ادخل بسرعة ضرورى جدا وهام ومسالة حياة او موت وقولى رايك

وعليكم السلام ورحمة الله وبركاتة
اولا احب اشكرك علي التوبيك الرائع دا
:::::::::::::::::::::::::::
احب اعرفك بنفسي انا عمرو صلاح في اولة تبريد
:::::::::::::::::::::::::::
المعهد غير في حياتي حاجات كتير طبعا
اهمها المحافظة علي الصداقة اللي الواحد اكتسبها لان معرفة الناس كنوز
وطبعا انا لما دخلت المعهد مكنتش مرتاح نفسيا نظرا لان المعهد بتاعنا محدود الامكانيات وانا كنت
فكروا احسن من كدا بكتير
بس الواحد تأقلم في المعهد مع الايام
والحمد لله انا مصاحب ناس كتير سواء شباب ولا بنات وبجد كلنا اخوات
والحمد لله بنحب بعض و خايفين علي مصلحة بعض
فاكتشفت نظرية مهمة جدا خلال فترة دراستي بالمعهد
ان مش مهم المكان اللي انت فية يكون اية او عامل ازاي المهم الصحبة الحلوة داخل هذا المكان

ثانيا احب بردو اشكرك علي الموضوع الرائع الواحد ارتاح بجد لما فضفض شوية

بس الواحد اتخض لما شوف عنوان التوبيك
عموما مش عايز اطول عليكي اكتر من كدا
ارق تحياتي عمرو ماندو

معلش يا جماعة على العنوان
انا كنت عايزة عنوان يشد القارئ
الشكر لله ياجماعة
والحمد لله ان لقيت الناس متجاوبة معايا

فعلا يا سما انت وماندو احلى حاجة الواحد خدها من المعهد الصحبة الحلوة
انا فى الاول ماكنتش عايزة المعهد ولكن دخلته غصب عنى عشان هندسة
على الرغم ان مجموعى فى ثانوية عامة يدخلنى كليات كتير
ومع ذلك سبتهم ودخلت المعهد
لكن والله بعد كده انا حبيت المعهد جدا
وفعلا زى ما قلت يا ماندو اتاقلمت عليه

على فكرة يا سما كل مكان له مميزاته وعيوبه
انا اكتشفت بعد ما خرجت من المعهد ان المعهد سمعته بره وحشة
ودى حاجة ضايقتنى لانى واحدة من المعهد
لكن العبرة بالناس اللى موجودة فيه
يقدروا يعلوا مكانهم ويقدروا ينزلوه الارض
والمفروض ما نثقش فى اى حد بسهولة
وخصوصا الشباب


سورى ومع كل احترامى لكل شباب المنتدى المحترمين
زى ما فى ناس وحشة فى ناس حلوة



انا اختكم فى الله جيهان تانية حاسبات وشبكات
وخلصت الحمد لله السنة دى

اولا احب اشكرك بجد يامحجبه سابقا جيهان حاليا
بجد موضوع رائع فكره جميله بتنم ان عن مدى التفكير وطريق التفكير الاكتر من ممتازه لان دى حاجه لازم الكل يقف عندها
ايه اللى استفدته من المعهد ايه مميزاته وعيوبه اكيد الكل داق الاحساس اللى مش ممكن يتوصف فى بدايه دخول الدراسه وخاصه شعبه تك معلومات
الناس اللى جايين من ثانويه سواء كانوا هيلحقو كليه او لا بجد كان المعهد حاجه وحشه جدا
اولا مكنش فيه حاجه اسمها اصحاب نهائى مفيش بجد الا لما تكون داخل انت وواحد صاحبك بجد
انا كننت شايف ملل وفكر ناس مينفعشى اقعد معاهم عشان فكرهم بجد مكنش فيه حد يصاحب وطبعا شغل المصالح كانت حاجه وش كده ومش عاوز ادخل اوى فى التفاصيل دى
لكن كان المعهد فى الاول كده
انا والله كنت بروح المعهد لاما ارجع للبيت او انى اتمشى مع نفسى لمنطقه التحرير والكورنيش واتمشى ومع نفسى
حتى والله روحت قدمت لمركز شباب الجزيره وبقيت العب هناك 3 ايام من كل اسبوع وصحبت ناس هناك والعيشه كانت جميله وكنت بذاكر هناك منن غير ما احضر ولا اى حاجه فى المعهد وطبعا درجات اعمال السنه كلها راحت

