيع شبابك (g)

طبعا دي مش قصتي

قصة كفاح .. رحلة الشيخ زايد

زملائي المهندسين الجدد وكل اللي يحب يتعرف على الشيخ زايد .. السلام عليكم ورحمة الله وبركاته

ان شاء الله هاخدكم في جولة سريعة إلى الشيخ زايد هنتعرف فيها على أهم
معالم المدينة وطرق المواصلات والكلية وكل ما يمكن انا يحتاجه
الباشمهندسين في هذا الفرع . يرجى ربط احزمة الأمان استعدادًا للإقلاع
آملين لكم الاستمتاع في الرحلة التي تتطلب حوالي ساعة إلى ساعتين من الزمن
حسب محطة الركوب .

محطات الركوب :
بالنسبة للذهاب للشيخ زايد يوجد مجموعة من المواصلات يمكن إيجازها في التالي :

موقف ميكروباصات عبد المنعم رياض ( تحرير )
موقف ميكروباصات الهرم ( موقف اسكندرية فيه عربيات الشيخ زايد وايام
الدراسة بيكون فيه عربيات زايد هندسة ديه بتنزل عند باب الكلية على طول )
ميكروباصات ميدان رمسيس (مش عارف مكانها)
ميكروباصات ميدان الجيزة ( بتحمل اكتوبر )
ميكروباصات ميدان لبنان
اتوبيس نقل عام رقم 570 من عبد المنعم رياض (تحرير)
اتوبيس نقل عام 757 من الهرم
اتوبيس نقل عام 370 من العباسية ورمسيس
ميني باص رقم 1 من ميدان الجيزة
ميني باص رقم 5 امبابة

ده اللي انا فاكره ، وفي مواصلات تانية ممكن تكتشفوها اثناء الدراسة .
أثناء الدراسة تخصص الكليات اتوبيسات لنقل الطلبة باشتراك شهري 160 جنيه ( لعدة خطوط مثل الجامعة
الهرم المعادي مدينة نصر مصر الجديدة تحرير رمسيس ...

صور لمحطات الركوب :

الهرم

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 1023x857 .

التحرير

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 1026x857 .

لو انت جاي مواصلات فديه خريطة لموقع الكلية من ساعة ما تدخل من عند هايبر ون Hyper One :

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 1023x860 .

بعد ما ندخل الكلية هنلاقي قدامنا مبنى 51 المبنى ده فيه الإدارة وديه
اللي في وش الباب أول ما ندخل ، فيه قاعات السكاشن في الدور الأرضي والأول
والثاني وفيه معامل الفيزياء ( فيه معمل في الدور الأول ومعمل في الدور
الثاني الاثنين فوق بعض) ، وفيه معمل الديناميكا في الدور الثاني وكذلك
معمل الحاسبات .

وكما هو موضح بالصورة بعد ما نعدي الباب الأخضر اللي وراه صحراء هنتجه لمبنى 61 اللي فيه المحاضرات .

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 1026x860 .

مخطط لمبنى 51 :

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 800x600 .

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 800x600 .

بعد الجولة الخفيفة ديه يحين موعد الإفطار .. بالنسبة للكلية فيها
كافتيريا واحدة بس هي كافتيريا حورس وفي خارج الكلية ممكن نروح لمول
النوران اللي فيه مكتبات ومطاعم وسوبر ماركت .


مول النوران

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 1026x861 .

بالنسبة للجدول :


ده نموذج لجدول المحاضرات والسكاشن وكما هو موضح ده جدول مجموعة ( و ) :

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 2048x1536 .

كمثال هنفترض اننا في سكشن 41 ده معناه :
ان يوم الاحد عندنا سكشن فيزياء معمل هنلاحظ أنه المربع نصه فاضي ونصه
مليان وده معناه ان المعمل ده بالتبادل اسبوع في واسبوع مفيش معمل .
بالنسبة للفترة الثانية فيها سكشن رياضة بيبدل مع سكشن حاسبات يعني مرة في
سكشن رياضة والاسبوع اللي بعده حاسبات وهكذا .. الثالثة محاضرة هندسة
انتاج . الرابعة محاضرة حاسبات بالتبادل اسبوع اه واسبوع لأ . وهكذا
بالنسبة لبقية الأيام . نلاحظ أن الرسم الهندسي والاسقاط يأخذ فترتين أولى
وثانية أو ثالثة ورابعة وساعات يكون فيه فترات فاضية .

بالنسبة لقراءة اسم القاعة :

مثلا يوم الثلاثاء الثانية في عندنا سكشن فيزيقا في قاعة 51106 ده معناه إن السكشن في مبنى رقم 51 الدور الأول القاعة 06

مثال آخر يوم الثلاثاء الثالثة فيه محاضرة ميكانيكا مبنى 61102
ده معناه ان المحاضرة مبنى 61 الدور الأول قاعة 02



دلوقتي بعد ما خلصنا محاضرات حان وقت العودة ، وعادة توجد ميكروباصات هرم
أمام باب الكلية ونادرا يكون هناك ميكروباصات تحرير أو ميدان لبنان ..
أحسن مكان للركوب مبين بالصورة التالية وفيه ميكروباصات هرم وتحرير ورمسيس
اتوبيسات الجيزة والتحرير ورمسيس والعباسية السابق ذكرها

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 1315x1027 .

