هام جدا للتواصل .ماهو انطباعك وشعورك عند دخولك لاول مرة الكلية وشعورك عند حضورك ألي محاضراتك في الكلية ؟؟؟

لقد كتبت هذا الموضوع لنتم التواصل بعد دخول الكلية ومعرفة انطباع كل منا عندما دخل العالم الاخر وهو عالم الكلية الذي اختلف عن عالم المعهد تمام والي مالانهاية وايضا اريد منكم وبكل صراحة وصف شعورك عندما دخلت اولي محاضراتك بالكلية وأي كلية وخصوصا كلية الهندسة اذن هناك سؤالين
السؤال الأول
ماهو شعورك عندما دخلت الكلية ولاول مرة وانت طالب بالجامعة ولست زائر ؟
السؤال الثاني
ماهو شعورك وانطباعك عندما حضرت أول محاضراتك في الكلية ومع حيرة كل طالب وكأنما رسمت علي وجهه علامات استفهام كثيرة جدا ؟
واعلم ان انطباعك الأول عن الكلية يظل في ذاكرتك الي ان تبلغ من العمر أرذله وتحكي هذا الشعور الي اولادك وأحفادك فلا تكتم هذا الشعور لكي لا تشعر انك انت الوحيد الذي شعرت به وقد ينتابك الاحباط وليعلم كل منا ان الانطباعات عند كل الطلبة ولكنها تختلف من طالب الي طالب اخر
أرجوا التواصل مع هذا التوبيك لكي يشجع بعضنا البعض مع دخول هذه المرحلة المستقبلية

مشرفة تاريخ التسجيل : 24/02/2009 على باب الله

وانا رايحة للكلية كنت حسة انها مسؤلية كبيرة ومش هينة
وقبل ما احضر المحاضرة كنت متوقعة انى مش هافهم حاجة
واللى ضايقنى ان بعض الطلبة شايفين نفسهم شوية

المحبة كتبت

وانا رايحة للكلية كنت حاسة انها مسؤلية كبيرة ومش هينة
وقبل ما احضر المحاضرة كنت متوقعة انى مش هافهم حاجة
واللى ضايقنى ان بعض الطلبة شايفين نفسهم شوية
هو ده فعلا احساس الكثير مننا ومنهم انا شخصيا اما بالنسبة انها مسئوية كبيرة فهي فعلا مسئولية كبيرة دا لانها كلية عملية وتحديد مستقبل وزي ما قلنا تختلف اختلاف كليا عن المعهد لكن بالنسبة للفهم هل توقعاتك كانت في محلها ولا لأ وبالنسبة للطلبة اللي شايفين نفسهم شوية فالامر ده بيبقي موجود وخصوصا اول يوم في الجامعة لكن بعد كده الامر بيبقي بسيط لأن كل اللي معاكي ايبين 97% وكده وطبعا كل مكان فيه الحلو والوحش اهم حاجة ان احنا ننقي اصحابنا واتمني انك تثبتي نفسك بشدة في الجامعة لانها محتاجة لصبر في الأول والتزام برضه وده طبعا اكيد متوفر وفي البنات خصوصا

مشرفة تاريخ التسجيل : 24/02/2009 على باب الله

الحمد لله رب العالمين
انا معايا صحباتى اللى كانوا معايا فى المعهد ودول كفاية عليا مش محتاجة حد تانى
وبعدين انا كنت ثانوية عامة زيهم ومافيش فرق مابينا سواء فى الدراسة او اى شئ تانى
والحمد لله المواد طلعت حلوة ولذيذة بس كله بالمذاكرة والدكاترة كمان كويسين جدا
اما موضوع ان انا اثبت نفسى ده شئ طبيعى ولابد منه مش عشان حد ولكن لله وطبعا بفضل الله ثم عملى
وحكاية اللى شايفين نفسهم دول مش معايا انا لسة مااتعرفتش على ناس كتير
لكن شفت باقى الناس اللى حواليا بيتعاملوا مع بعض ازاى
والموضوع ده مش فارق معايا خااااااااااااالص انا بس بقول اللى حسيته
والحمد لله ربنا يكرم صحابى ويوفقهم

أشكرك ايتها المحجبة علي ردك ومرورك الكريم وتواصلك معي في هذا الموضوع والذي اتمني ان يدوم ان شاء الله ولكنك لم تذكري انتي دخلتي جامعة ايه واتمني من باقي الاعضاء التواصل واحب اطمنهم انهم ما يخافوش ومافيش حاجة بتيجي مرة واحدة وكله بالصبر وحب المواد بييجي واحب انبه علي طلبة الدبلومات بالأخص انهم يذاكروا بطريقة كويسة تتلاءم مع الكلية وينسوا مذاكرة المعهد خالص ويبتكروا طريقة لانجاز المواد لان مشكلة الكلية ان المناهج كبيرة والوقت صغير فلازم ينجزوا المنهج اول باول وما ييئسوش ولا ياجلوا المذاكرة ولو مش فاهم حاول تفهم قبل ما الامتحانات تيجي وتلاقي نفسك في ورطة وان شاء الله تنجحوا بتقدير عالي ان شاء الله وادعوكم للتواصل اللي هيظهر العيوب والمشاكل وهحاول معاكم جاهدين لحلها وانا شخصيا ناوي اعمل الموضوع ده في الكلية عندي جامعة المنصورة علي الرغم انها احلي جامعة بجد من وجهة نظري لان الدكاترة متفاهمة جدا جدا جدا والمعيدين عسل اوي ومش عايشين الدور زي الجامعات التانية وناوي اعمل اسرة تضم طلبة المعاهد الفنية ونحاول مع بعض حل المشكلات اللي هتواجههم واطلب من المحجبة بما انها فاهمة الموضوع انها تقوم ايضا بهذه المبادرة لنفع الاخرين

اشكركم مرة اخري للتواصل

مشرفة تاريخ التسجيل : 24/02/2009 على باب الله

جزاك الله خيرا يا بشمهندس
ان شاء الله
انا فى جامعة القاهرة

فكره كويسه بس الواحد عايز ينسي ان هو دخل الكليه من معهد

سامح مجدي كتب:: فكره كويسه بس الواحد عايز ينسي ان هو دخل الكليه من معهد

لا يقاس النجاح بالمكانه التى وصلت لها فاى شخص يمكنه ان يفعل ذلك ولكن يقاس بمقدار العقوبات التى اجتازتها