والله الواحد لو معندوش ايمان بربنا كان ممكن ينتحر عشان المعهد والنظام اللى فيه والناس وكل حاجه
ده كلو فى الاول
طبعا فى الترم التانى بدات اعرف ناس والحمد لله كانو السبب انى بروح المعهد كل يوم وكمان كان تفكيرهم كويس جدا يعنى اخلاق ودين وحالتهم زى حلاتى ولا بنات ولا حوارات من دى هما كانو هينحرفو فى الاخر بس ربنا سترها

بجد الناس دى انا عمرى ما انساهم والحمد لله مقضينها عند بعض بنلعب وكل حاجه

طبعا انا مش هكلم عنهم لانهم الحمد لله كانو وما زالو اخوات بجد
انا هكلم عن المعهد شويه واللى اتعلمته منه

طبعا المعهد ده من الناحيه العلميه وكشعبه تك معلومات اكيد مابيدكشى حاجه كبيره لكن فعلا بيفتحلك ابواب كتيره جدا
ودى الخلاصه
انك لو عاوز تفهم او تعمل حاجه متعتمدش على المعهد خالص
بجد اعتمد على نفسك ازاى افهم الموضوع ده ازاى اعلى نفسى فى كذا ازاى ازاى بجد المعهد عمره ما هيديك حاجه
انا قلتلك بيفتحلك باب
وبعدين ده اللى لازم تتعلمه
انك لازم تعمل لنفسك شغل مش تدور على شغل او تستنى شغل
وقصدى بالشغل ده كل حاجه مذاكره شغل اصحاب لازم تمشى وتفكر ومتفقشى
طبعا اعتمادك على نفسك لازم تعتمد على ربنا قبل ده وده اساسى

انا كنت كاتب المعهد فى الرغبات رقم واحد وكنت عاررف انو هيج ى وقولت استفاد منه مهما كانت الظروف
عشان الهدف الاسمى اللى كلنا نسعى ليه وهو هندسه اظن الناس دلوقتى كرهت هندسه
المهم

طبعا الاصحاب هى رقم واحد فى المعهد بجد
تانى حاجه بجد انا شوفت الناس والله ما بتحبش الا نفسها وناس يعنى الى حد ما كويسه
لكن مصلحتها رقم واحد
فتعلمت انى احاول اثبت على مبدى بجد
انك تحب الخير للناس ولو على حساب نفسك
والحمد لله
عملت كده ولقيت كمان اللى احسن منى
الحمد لله

طبعا فيه حاجات كتير واضحه
موضوع البنات مالوش اى لازمه
والله الصحوبيه فى المعهد دى صعبه جدا
ان ولد يكلم بنت
اولا مفيش حاجه اسمها ولد يكلم بنت
بس بجد لو واحد محترم وواحده محترمه عاوزين يتعرفو على بعض او كده مش هينفع
انا هكلم بعدين فى الموضوع ده لوحده لانو عاوز كلام كتير

وطبعا الناس اللى ردت فوق كلام جميل

انا هكمل كلامى بعدين بقى عشان العشاء بتدن
وبشكر كل الللى دخل وفضفض
وطبعا الشكر كله لجيهان المحجبه سابقا
جزاكى الله خيرا
وفيه حاجات كتير هنكلم فيها هنا

طب اكمل كلامى
طبعا العيوب اللى انا قلتها اكيد هتعرف تحولها لمميزات وتبقى العيشه جميه
ده طبعا حصل فى الترم الاول بس حته الخنقه من المعهد وشكله وكل حاجه هو فيه ميزه واحده وهى اسمه معهد الصحافه
ولما تروح بتتصدم
لكن زى ما قال عمرو مش مهم المكان المهم الصحبه جميل جدا وانا معاه طبعا

انا عاوز اكلم عن مميزات المعهد لكن للاسف مش لاقى واقدر اقول ان انت الللى بتعمل المميزات والعيوببكل صراحه
المعهد ممكن يكون جنه وممكن يكون نار دى حقيقه
هى حكايه التاقلم دى اكيد ان انت بعد شويه بتاخد عالنظام لكن ممكن يكون فى التاقلم ده حاجات غلط
اما انت فممكن تغير من الحاجات الغلط ده وده اللى انا بكلم عليه

انا لحد دلوقتى مجاوبتكيش

لا اتغيرت طبعا وللاحسن اكيد الواحد عرف ازاى يختار اصحابه وعرف يعنى ايه صاحب
اكيد الواحد اتغير لكن للاحسن والحمد لله
ده المعهد
اما الكليه اللى جايه دى فباذن الله هيكون التغير للحسن ان شاء الله