في شهر رمضان يكون الضغط شديدا على المحور وطريق الهرم مما قد يؤدي الى الوصول الى المنزل ( عودة فقط) في ساعتين .

والآن أترككم مع بعض صور الكلية :

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 2048x1536 .

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 2048x1536 .

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 2048x1536 .

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 2048x1536 .

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 2048x1536 .

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 2048x1536 .

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 2048x1536 .

ربنا يسهلها عليكم وما يعطلكم اتوبيس

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 2048x1536 .

نصيحة لا بد منها : علشان فترتك في الشيخ زايد تعدي على خير ، حاول تنظر
للموضوع نظرة ايجابية مثلا الشيخ زايد هواها نظيف ، الواحد بيكتسب خبرات
في المواصلات وبيتعرف على اماكن جديدة وكده يعني وبلاش النظرة المتشائمة .
ويا ريت المذاكرة أول بأول والمتابعة مع الدكتور والسكشن بانتظام واهم
حاجة انك تحضر محاضرات .


لو حسيت أول ثلاث شهور ان انت مش بتفهم وشكيت في نفسك متقلقش ده شعور
طبيعي جدا وهي أزمة في الأول وبتعدي على خير ان شاء الله وربنا يوفق
الجميع .

والسلام عليكم ورحمة الله وبركاته

انتا عندك حاجة اسمها كلية هندسة
كلية هندسة 4 سنين واعدادي يبقو 5

اعدادي عاملة زي اولى ثانوي بتدرس فيها كل المواد
وبعدين تحدد حتخش علمي ولا ادبي

احنا بنختار يا مدني يا كهربا يا ........... باقي الاقسام

بعد ما تخش علمي بتدور علمي رياضة ولا علوم
عندنا برده قسم كهربا مثلاً في السنة التالتة بتحدد تخش شعبة
اتصالات ولا حاسبات ولا باور؟

يبقى انت بتحدد في اولى ثانوي تختار ايه حسب ايه
مش حسب ما تشوف نفسك انت اشطر في مواد علمي ولا ادبي؟

برده في اعدادي هندسة بتاخد مواد كتير ولا ليها علاقة ببعض

بس كل مادة ليها علاقة بقسم معين (وإن كان مفيش حاجة ليها علاقة بحاجة اصلاً )

المهم انت حتشوف بتحب ايه وانت اشطر في ايه وتروح داخل القسم اللى بتحبه
افرض كل الناس قالت حندخل القسم ده اللى بنحبه وعملو زحمة ؟
قالك حنحدده بمجموع في اعدادي بس بيكون صغير مش زي الثانوية كده

يعني عندنا الاقسام لو جبت جيد (65%) تبقى انت كده تمام وتروح تخش القسم اللى عايزه

عامة الاقسام عندنا مش بتزيد عن 60%


طيب النقطة التانية وهي الفرق بين الكليات ؟؟؟
الكتب اللى انت بتدرسها في الكلية (او كما يقول الدكاترة المذكرات) ده بتكون الدكاترة هي اللى عاملينها
يعني مش موحدة عالجميع زي كتب الوزارة في ثانوي

لأ
كل دكاترة كبار في كلية بيتفقوا وبيعملو كتاب كل واحد جزء
يعني مثلاً لو الرياضة واحد يحط الجبر والتاني التفاضل
وعامة بيكون رئيس القسم او استاذ دكتور كبير

وبقية الدكاترة بتدرس نفس الكتاب على الكليات
ولو علوم مثلاً حتلاقيهم حاطين كتاب خاص بعلوم وكتاب خاص بهندسة وكتاب خاص بصيدلة وهكذا

لأنه مش كل الكليات حتدرس نفس الحاجات اللى حيحتاجوها

عشان كده بتلاقي المناهج بتختلف من كلية للتانية
وبالتالي مش كل الكليات بتكون دولية ومعترف بمناهجها دولياً


لكن عامة اعدادي تقريباً بياخدو نفس الحاجات في اللب وبتختلف في الشكليات

ومعظم الكليات بتكون فيها اعدادي بالعربي (عشان متتخضش بس)
وبعد كده بيفاجأك بكل حاجة انجليزي (بس بتكون عرفت قبلها بقى فمش بتتخض )

بس خلاص

عين شمس بعد القاهره

مش المنصوره

ولله مش عارف بس الموضوع منقول من موقع

سامح مجدي كتب:

ولله مش عارف بس الموضوع منقول من موقع

ما انا دخلت ولاقيت ان عين شمس بعد القاهره
وده من الموقع تفسه اللى انت بتقول عليه

هو عشان تبقى عارف هندسه القاهره وهندسه عين شمس وهندسه الاسكندريه مستوى وااااااااااااااااااحد

التربية
العسكرية




وهى
إجبارية ولمـدة أسبوعين يجـب قضاؤها خلال شهور الصيف فى الفترة المعلن عنها
بإدارة شئون الطـلاب ولتأجيلها لابد من تقديم طلب إلى الأستاذ الدكتور وكيل
الكلية لشئون التعليم والطـلاب لشـرح سبب التأجيل .ولابد من أداء التربية
العسكرية قبل التخرج و إلا ستحجب نتيجة الطالب عند التخرج .

