medo
المدير العام
تاريخ الميلاد : 05/01/1990
تاريخ التسجيل : 15/01/2008
 https://s7afa.ahlamontada.com
 |  موضوع: كل سنه وانتو طيبين ..لازم تدخل لاااااازم تدخل بقولك  السبت أغسطس 14, 2010 2:06 am | |
| كل سنه وانتو طيبين وبخير وسعاده ياارب ..
وربنا يتقبل منا جميعا ويعود علينا الايام الجميله دى
بجد الايام
دى جميله اوى .. ومش هتعيش احلى منها
عشان كده
جيت اهنيكم
واباركلكم لانكو اصحابى بجد .. وكمان حبيت اقول كلمتين عالماشى
من امبارح
كده اول ليله ف رمضان .. يعنى من بعد المغرب كل الحسابات اتغيرت .. ابواب الجنه فتحت وابواب
النيران اغلقت .. الفريضه بسبعينه فريضه .. النافله بفريضه .. الحسنات
بتتضاعف حاجات كتير اتغيرت .. عشان كده بقول اتغيرت
حسابات الكون كلها عشان تتغير انت
ايوه عشان انت
تتغير
عشان كده
الناس اللى بتقول اانى مش حاسه برمضان وانى وانى وتعبان ومش قادر وحاسس ان فيه
حاجه غلط ... اقولك لا رمضان شهر جميل جداا وانسى وانسى اى مشاكل ليك مع حد او حتى
مجرد تفكير يجبلك حزن .... الشهر ده ..ربنا بيقولك تعالى .. تعالى وملكش دعوه
باللى فات مهما عملت ومهما اذنبت . ببجد ربنا كريم اوى وحاول تسامح كل الناس
سامحهم عشان خاطر ربنا سامحهم وجرب اول شعور ممتع للوحده انك تعيش مع ربنا لوحدك وتناجيه
وتدعيه وتطلب منه ان يغفرلك .. ربنا قريب اوى اوى يا جماعه بس احنا اللى بتبعد
حاول كل ما
تتقدم خطوه ف علاقتك مع ربنا مترجعهاش تانى ارجوك .. اثبت عليها وحاول انك تتقدم
اكتر واكتر
رمضان يا
جماعه فرصه كبيره اوى مش عاوزين نندم عليها .. فرصه انك تكون انسان كويس .فرصه انك تحس بالطمانينه
والرضا ..فرصه انك يتغفرلك زنوبك فرصه انك تسيب حاجات كتير كان نفسك تسبها بس مش
قادر .. خلاص دلوقتى ينفع سيب كل حاجه سيئه كنت بتعملها وزود نفسك الطاعات
والحاجات الجميله دى
رمضان بالظبط
زى اتوبيس طالع رحله ..والاتوبيس ده واقف عالمحطه مستنى الناس لما تحط ازاد اللى
هينفعها معاها ف الرحله .. والاتوبيس ده كام يوم وهيمشى ... حاول تزود رصيدك من
الحسنات من الاعمال الصالحه .. لان رمضان ايام قليله وهيسافر بالاعمال دى لربنا
ويااااااااااااااااااه على اخر ايام ف رمضان بجد لو معملتش حاجه دلوقتى هتندم او ى
وهتزعل اوى من نفسك وتقول ياريتنى كنت عملت وعملت .... ويجى يوم العيد وتحس بيه
كده وتقول يااااااه لو كنت قضيت رمضان صح كان زمانى اسعد الناس
والله ياجماعه
انا بشوف مواضيعى السنه اللى فاتت ف رمضان فوفتحت موضوع كنا بنودع
رمضان .. يااااه وانا بقرأ الكلام كنت ببكى والله . لانه احساس فظيع اوى لما يكون
ربنا اداك الفرصه اهالك بجد انك تتوب من كل حاجه كل حاجه وانت للاسف بترفض ...ومش
عايزين بجد نشعر بالشعور ده اخر رمضان او العيد
كلمه اخيره عشان
محدش يمل من كلامى
كل سنه وانتو طيبين.. وان شاء الله يبقى شهر
مبارك علينا جميعا .. ياريت ياااريت بجد نستغله صح
وبراااحه
وواحده واحده
الصلاه ..
