اى شاب عايز يتجوز يدخل

بداية كده ده واحد رايح يتجوز اتعلموا ياشباب
وشوفوا اللى هيحصل

حوار بينه وبين عمه(حماه مستقبلا)

انا -------- السلام عليكم يا عمى ازى
حضرتك ان شاء الله تكون بخير

عمى------- اهلا وسهلا يا بنى اى خدمة

انا--------- والله يا عمى كنت عايز اتكلم مع حضرتك شوية

عمى ------ اتفضل يا بنى خير ان شاء الله

انا--------- بص يا عمى انا محرج جدا بس الحاجات ديه ما فيهاش كسوف انا عايز اخطب بنت حضرتك

عمى------ طيب انتة تعرفها منين ( وحسيت انه مرتبك)

انا--------- لا يا عمى انا شوفتها كام مرة وسئلت عليها لقيتها بنت كويسة

عمى-------وحضرتك شغال ايه بقه

انا---------شغال فى الحسابات يا عمى

عمى------- وعندك شقه

انا---------- ايه يا عمى الاسئلة ديه من اولها يعنى الاول نتعرف وبعدين كل حاجة تيجى واحده واحدة

عمى (ينظر باستغراب للشخص الهولامى اللى هو انا)

عمى --------يا بنى انت شكلك شاب محترم بس فيه اساسيات

انا---------- لا لسة والله يا عمى ما جبتش شقه

عمى -------طيب معاك فلوس يعنى وناوى تشترى

انا----------لا والله يا عمى الا حكاية الفلوس ديه مش معايا

عمى -------امال هتخطب بايه يا بنى

انا---------- بدبلة ومحبس

عمى-------- دبلة ومحبس هو انت شغال سباك يا بنى ولا ايه

انا --------- الله الله ما انت حلو اهو يا عمى وبتهزر ده على اساس انى داخل بسيفون فى ايدى

هههههههههههههه

يبصلى على انى معتوه

عمى------- يعنى ولا عندك شقه ولا معاك فلوس تجيب شبكة امال هتسكن بنتى فين

انا--------- هناجر شقة يا عمى مش مشكله كل الشباب بتعمل كده

عمى------- لما الايجار يخلص

انا --------نأجر تانى

عمى- -----وده على اساس ان انت جاى تتجوز بنت عجلاتى

انا---------ههههه حلوة يا عمى ده انت طلعت مسخرة

عمى يقوم من مكانة ويجى يا خدنى من ايدى

عمى------ تعالى يا بنى معايا

انا------- على فين يا عمى

عمى------ على الباب اللى انت لسه داخل منه

انا-------- ليه كده يا عمى طيب انا عندى مميزات كتيرة غير الفلوس

ده حتى انا بعرف انزل وندوز

عمى ---------------وندوز

انا -------------- اه واكس بى كمان

وعندى سايت على النت

طيب انا عندى الحاجة والدتى بالدنيا ههههههههه

طيب ادينى فرصة

طيب اقولك عمى عمىىىىىىىىىىىىىىىىىىىىىى

وطبعااااااااا اترمي براااااااااااا البيت والباب اترزع في وشه

..
ودي نهاية اي شاب يفكر فـ الجواز

_________________

كبار الشخصيات تاريخ التسجيل : 17/02/2009

بينى وبينك مش هى دى اخره اللى يفكر فى الجواز الجواز نفسه هو اللى مصيبه بس هنعمل ايه الجواز زى الموت هيصيبك هيصيبك مفيش مفر منو

مشرفة تاريخ التسجيل : 24/02/2009 على باب الله

هههههههههههههههههههههههه
احسسسسسسسسسسسسسسسسن
خلى الويندوز يجوزك

والله موضوع الجواز ده مهم جدا فى نظرى وهو ده حل الشباب اللى طول النهار يعاكس فى بنات الناس والرسول صلى الله عليه وسلم بيقولثلاثة حق على الله عونهم: المجاهد في سبيل الله، والمكاتب الذي يريد الأداء، والناكح الذي يريد العفاف.