رسم
توضيحي لمباني الكلية

1- مبنى الإدارة القديم	15- مبنى الخدمات الطلابية
2-مبنى الإدارة (الأوسط )	16-مبنى الجهد الفائق
3-المبنى الجديد (العمارة )	17- مبنى الهندسة الميكانيكية الجديد
4-مبنى قسم مدنى والهندسة الطبية	19- مبنى السيارات
5- المسجد	20- مبنى إعدادى
6- محطة الكهرباء	21- حديقة عامة
7- مدرج الساوى	30-مبنى خواص المواد ميكانيكا التربة ومعمل الخرسانة المسلحة
8-قسم الكهرباء	31- قسم الرى و الهيدروليكا
9- المكتبة	32- قسم المناجم والبترول والفلزات
10-قسم الميكانيكا	33- قسم الكيمياء
11- معمل الحرارة	34- مبنى الخرسانة المسلحة
12- نادي الكلية	35- مبنى الأساسات
13-ورش الكلية	36- قسم الطيران
14- مبنى الهندسة الميكانيكية الجديد (تصميم )

مواعيد المحاضرات
بالكلية










كيف تستدل على مكان محاضرتك



ستجد داخل الجدول الدراسى رقماً يوضح
مكان المحاضرة أو السكشن



خانة الآلاف : يمثل رقم المبنى داخل
الكلية ( راجع خريطة الكلية )



خانة المئات : يمثل رقم الدور داخل
المبنى



الآحاد و العشرات : يمثل الحجرة فى
الدور داخل المبنى



وعلى سبيل المثال عندما يقال لك مدرج
أو حجرة 10101



فهذا يعنى المبنى 10 الدور الأول
حجرة رقم 1

الأقسام العلمية بالكلية



تتكون
الكلية من الاقسام الاتية :-

قسم الرياضيات والفيزيقا الهندسية	قسم هندسة القوى و الآلات الكهربية
قسم الهندسة المعمارية	قسم هندسة الإلكترونيات والاتصالات الكهربية
قسم الهندسة المدنية و يشتمل على اقسام ( الهندسة الانشائية – الهيدروليكا – الاشغال العامة )
قسم هندسة القوى الميكانيكية	قسم هندسة الحاسبات
قسم التصميم الميكانيكى والإنتاج	قسم الهندسة الكيميائية
قسم هندسة الطيران والفضاء	قسم هندسة المناجم و البترول و الفلزات
قسم الهندسة الحيوية الطبية والمنظومات

التــوزيع على أقسـام الكلــية



يتم
اختيار الطالب للقسم الراغب الالتحاق به من خلال استيفاء استمارة اختيار
الأقسام والتي توزع على الطلاب أثناء تأدية امتحان دور مايو ( نهاية العام )
ويجب على الطالب أن يقوم بترتيب رغباته بعناية فائقة وتأنى أخذاً في الاعتبار
ميوله وقدراته الشخصية فى ضوء ما درسه فى السنة الاعدادية .



ويتم
ترشيح الطالب للقبول بناءً على تقديراته ومجموعه الكلى ويتم توزيعه على القسم
المناسب وفق أولويات الترتيب الموضح باستمارة الرغبات .




و بالنسبة لقسم الهندسة المعمارية يتم عقد اختبار قدرات لراغبى الالتحاق بهذا
القسم يحدد موعده عقب امتحانات الفصل الدراسى الثانى .

الرسوم الدراسية وكيفية سدادها

*

يحصل الطالب بعد الكشف الطبي بمستشفى الطلبة ـ على أذن تسديد الرسوم الدراسية من الموظف المختص بالفرقة الإعدادية أ/ أنور عبد العاطى ، أ/ عبد الناصر الشريف بشباك الفرقة الإعدادية بشئون الطلاب
*

وقيمة الرسوم الدراسية لطلاب الفرقة الإعدادية أول مرة 189.90 جنيه ( مائة وتسعة وثمانون جنيهاً وتسعون قرشاً )
*

أما الطالب الباق للإعادة فقيمة المصروفات 66,90 جنيه ( ستة وستون جنيهاً وتسعون قرشاً )

*** تنبيه :- على الطالب أن يتقدم للحصول على أذن تسديد الرسوم الدراسية بنفسه وسدادها

بخزينة الكلية والحصول على إيصالات السداد لتسليمها مع صورة شخصية للطالب لشئون الطلاب ليتم استخراج الكارنيه له .