طبعا فضلت على مبادى مينفعشى اغيرها لان المبادى عندى ما هى الا الدين فمينفعشى اغير
ممكن التقيرات اللى احنا يعنى بنقع فيها لكن الحمد لله بنرجع على طول
اما لمبادى الصحوبيه والرجوله والشجاعه فحدث ولا حرج
الحمد لله
هو الواحد فكر فى التغيير اللى كان هيبقى غلط بس الحمد لله ربنا ستر

طبعا انا عاوز اقول حاجات كتير بس هخليها وقت تانى عشان مطولشى

وشكرا ليكى يا محجبه عالموضوع الرائع

عشان حتى سنه اولى ياخدو الخلاصه بدل ما يتوهو زينا
وبعرفهم بنفسى
اخوكم محمد فتحى مظلوم فى الثانويه وخايف لاظلم فى المعهد بس ربنا معانا
وربنا يوفق الجميع

ونسيت الميزه الاهم للمعهد
انى عرفتكوا انتو
بجد والله ازاى كنت هعرف ان فيه ناس محترمه كده بالمعهد
فالحمد لله
تقبلو مرورى وااااااااااسف جدااااااااااااااااا على الاطاله

طبعا انا بشكركم ع التوبيك الجميل ده واللي كنت لسة قاعد بفكر فيه
ولو تسمحولي احب اقولكم قصتي الموجزة لانها كبيرة اوي انا من اول ما دخلت المعهد حسيت ان قلبي بينقبض وحسيت ان عمري ما هتعرف علي حد كويس في المعهد لما كنت اسمع عنها من كلام سيء وبعدين انا كده كده كنت بغير مسار حياتي وكنت ناوي متعرفش علي حد خالص وابقي مع نفسي انا كنت في كلية علوم قسم جيولوجيا ووصلت لحد تانية وكنت داخل تالتة وحصلت مشكلة مع العميد ودكتور في الجامعة بسبب الكوسة والمحسوبية ولكن ده سبب مش اكتر لان ربنا مقدر وهو اللي بيقدر الامور المهم دخلت المعهد وانا محبط وكل موقف اراه في المعهد انظر اليه بعين الاشمئزاز والتجاهل وفعلا حصل اني اول اسبوع حاولت اعتزل الناس لان كتير اوي قالولي اني مش همشي في المعهد الا لما ابقي صايع وطبعا دي نظرية غلط تماما وكنت متاكد ان الانسان ممكن يطوع اي ظروف لحسابه والاحترام بينفع في كل المواقف وفي كل الاماكن المهم دخلت المعهد وشفت مناظر لم اراها في حياتي وكنت احتقرها تماما واكرهها ايضاوما كنتش متصور ابدا ما حدث لي من انحدار واحيانا كثيرة الوم نفسي علي ما حدث بالاضافة الي لوم كل الزملاء لي والمهندسين ايضا لكن وبفضل الله تقابلت مع مهندسين لما اتقابل مع مثليهم في الكلية التي وهي المفروض ان تكون اكثر تحضرا وتقابلت مع زملاء لم اقابل مثلهم في الكلية ابضا ولن اقابل مثلهم ايضا فهم نعم الاصدقاء وذلك بعد ان وجدوني اجتنب الناس واحاول ان اخلوا بنفسي وقد حاولوا كثيرا وكثيرا ما باءت محاولاتهم بالفشل فقد كنت افصل تماما بين حياتي في المعهد وحياتي في الخارج تماما وكنت اعتبر المعهد وظيفة اوديها فحسب ولابد ان تنتهي فقد صرت اكثر تمسكا بمبادئي الا ان رأيت الاصدقاء الجدد وبالفعل بدانا الصداقة الجادة واعنا بعضنا علي الالتزام وشددنا من ازرنا يوما بعد يوم بل وحاولنا بفضل الله ان نغير من المفاهيم الموجودة في المعهد وبفضل الله نجحنا بنسبة كبيرة في تغييرها والحقيقة التي اخذتها من المعهد ان كل مكان يمتليء بالحسن والسيء ولكن طبيعة الانسان طيبة وسهلة التغيير وكنت انتظر اليوم واليوم الذي يليه لكي نتقابل بعضنا البعض بل ايضا حين يكون هناك اجازات ياتون الي منزلي وبصراحة ايام لا تعوض ووجدت من احترام الفتيات ايضا مالم اراه في الكلية الا انني لم اجد ما يناسبني منهن ولكنها فترة جميلة جدا لي ولا تنسي