حاول تحافظ عالخمس صلوت ف جماعه وتحس بقى بطعم السجود والقرب من ربنا وتدعيه
وتقوله اللى انت عاوزه . وكمان التراويح والسنن عشان ان شاء الله الصلوات اللى
فاتتنا واللى اهملنا فيها .. عشان الدنيا تنظبط عندا
القرءاااان يا
جماعه .. بجد مفيش احلى من انك تقرا كلام ربنا هو اللى بيقوله ..اى مشكله هتلاقلها
حل .. كفايه انك بتشعر انك مطمن ومش خايف من حاجه عشان ربنا معاك
صله الارحام
.. مينفعش مش هينفع رمضان خاااااالص لو انت متخاصم مع حد او كده ظبط نفسك ولو حد
ضايقك ياعم سامحه وعامل ه براجه وسامحه لله
ان شاء الله
لما نعمل الحاجات دى .. هنعرف معنى لعلكم تتقون وهو ده غرض الصيام .. انى احس انى
اتغيرت احس ان فيه حاجات جديده بانت عليا تحس بثمرات الصيام بتاعك
ف ان شاء
الله هيبقى فيه سلسله او موضوع متجدد هنا بعنوان ثمرات الصيام والتقوى ..وهيكون الكلام جميل جدا بجد وان شاء الله انا
اللى هكتبه بايدى
اسف اسف
اسف جدا عالاطاله وكل سنهوانتم طيبيت والف مبروك عالنجاح لكل
البشمهندسين واحبابنا ف المنتدى وان شاء الله نقضلا رمضان جميل هنا
| |
|
المحجبة
مشرفة
تاريخ التسجيل : 24/02/2009
على باب الله
| | موضوع: رد: كل سنه وانتو طيبين ..لازم تدخل لاااااازم تدخل بقولك السبت أغسطس 14, 2010 4:16 pm | |
| جزاك الله خيرا كلام رائع
وكل سنة وكل المسلمين اطيب وعلى طاعة الله ادوم ولله اقرب وعن الشيطان ابعد
ادعوا لبعض بظهر الغيب وبالاخص انا
متابعة ان شاء الله
ربنا يكرمك ويعزك
| |
|
الاميرة
كبار الشخصيات
تاريخ الميلاد : 13/10/1990
تاريخ التسجيل : 30/07/2008
| | موضوع: رد: كل سنه وانتو طيبين ..لازم تدخل لاااااازم تدخل بقولك الأربعاء أغسطس 18, 2010 11:49 pm | |
| السلام عليكم:
كل سنة وانتم بخير واطيب والى الله اقرب
وكل عام وانتى بخير ياسما والمحجبة
والف مبروك على النجاح
وكل سنة وكل زميلنا فى المنتدى بخير وربنا يغفر ذنوبنا جميعا [/b] | |
|
medo
المدير العام
تاريخ الميلاد : 05/01/1990
تاريخ التسجيل : 15/01/2008
https://s7afa.ahlamontada.com
| | موضوع: رد: كل سنه وانتو طيبين ..لازم تدخل لاااااازم تدخل بقولك الأحد أغسطس 29, 2010 4:45 am | |
| - المحجبة كتب:
- جزاك الله خيرا كلام رائع
وكل سنة وكل المسلمين اطيب وعلى طاعة الله ادوم ولله اقرب وعن الشيطان ابعد
ادعوا لبعض بظهر الغيب وبالاخص انا
متابعة ان شاء الله
ربنا يكرمك ويعزك
جزاكم الله خيرا عالمرور وربنا يتقبل منا جميعا ويتقبل من القيام والصيام اللهم بلغنا ليله القدر اللهم اغفر لنا ما قدمنا وما اخرنا وما اعلنا وما اسررنا وما انت اعلم به منا اللهم اامين | |
|
medo
المدير العام
تاريخ الميلاد : 05/01/1990
تاريخ التسجيل : 15/01/2008
https://s7afa.ahlamontada.com
| | موضوع: رد: كل سنه وانتو طيبين ..لازم تدخل لاااااازم تدخل بقولك الأحد أغسطس 29, 2010 4:49 am | |
| - الاميرة كتب:
- السلام عليكم:
كل سنة وانتم بخير واطيب والى الله اقرب
وكل عام وانتى بخير ياسما والمحجبة
والف مبروك على النجاح
وكل سنة وكل زميلنا فى المنتدى بخير وربنا يغفر ذنوبنا جميعا [/b] جزاكم الله خيرا عالمرور وكل سنه وحضرتك طيبه وربنا يتقبل منا ان شاء الله وربنا يباركلك والف مبروك ليكى ولينا كلنا ومن نجاح لنجاح وربنا يوفقك ف حياتك ان شاء الله اللهم اجمعنا ف مستقر رحمتك اللهم امين | |
|