كيفية تأجيل التجنيد

يشترط فى الطالب المقيد بالكلية تقديم ما يثبت موقفه من التجنيد وذلك إذا كان الطالب من مواليد عام (1984 ) يقوم الطالب بإحضار نموذج 6 جند من مندوب التجنيد بقسم الشرطة التابع لسكن الطالب وتقديمه للموظف المختص بطلاب إعدادي حتى يتسنى عمل تأجيل التجنيد للطالب حتى سن 28 سنه ، والطالب الذي لا يقدم موقفه من التجنيد تحجب نتيجته وقد يحرم الطالب من دخول الامتحان .

مكافأ ت التفوق للفرقة الإعدادية

يحصل أوائل الثانوية العامة المصرية على مكافأة قدرها 120 جنيه ( مائة وعشرون جنيهاً ) تصرف على أقساط شهرية خلال العام الدراسى بمعدل عشرون جنيهاً شهرياً

كما يمنح الطلاب المستجدين المصريين فقط والحاصلين على نسبة 80% على الأقل فى الثانوية العامة مكافأة التفوق قيمتها 84 جنيه ( أربعة وثمانون جنيهاً ) تصرف على أقساط شهرية خلال العام الدراسى بمعدل أربعة عشر جنيهاً شهرياً . والطالب الحاصل على الثانوية العامة الفنية نظام الخمس سنوات بمجموع 80% على الأقل يحصل على مكافأة التفوق قيمتها 84 جنيه ( أربعة وثمانون جنيهاً ) تصرف على أقساط بواقع أربعة عشر جنيهاً ويتم الصرف لدى موظف خزينة الكلية المختص بذلك أ/ إبراهيم الصاوى

كيفية التقدم بعذر رسمى ( إيقاف القيد )

قد تحدث للطالب بعض الظروف الخارجة عن إرادته والتى قد تمنعه من استكمال دراسته على الوجه الأكمل وبالتالى فعلى الطالب أن يتقدم بعذر رسمى حتى لا تحتسب هذه السنه سنة رسوب . والعذر الرسمى يقدمه الطالب فى صورة طلب باسم الاستاذ الدكتور / وكيل الكلية لشئون التعليم والطلاب موضحاً فيه أسباب اعتذاره عن دخول الامتحانات ومرفق به المستندات المؤيدة لطلبه وذلك قبل بداية الامتحانات بوقت كاف حتى يمكن البت فيها .

مرافق وخدمات تقدمها الكلية

*

مكتبة الكلية :-

تحتوى على قاعات للمطالعة على الكتب والمراجع الهندسية قديمة وحديثة والرسائل العلمية ويتم الاستعارة للطالب بكار نية الكلية وفق مجموعة القواعد والنظم التي تضعها المكتبة بالإضافة إلى المكتبة العامة بالجامعة التي تخدم جميع الطلاب في مختلف الكليات .

*

المكتبة الثقافية :-

وهى مكتبة مقرها مكتب إدارة رعاية الشباب بالكلية ـ بجوار حمام السباحة وتحتوى على مجموعة قيمة من الكتب الثقافية فى مختلف فروع المعرفة ويتم الاستعارة الخارجية بناءاً على استمارة خاصة بذلك –و مدة الاستعارة للكتاب 10 أيام وبحد أقصى كتاب واحد .

*

مطعم الكلية :-

ويقدم وجبة غذائية ساخنة بسعر رمزى ( قدره جنيه واحد ) لمدة 5أيام فى الأسبوع من السبت حتى الأربعاء ويتم حجز الوجبات للأسبوع التالى من مكتب إدارة رعاية الشباب بجوار حمام السباحة وتباع هذه البونات أيام السبت والأحد والاثنين من كل أسبوع ويفتح المطعم أبوابه من الساعة 12 بعد الظهر ومقره أسفل مبنى النادى الاجتماعى بالكلية .

*

كافيتريا الكلية :-

تم هذا العـام افتتاح كافيتريا على احدث طراز معمـارى خلف مبنى عمارة مباشرة وتقدم كافة المأكـولات والمشروبات بأسعـار فى متناول جميع الطـلاب ويوجد منفذ أخـر لكافيتريا بجوار النادى الإجتماعى .

*

مسجد الكلية :-

الدور العلوى مخصص للطلاب – والدور الأرضى للطالبات ومقره خلف مبنى عمارة الجديد ويغلق المسجد أبوابه عقب صلاة العصر .

*

صالة الألعاب الرياضية :-

وهى صالة تنفرد بها كلية الهندسة بين كليات الجامعة ويمكن للطالب أن يمارس فيها كافة الأنشطة خلال فترة أوقات الفراغ وأيام الإجازة بالقسم ويمكن أن يتم تنظيم مباريات فى مختلف الألعاب بين أقسام الكلية المختلفة واسر الكلية و إدارة رعاية الشباب ترحب بالطلاب الرياضـيين ومحبى الرياضة .

*

صالة اللياقة البدنية :-

وهى مزودة بأحدث الأجهزة الرياضية وبسعر رمزى للطلاب وقدره جنيهاً واحد للساعة . وهى تقع اسفل مبنى النادى بالكلية ، الحجز فيها عن طريق المشرفين الرياضيين بإدارة رعاية الشباب و جارى حالياً أعمال توسعة لهذه الصالة .

