المحجبة
مشرفة
تاريخ التسجيل : 24/02/2009
 على باب الله
 |  موضوع: انت ولد...وانتى بنت...  الإثنين يوليو 26, 2010 11:32 pm | |
| بسم الله الرحمن الرحيم
السلام عليكم ورحمة الله وبركاته
عايزة اتكلم معاكم فى موضوع ويارب تفهموا قصدى
احنا كلنا اخوات فى الله وكلامى كله بقوله لانى
بحبكم فى الله
وماقدرش اشوف حاجة غلط واسكت والاقى حد بيضيع ومساعدوش
وكلنا اكيد كده نتمنى الخير لبعض واننا نكون كلنا كويسين
حاجة منتشرة جدا فى الكليات والجامعات وهى الاختلاط
ماشى عارفين وايه الجديد؟
اصبروا بس عليا
فى مننا الحمد لله اللى عارف حدوده وحدود التعامل مع الطرف الاخر بما يرضى الله
وفى مننا للاسف مش عارف
تمشى فى الكلية وتلاقى بنت وولد قاعدين لوحدهم .....ليه ؟
انت وانتى مش عارفين ان كده غلط
تتجول شوية كمان وتلاقى اللى رايحين يفطروا مع بعض واللى بيهزروا مع بعض بالايد
مهزلة والله مهزلة
سؤال لكل بنت بتعرف ولد وسؤال لكل ولد بيعرف بنت وتربطهم علاقة حرام
انت وانتى مش عارفة ان ربنا شايفك ؟ بستخبى من اهلك ومش خايفة من ربك ؟
انت ترضى ان بنتك تبقى فى الوضع ده ؟
لعلمك ان العلاقات الغلط دلوقتى مش بس بتأثر على البنت فى المستقبل دى كمان
بتأثر على الولد
طب ازاى ؟
هتقولى دى بتأثر على البنت بس من سمعة هتكون فى الارض وعدم ثقة فيها
والنظرة الغير محترمة من الناس ليها واللى بياثر على زواجها كمان وعلى اولادها
شوفتى لحظة او ساعة او مقابلة هتدفعى ادامها قد ايه ؟
وانت بردو تعاملك الحرام مع البنات هياثر عليك لان اللى بتعمله دلوقتى هيعود فى
زوجتك ...فى بنتك...فى امك وممكن يكون اشد من اللى عملته فى بنات الناس
ان الله يمهل ولا يهمل
اختى انا بحبك فى الله اتقى الله وابعدى عن كل حاجة ممكن تشوه سمعتك وتبوظها واصبرى
لحد ما ربنا يرزقك بفارس الاحلام بالطريق الشرعى الحلال واللى حتحسى ساعتها
بسعادة الدنيا كلها لان ربنا هو اللى اذن وشرع بكده
من غير ما حاجة تبوظ سمعتك بانك تعرفى ده وده...
اخى انت كمان اتقى الله وانظر لكل بنت على انها اختك واصبر لحد ماربنا يرزقك ببنت الحلال
بالطريق الشرعى وبالحلال اللى منها تقدر تبنى احلى حياة فى احلى طريق
وهو التقرب من ربنا سبحانه وتعالى والبعد عن نواهيه وتنفيذ اوامره
من غير ما حاجة تبوظ سمعتك بانك تعرف دى ودى...