موضوع جميل جدا والردود اجمل

AhmedSaaed كتب:

موضوع جميل جدا والردود اجمل

المحجبة كتب:

جزاك الله كل خير
بس حضرتك داخل تسلم وتمشى

ههههههههه
على فكره انا شوفت الموضوع دا وانا رايح المعهد استلم الملف الصبح عجبنى فابديت اعجابى
ودى كان اخر مره قعدت فيها على الكمبيوتر لانى مشغول اليومين دول
لكن كان من الصعب انى اكتب رائيي لان ماكنتش هروح المعهد فى اليوم دا
وان شاء الله قريب لو عرفت هقعد اشرب الشاى واكتب رائيي

السلام عليكم

احب ابدى باعجابى الشديد لهذا الموضوع لانه فتح لى افاق كثيره لتذكر ما كان يحدث فى السنه الماضيه (اولى)والافكار

الكثيره التى كانت تداهمنى قبل دخولى الى المعهد فانا تعتبر افكارى كانت تشابه افكار الاخ اسامه قبل دخولى الى المعهد

كنت ايضا اعتبره خطوه للوصول الى الهدف مثل ما اعتبرته جيهان فكنت انوى عدم الاختلاط بالاخرين

ولكن عندما دخلت المعهد تغيرت كتير وتغيرت افكارى لانى رايت غير اللى انا سمعت عنه

نسبيا فرايت اصدقاء فنعم الاصدقاء ورايت غير ذللك لكن كلا منا له عقل وله مبادى يجب التمسك بها

بس احب اقول انى المعهد قضيت فيه ايام ذى ما بيقولوا بحلوها ومرها

لكن الواحد يحب ان يتذكر الايام الجميله فقط حتى يقدر على الاستمرار باذن الله فى السنه القادمه بنفس راضيه وادعوا الله ان يوفق

الجميع فى كل مكان سواء فى المعهد او خارج المعهد

وارجو المعذره على الاطاله

واحب اشكرك يا جى جى على هذا الموضوع الجميل

لانى بجد فضفضت هو صحيح مش فضفضت قوى بس ده لعدم الاطاله

وجزاكى الله عنا خيرا

نونة يا حبيبة قلبى انا قصدى من الاول الاطالة فضفضى براحتك
جزانا وجزاكم كلكم يا جماعة

براحة حضرتك وفى اى وقت يا باشمهندس احمد سعيد

ماتضحكيش عليااااااااااااااااااااااااااااا
جزانا وجزاكم يا لؤلؤة
يارب تبقى متفوقة علطول يارب
وانتى والله من اعز واحب اصحابى
والاصحاب اللى عرفتهم فى المعهد انا عمرى ماشوفت زيهم
يارب تديم الصحبة
وماتتحسدش
قولوا اميييييييييييييييييييييييييييييييييييييييييييييييييييييييييييييين

المحجبة كتب:

اللهم امين
كفاية بقى عشان ماعيطش

لا مش كده امال شد حيلك شويه

العياط لسه بدرى عليه متاخديش على كده كده كده هنعيط
ربنا يسترها

ايوة ايوة انا اتعلمت حجات كتير اولها في المعهد
بس مش هقدر اقولها لاحسن افتن غيري
بس الي عايز اقولو
ان لو رجعت بيا السنين وقلولي تحب تكمل تعليم ولا تروح تشتغل في اي حتة بجد هروح اشتغل في اي حتة احسن من ادخل المعهد دة
وبنصح كل حد عايز يدخل المعهد دة ميدخلش يشوف معهد تاني او يقعد في البيت
وسلام بقي لاحسن الواحد فية الي مكفية

انا بحبش اتكلم في الماضي لان الماضي معروف ممكن نتكلم كل واحد شايف مستقبله ايه او ممكن يبقي ايه

انا عايز اقول ان مفيش فى المعهد صداقه بجد سواء من ولد وبنت او ولد وولد لو فى حد عندة كلام فى الموضوع دة يرد عليا

على فكرة مش كل اللى فى المعهد عارفين مستقبلهم فين

امبابي كتب:

انا عايز اقول ان مفيش فى المعهد صداقه بجد سواء من ولد وبنت او ولد وولد لو فى حد عندة كلام فى الموضوع دة يرد عليا

على فكرة بالنسبة ليا
انا الحمد لله خدت احلى اصحاب من المعهد
طبعا بنات بس