*

مطبعة الكلية:-

وهى موجودة بجوار بنك المهندس وتقدم للطالب خدماتها المتمثلة فى (التصوير- بيع الملازم- الكتب –لوحات الرسم ) باستخدام أحدث الأجهزة والآلات وتباع الملازم بأسعار رمزية للطلاب .

*

الجمعية التعاونية الاستهلاكية بالكلية :-

تقـوم الجمعية ببيع جمـيع المستلزمات للطالب بالكلية بأسعار مناسبة ومقرها خلف المبنى الإدارى بالكلية .

*

العيادة الطبية :-

توجـد بالكلية عيادة طبية تقـدم خدماتها لكافـة الطـلاب وهى تقع بجوار مبنى إعدادى وتحتوى على :-

1-عيادة الباطنة :- وتخدم حالة الإغماء والحالات الطارئة .

2-عيادة الأسنان :- توفر العلاج من حيث الخلع أو الحشو وعلاج اللثة .

معـامــل الحاسبات

1- معمل الحاسبات :- بمبنى عمارة الدور الثانى وهو معمل يحتوى على أحدث أجهزة الحاسب الآلى والإنترنيت ويمكن للطالب أن يستخدم هذه الأجهزة مقابل مبلغ رمزى ويمكن أن يحصل خلال الإجازة الصيفية على دورات تدريبية متنوعة .

2- معمل البرمجيات :- يستفيد منه طلاب قسم الهندسة الطبية بصفة خاصة وبقية طلاب الكلية

3- معمل قسم العمارة :- يستفيد منه طلاب الهندسة المعمارية و يوجد بالدور الثالث و اخر بالدور الخامس .

4- معمل حاسبات قسم هندسة الطيران :- يخدم طلاب القسم وباقى طلاب الكلية .

5- معمل قسم الهندسة الطبية :- يخدم طلاب القسم وباقى طلاب الكلية .

6- معمل قسم اعدادى

7- معمل الدور الثالث بمبنى كيمياء

8- معمل الدور الثالث بمبنى ميكانيكا انتاج الجديد

9- معمل الدور الثالث بمبنى ميكانيكا قوى ( مبنى سيارات )

10- معمل الدور الثانى بمبنى مدنى

11- معمل التصميم الميكانيكى بمبنى الادارة القديم الدور الثالث .

12- معمل قسم حاسبات .

كيفية حجز دولاب بمبنى إعدادى

يمكـن لكل طـالب حجـز دولاب خـاص به يضـع فيه أدواته الشخصـية والدراسية وذلك نظـير مبلـغ قـدره 5 جنيهات بإيصـال معتمـد وذلك من الموظـف المخـتص الاستاذ / أحمد منتصر – بمبنى اعدادى .

ملحــوظـــة :- يجب عليك وضع أستكير يحمل اسمك و تليفونك ومجموعتك الدراسية خلف باب الدولاب من الداخل مع ضرورة عدم الاحتفاظ بالمتعلقات الثمينة داخل الدولاب حفاظاً عليها من الضياع مع الالتزام بمواعيد إخلاء الدواليب المعلن عنها بالقسم بعد نهاية العام الدراسى

المدينة الجامعية

*

بالنسبة للطلاب المغتربين من خارج نطاق القاهرة الكبرى يحق للطالب الإقامة بالمدينة الجامعية ويقوم الطالب بشراء مظروف من المدينة ويقوم باستيفائه من كليته ويتم تسليمه للمشرف المختص بالمدينة الجامعية .
*

الطلاب المحولون بالكلية لأقسام غير مناظرة مثل ( تعدين - الهندسة الطبية الطيران – الكيمياء ) من حقهم شراء هذا المظروف إذا كانوا من المغتربين .
*

رسـوم الإقامة بالمـدينة الجامعية 31 جنيه ( واحد و ثلاثون جنيهاً لاغير ) شهرياً

الاتحادات الطلابية

يتم تشكيل اتحاد طلاب الكلية سنوياً عن طريق انتخاب طالبين عن كل سنة دراسية لكل لجنة من لجان الاتحاد الستة . ويكون لكل لجنة أمين و أمين مساعد بين أعضائها ورائد من السادة أعضاء هيئة التدريس يختاره الأستاذ الدكتور عميد الكلية.

ويمارس الطلاب نشاطهم من خلال هذه اللجان وهى :-
لجنة نشاط الأسر لجنة النشاط الرياضى
لجنة النشاط الثقافى لجنة النشاط الفنى
لجنة نشاط الجوالة والخدمة العامة لجنة النشاط الاجتماعى

وكل لجنـة من اللجـان السابقة يمثلها عدد 2 طلاب من الفـرقة الإعـدادية يتم انتخابهم بطـريقة الاقتـراع السـرى .

وتبدأ انتخـابات اتحاد الطلاب خـلال شهر نوفمبر من كل عام ونحـن ندعو الطلاب للحـرص على ممارسة حقهـم فى اختيار مرشحيهم و الإدلاء بأصواتهـم وذلك للنهوض بالأنشطة والخدمات التى تقدم للطلاب .

