خـطأ كبير في تنسيق المعـاهـد الفنية الصـناعية

السلام عليكم ورحمة الله وبركاته

طبعاً يا شباب كلنا لاحظنا الخطأ اللي موجود في تنسيقنا .. وهو إنه مكتوب في البيانات الأساسية (الشهادة الثانوية الفنية خمس سنوات) .. وده طبعاً غلط كبير لإننا حاصلين على دبلوم المعاهد الفنية الصناعية سنتين

والغريب إن التنسيق بدأ من يوم الخميس ولغاية دلوقتي مكتب التنسيق لم يصلح هذا الخطأ .. لسه في واحد صاحبي منسق من ساعة كده ونفس الخطأ عنده بردو .. يعني عدى 3 أيام ولسه المسئولين عن التنسيق نايمين على روحهم

ومحدش يقولي إن إحنا بنساويهم وبنعادلهم علشان كده كتبولنا (فني صناعي خمس سنين) .. لا .. ده غلط في البيانات بتاعتنا

على العموم أنا وشوية من أصحابي اتصلنا بالرقم الساخن 19468 وعملنا شكاوى واخدنا ارقامها .. وهما هيبعتوها للوزارة

وارجوكم يا جماعة كلنا نتصل بالخط الساخن ده ونعمل شكاوى علشان الوزارة تتحرك بسرعة


وشكراً

الشكوى لغير الله مزلة يا سمسم

صدقنى يا سمسم مش هيعملوا حاجة يطلعوا نفسهم غلطانين

وهيقولوا ان احنا قصدنا نكتب كدة

بس الكويس ان الطلبة كلهم مكتوب لهم كدة مش ناس وناس يعنى

عشان يا نعيش عيشة فل يا مستقبلنا يضيع احنا الكل ههههههههههه

ورمضان كريم يا سمسم