لان اى بنت محترمة مش هتقبل بيك لانها عايزة حياة كريمة لاولادها
فبلاش بالله عليكم الاسلوب الخاطئ فى التعامل مع بعض وخلوا التعامل بما امر الله
بلاش تتعرفى على ولد باسم الحب والاوهام والكلام ده والله هتعرفى بعد كده
انك غلطانه بس ممكن يكون فات الاوان وسيبى نصيبك على الله سبحانه وتعالى
وقت ما ياذن هيجيبهولك لحد عندك ولحد بيتك وتكونى من غير تجارب فاشلة قبلها
تبوظ حياتك بعد كده خليكى عزيزة وغالية مش سهلة ورخيصة
اخى اتقى الله اتقى الله اتقى الله اللى انت بتزرعه دلوقتى هتحصده بعدين
وماتقبلش انك تكون فضلة حد
واكيد ربنا هيعوض صبركم خير
لان (من يتق الله يجعل له مخرجا ويرزقه من حيث لا يحتسب )
انت وانتى هتتركوا معصية لله سبحانه وتعالى فاكيد ربنا هيعوضك باحسن مما تتخيل
فياريت نخلى بالنا من تصرفاتنا وافعالنا وكلامنا لان مافيش صداقة بين ولد وبنت
الصداقة بين البنات وبعضها
وبين الولاد وبعضها
حتى لو فى تعامل بين الطرفين فهو عند الضرورة وبس
وياريت لو فى حاجة فيها كلام بين ولد وبنت بالله عليكى بلاش تكلميه وانتى لوحدك
هتخشى فى مشاكل الخلوة و....
فخدى بنت ولا بنتين معاكى وبلاش تقفى او تكلميه وانتى لوحدك
والامر كذلك بالنسبة للولاد بلاش تكلم بنت لوحدها وممكن تطلب منها ان يبقى فى حد موجود معاكم
ايه الكلام اللى بين ولد وبنت اجنبيين عن بعض ماينفعش يتقال ادام حد؟
ماعتقدش ان فى
( ده فى حالة الضرورة )
وبلاش اختلاط وتعامل مادام مافيش ضرورة
وافتكروا ان مافيش صحوبية بين ولد وبنت
وفكرى ايه الوضع اللى ممكن تكلمى وتقفى فيه مع ولد وباباكى يعدى ويسلم
عليكى وعليه ويسيبك ويمشى ؟
وايه الوضع اللى ممكن تعدى فيه على اختك او بنتك او زوجتك وتسلم فيه على الولد
اللى بتكلمه وتسيبه وتمشى ؟
فكر وفكرى شوية كده
فهمتوا قصدى طبعا
فاتقوا الله عباد الله
الكلام ده من باب
قال تعالى ([b]كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللّهِ)
فياريت نلحق نحاسب نفسنا قبل يوم الحساب واللى واقع فى علاقة حرام او بيعمل حاجة غلط
يلحق يتوب قبل ما باب التوبة يتقفل
الكلام ده باذكر بيه نفسى قبلكم
اسفة على الاطالة
جزاكم الله خيرا
| |
|
المحجبة
مشرفة
تاريخ التسجيل : 24/02/2009
على باب الله
| | موضوع: رد: انت ولد...وانتى بنت... الإثنين يوليو 26, 2010 11:34 pm | |
| الموضوع ده انا اتكلمت فيه قبل كده واذكر بيه نفسى تانى قبلكم لانه فعلا موضوع يستحق الاهتمام | |
|
medo
المدير العام
تاريخ الميلاد : 05/01/1990
تاريخ التسجيل : 15/01/2008
https://s7afa.ahlamontada.com
| |
المحجبة
مشرفة
تاريخ التسجيل : 24/02/2009
على باب الله
| | موضوع: رد: انت ولد...وانتى بنت... الثلاثاء يوليو 27, 2010 11:56 pm | |
| | |
|
المحجبة
مشرفة
تاريخ التسجيل : 24/02/2009
على باب الله
| | موضوع: رد: انت ولد...وانتى بنت... الجمعة يوليو 30, 2010 5:39 pm | |
| ايه ده ايه ده ايه ده !!!
فين المناقشة ؟ افهم من كده ان الكل متفق معايا ؟ | |
|
moha
المشرف العام
تاريخ الميلاد : 28/04/1990
تاريخ التسجيل : 14/07/2009
www.sahafa-edu.com
| | موضوع: رد: انت ولد...وانتى بنت... الجمعة يوليو 30, 2010 6:33 pm | |
| أحسن الله إليكم ...........وجزاكم الجنه
| |
|