صندوق التكافل الاجتماعى

يقدم الصندوق خدمات لبعض الطلاب الذين قد تحول ظروفهم الاجتماعية دون تقدمهم فى الدراسة ولكل فرقة دراسية مسئول عنها مشرف مختص بإدارة رعاية الشباب يتولى الإشراف عليها إلى أن يتخرج الطالب من الكلية

والمشرف المختص هو المرجع الأول للطالب فى الرد على كافة استفساراته فيما يتعلق بخدمات الصندوق أو أى مشكلات تعترضه و مقر الصندوق إدارة رعاية الشباب بجوار حمام السباحة .

والصندوق يقدم خدمات نقدية وعينية ويقوم الطالب بسحب استمارة صندوق التكافل من المشرف المختص بالفرقة الاعدادية ويتم استيفاؤها و إحضار المستندات المطلوبة والمعلن عنها بإدارة رعاية الشباب خلال الفترة المحددة لكى يحصل على احتياجاته فى يسر و سهولة

إدارة رعــاية الشبـاب

هو الجهاز الفنى المسئول عن التخطيط و الإشراف على تنفيذ جميع الأنشطة الطلابية فى مجالاتها المتـعددة عن طريق مجموعة من الأخصـائيين المؤهلين ويضـم قسمـاً للباحثين لمعاونة الطلاب فى حل مشاكلهم العلمـية والمـادية عن طريق المساعدات الاجتماعية وقسماً أخر للأنشطة الثقافية والفنيه ( ندوات – مسابقات – صحافة – مسرح – فنون تشكيلية – منوعات ) وقسماً للأنشطة الرياضية لجميع الألعاب الفردية والجماعية وكذلك أنشطة الجوالة والخدمة العامة والرحلات وقسماً أخر لمعاونة الأسر الطلابية المتعددة الموجودة بالكلية وتقوم الإدارة بمعاونة لجان اتحاد الطلاب والسابق ذكرها فى تنفيذ أنشطتها المختلفة

دعوة للمشاركة فى النشاط

عزيزى طالب وطالبة الفرقة الإعدادية

وأنت فى مستهل حياتك الجامعية لابد وأنك تواق لأن تعيش فترة دراستك الجامعية كما ينبغى لها أن تكون ليس بين جدران المعامل والمدرجات فحسب وإنما هي حياة متكاملة يهمنا نحن فيها ـ أن ننمى قدراتك ومواهبك وإشباع احتياجاتك في جميع أوجه النشاط المتنوعة وعلى سبيل المثال ندعوك لممارسة :ـ

1ـ الأنشطة الرياضية : في جميع الألعاب الفردية والجماعية بصالة الألعاب الرياضية .

2ـ الأنشطة الثقافية : المشاركة في مسابقات الشعر ـ الأدب ـ الصحافة ـ الندوات - سباق المعلومات

3ـ الأنشطة الاجتماعية والأسر : مسابقة الشطرنج ـ المثاليين ـ خدمة عامة ـ الرحلات والمعسكرات ـ أنشطة ومهرجانات الأسر ـ معارض الإنتاج الطلابي .

4- أنشطة الجوالة : مشروعات الخدمة العامة – ومعسكرات تدريب المهارات

5- الأنشطة الفنية : تمثيل ومسرح – موسيقى ومنوعات – كورال – فنون تشكيلية – أشغال يدوية

**** فلا تتردد واتجه إلى إدارة رعاية الشباب ستجدنا دائما بجوارك .

مشاركتك فى الأنشطة تؤهلك و ترشحك لتمثيل الكلية فى الرحلات والمعسكرات الداخلية والسفر للخارج والمشاركة في المؤتمرات العلمية .

مــع أطيب التمنيات بالنجاح والتوفيق ,,,

يا ريت اللي يخش يقولنا رايه ايه في الكلام اللي موجود ولو عايز اي استفسار احنا في الخدمه

العفو علي ايه ده واجبنا ان احنا نستفيد ونفيد اللي حوالينا

السلام عليكم ورحمة الله وبركاته

أحلى دفعة دفعة اعدادى الشيخ زايد 2009 – 2010
:yahooo
ألف مبروك عليكم هندسه

بجد كلية هندسة القاهرة من أعظم الكليات على مستوى مصر
:hat
اليوم فيها مش هيتنسى هيفضل ذكرى معلمه طول حياتك
:H
هتقابل ناس جديدة , هتتعلم حاجات جديده , هتفكر بطريقه جديده , هتمارس وتشارك فى أنشطه كتيرة
هــــــنا على يونى مصر هنحاول نساعد بعض وهنوفر لبعض هنا روح التعاون والمشاركه والتحفيز
يونى مصر هياخد جزء كبير من حياتك الدراسيه فى كليه هندسة القاهرة
هتحتاجه وهيحتاجك
النهارده انا جايبلكوا شويه معلومات عن إعدادى هندسة القاهرة
المعلومات دى من طلبه إعدادى دفعة 2008 – 2009
:good

قالوا عن أعدادى هندسة القاهره
(طلاب اعدادى دفعة 2008-2009)ا--


داليــــــــــــــــــــــــــــا قالت

السلام عليكم
انا بقى مكنش فى دماغى انى ادخل هندسه خالص ...بس الحمد لله دلوقتى انا مش ندمانه مع ان الناس كانت تقولى دى كليه صعبة ومش بتاعة بنات ... بس لما دخلت بصراحة فى الاول كنت حاسة انى تايهة :S بس لقيت ان لو اى حد تعب شويه هيبقى فى نتيجه كويسه ان شاء الله :H
و عايزة اقولكوا انكوا هتقبلوا و تعرفوا نوعية ناس فى هندسة مش هتلاقوا زيها و اكبر دليل على كلامى ... يونى مصر :H
لما بقى عرفت ان اعدادى هندسة فى الشيخ زايد ... قلت يعنى هما غاويين يعذبونا :O ... لما رحت فى الاول مكنتش لسة واخده على النظام ya taaara ... بس دلوقتى والله مش عايزة اسيبها :good ... بصراحة اهدى و انظف غير ان دفعة اعدادى كدة مع نفسها و كله بيبقى عارف بعض من الاخر هتقضى ايام حلوة جدا هناك ان شاء الله :H :M



مصطفــــــــــــــــــــــــــــــــــــى قال

اولا احب اقولكم ان الشيخ زايد ديه من احسن الكليات يمكن كمان احسن من الجيزه


اول السنه هتحسوا انها ممله و بعييييده و رخمه و مفيهاش حياه :M :M

بس بعد كده هتحبوها قوي قوي قوي :H :H


الفرق الوحيد انك في الشيخ زايد هتبقي لوحدك و مش قصدي بلوحدك ان مش هيبقي معاك اصحاب nooow nooow


لا انا قصددي انكم هتبقوا في صحرا عكس الجيزه انت جنب تجاره و اعلام و كل اصحابك :M :M


بس مع الوقت هتلاقيها احسن من الجيزه بكتيييير :H :H



آيــــــــــــــــــــــــــــــــــــــــــــه قالت

السلام عليكم يا احلى دفعة جديدة نورت هندسة كلها

اولا طبعا الف الف مبروك على دخولكم هندسة و ان شاء الله تبقى فاتحة خير عليكم كلكم و تقضوا فيها احلى ايام حياتكوا
:good :good :good
كلية هندسة ديه فعلا هتحس انها مش زى اى كلية تانية ولا الناس الى فيها ناس عادية


انا طول عمرى كنت بحلم انى ادخل الكلية ديه
ahlaan ahlaan
انتوتعرفوا فى شارع كبير كدا فى الكلية الى هو من اول باب اعدادى لحد الجامع الشارع دا من و انا صغيرة كنت اتمنى انى ادخلها و امشى فيها

و الحمد لله ربنا نولهالى و دخلتها
:yahooo :yahooo
مبدايا انت اول ماهتدخل الكلية هتحس ان خلاص انت كدا حققت هدفك و تستريح بقى

لالا nooow nooow ديه غلطة كبيرة الكلية ديه محتاجة شغل و تعب شوية علشان ان شاء الله تبقى مهندس قد الدنيا

و ان شاء الله هتحس بفرق كبير جدا فى حياتك بعد ما تدخل هندسة

انا اول يوم ليا فى هندسة كان يوم التقديم فى الكلية قولت يااااااااه الحمد لله انى دخلتها
:O

كمان يوم الاستقبال اليوم دا فرق معايا جامد عرفنى على الكلية كلها

و اليوم دا عرفت فيه يونى مصر احلى سيت لاحلى كلية لاحلى ناس فى الدنيا
:H
اول ماروحت طبعا سجلت فيه على طول و عرفت كل حاجة عن اعدادى الحمد لله


اول يوم بقى روحت فيه الكلية عارف انت بقى اول يوم ليك فى الجامعة دا بيكون ليه طعم تانى خالص
:M :M
احنا قعدنا ندور على اماكن المحاضرات و السكشين بس كونا فرحنين اوى بقى بالمكان الجديد الى روحاه

و اتعرفت على ناس جديدة و بدات رحلتى مع هندسة القاهرة من اليوم دا

عُــــــــــــــــــــــــــــــــلا قالت


انا بقى بالنسبالى الحمدلله كنت عاوزة ادخل هندسة من زمااااااااان
وربنا حققلى رغبتى والحمدلله مندمتش انى دخلتها
برغم شوية التعذيب اللى فيها :hammer

وبعدين بقى اللى يقولك هندسة ايه ياراجل انت غاوى تعذب نفسك 7araaaam
متصدقوش nooow والله هندسة كلية جميلة جدا وسهلة بس مع شوية تعب
وعشان تصدقونى هحكيلكوا بقى ايامنا مع هندسة (ينفع اسم كتاب والله )

اول حاجة بتحسسك انك خلاص فى هندسة حفل الاستقبال :yahooo
دة بيتعمل عشان تتعرف على الكلية بصفة عامة وطبعا
اعدادى بصفة خاصة

فى الحفل دة بقى عرفت السايت دة :H واول ما روحت البيت
سجلت فيه على طول :clap
لقيت فيه كل حاجة عن اعدادى هندسة الشيخ زايد
بدأت الرهبة تروح منى ولقتنى كدة مطمنة شوية :M

نيجى بقى لليوم التاريخى
اول يوم كلية كان يوم توهااااااااااااااااان
بس بجد كان يوم جامد انك تلف بقى عشان تعرف مجموعتك والسكشن بتاعك
وجدول محاضراتك
ياااااااااااااااه انا خلاص كبرت وبقيت فى كلية

انت بقى اول ما بتدخل الكلية بتلاقى مبنى 51 ودة اللى بيتاخد فيه السكاشن
وبعدين تتمشى شوية كدة تلاقى مبنى المحاضرات 61

سميـــــــــــــــــــــــــــــــــــــرة قالت





السلام عليكم ورحمة الله وبركاته

أنا هاحكيلكم أنا حكايتي مع الكلية دي :H

أولا لازم تعرفه إن انا طول عمري كنت باكره حاجة اسمها هندسة :yuk وكان نفسي أدخل صيدلة من زماااان

المهم اللي حصل حصل وربنا كان كاتبلي أدخل هندسة وأنا دخلتها بجد غصبن عني وأول مادخلت الكلية كنت أرفانة منها عالاخر :M

بدأت احبها كده من نهاية الترم الاول
وعلى بداية الترم التاني الكلية دي بقت حياتي بجد أنا دلوقتي بموت في حاجة اسمها هندسة.......بس مش أي هندسة nooow. ...........هندسة القاهرة

إنشاء الله أنتم كلكم داخلين الكلية دي بمزاجكم وهتحبوها من أول يوم فيالدراسة إن شاء الله كفاية احساسكم إن أنتم حققتوا حاجة كان نفسكم فيها

بسلازم تبقوا عرفين حاجة كويس قوي..........هي كليتنا جميلة وكل حاجة والحمد لله وهتلاقوا ناس كتيرة جدا محترمة وكويسة قوي بس في الاول هتحسيإنك دخلتي عالم تاني خالص

زمانكنت بتعد في فصل معاك كمان 28 في الفصل كلكم صحاب وبتعملوا كل حاجة معبعد.....إنت دلوقتي دكتور هو اللي بيتدخلك ومش في فصل لأ في مدرج ومعاكحوالي 300 طالب عمرك ماشفتهم قبل كده :O ولا هتعرفهم كلهم

هتتعرف على ناس جديدة وهتلاقي ثقافات جديدة وحاجات غريبة :S عشان كده لازم تدخل الكلية من أول يوم وإنت شخصيتك قوية عارف كويس إنت عايز إيه وتنقي صحابك الجدد بذمة


وإن شاء الله هتكون سنة لذيذة جدا ومرحلة انتقالك من الثانوي الى حياتك الجامعية

بالتوفيق والنجاح إن شاء الله

:hat :hat

أحــــــــــــــــــــــــــــــــــــمد قال



ازيكم يا شباب

اهلا بيكم في كليتنا كلية العظماء هندسة القاهره
ahlaan
هندسة زايد اسم كبير لكل طالب داخل هندسة جديد

هتحسوا بيها اما تدخلوها من بابها :tom

بصراحه انا اما شفت الصور بتاعت السنه اللي فاتت لاقيت انها منتجع سياحي
جميله فوق الوصف
وكل سنه بتزيد جمالها
اكتر و اكتر =))

بالنسبه انا دخلتها عن حب ولا لأ :H

فالحمد لله ربنا قدملي اللي في الخير

ولو وصفتلكم انا كنت بفكر فيها من امتى مش هتصدقو

ام هند ان شاء الله هتبقى سنه سعيده عليكم ان شاء الله

و تتهنو اكتر مننا فيها

بالنسبة بقى لمواصلات الشيخ زايد
بيبقى فى باصات للكلية بتقف فى اماكن معينة بتتجمع عندها الطلبة
زى التعاون مثلا فى الهرم وفي المعادى وحلوان وهكذا
وطبعا فى باصات بتطلع من الجامعة
بتطلع تقريبا 12 باص لوحدها ( ما شاء الله ربنا يزيد ويبارك )
وبتكون تكاليفها 150 جنيه فى الشهر
----------------
بجد وقت الباص دة متحاولش تفوته دة كان بيبقى احلى وقت بتقضيه
ممكن تلعب تنام تذاكر تهزر حتى تكلم نفسك عاااااااادى
اكنك فى رحلة بالظبط
:yahooo

-----------------------
تاني حاجة ممكن تنزلوا الهرم وتروحوا موقف الإسكندرية وتركبه من هناك ميكروبص ينزلكم قدام الكلية

وبصراحة ده أحسن للناس اللي ساكنين في الهرم عشان لو اشتركتوفي أتوبيس الكلية هتبقوا مرتبطين بمواعيد معينة إنما لو قادتها مواصلات هتقدر تروح براحتك في أي وقت وهتلاقي ميكروباصات من قدام الكلية بتروح الهرم