تنسيق 2009

موضوع: رد: تنسيق 2009 الجمعة سبتمبر 18, 2009 2:57 am

اى خدمه

وانا جاتلى هتدسه الكترونيه منوف الرغبه الرابعه والحمد لله
يلهوى يا جدعان هابقى منوفى

يلا الحمد لله

يلا عاوز اعرف الناس عملت ايه
والف مبروك مقدما

وبجد انا زعلان عالناس اللى مجبتش هندسه وجايبين 88 حرام
بس ده نصيب

ربنا يوفقكو

تحياتى المهندس المش منوفى والله ....محمد فتحى

موضوع: رد: تنسيق 2009 الجمعة سبتمبر 18, 2009 3:04 am

حسبي الله ونعم الوكيل فيهم
والله حرام بجد اللي بيحصل ده
بس يلا الحمد لله علي كل شئ

موضوع: رد: تنسيق 2009 الجمعة سبتمبر 18, 2009 3:16 am

معلش يا عمده خيييير ان شاء الله

وانت عملت ايه

موضوع: رد: تنسيق 2009 الجمعة سبتمبر 18, 2009 3:34 am

انا دخلت اكاديمه خاصه
مودرن اكاديمي مع ان كنت جايب 86.67% بس الحمد لله علي كل شئ

موضوع: رد: تنسيق 2009 الجمعة سبتمبر 18, 2009 3:36 am

اعتقد ان الصوره واضحه وبتعبر عن التنسيق اللى بيستعبط ده
يعنى حرااااااام عليهم بجد انا والله ما راضى اعمل حاجه عشان خاطر احنا فى شهر رمضان بس
والحمدد لله ان الواحد لحق حاجه
ده نصيب وهى دى مصر

الله اكبر
وانا روحت هندسه الكترونيه منوف والحمد لله انا كنت عاوزها عشان الالكترونكس بردو
بس زعلان على الناس زمايلنا وعلى نفسى لانى هابقى منوفى
هنبقى تبع الريس بتاعنا
ومحدش يقدر يكلمنا
تحيا مصر يا جدعان

واعتقد الفيديو اللى عالبوابه واضح جدا

شكرا ليكو كلكو والحمد لله ان احنا خلصنا على خير
وعاوزين نبتدى بقى العيشه من جديد وان شاء الله نبقى نتجمع هنا بردو اكيد هنوحش بعض

وبلاش الحقد

ايه يعنى القاهره ولا عين شمس ولا اى حاجه كلو توفيق من عند ربنا ومنعرفش الخير فين
انا فعلا كنت عاوز عين شمس بس اهو روحنا الكترونيه منوف فربنا يسهلها ويعديها على خير ومش عارف بقى ابقى احول للقاهره بعدين ولا ايه
ولو انى اول ما دخلت هندسه القاهره كان امتحان وسقط فيه هههههههه بس عديت الامتحانات النهائيه ب تسعينات والحمد لله يعنىقشطه كلو تمام

وقول الحمد لله ياعم

وياللى جالك القاهره او عين شمس او اى حاجه صدقنى الموضوع مش سهل خالص وغير المعهد تماما
بجد كل واحد يظبط نفسو كده لبدايه الطريق
واعتمد على ربنا ثم self study

لان الدنيا جميله فى هندسه

احنا هنبقى نتناقش فى المواضيع دى بعدين

وشكرا شكر شكرا ليكو والحمد لله على كل حال
والسلامو عليكم ورحمه الله وبركاته

نسيت صحيح
لو حد دخل منوف يقولى
عاوزين نجمع بعضينا ياريت

موضوع: رد: تنسيق 2009 الجمعة سبتمبر 18, 2009 3:37 am

omda2004 كتب:: انا دخلت اكاديمه خاصه
مودرن اكاديمي مع ان كنت جايب 86.67% بس الحمد لله علي كل شئ

يلا الحمد لله
وقدر الله ما شاء فعل
وربنا يوفقك يارب

موضوع: رد: تنسيق 2009 الجمعة سبتمبر 18, 2009 11:36 am

ألف مبروووووووووك يامحمد وأسأل الله عز وجل أن يوفقك فى جميع أمورك وحياتك القادمه

وإدعيلى عشان أنا خلاص هجنن ولاأقول إلا" قدر الله وماشاء فعل"

أخوك هندسه المطريه حلوان طارت عين شمس على 25. قدر الله وماشاء فعل affraid

موضوع: رد: تنسيق 2009 الجمعة سبتمبر 18, 2009 4:39 pm

الف مبروك يا محمد انتا وسامح وان شاء الله ربنا يوفقكوا هناك
انا هندسه عين شمس
قدر الله وماشاء فعل
وعسى ان تكرهوا شئ وقد جعل الله لكم فيه خيرا

عضو متميز تاريخ التسجيل : 09/07/2009 www.kutub.info

الف مبروك للطلاب كلهم وعقبال التخرج تنسيق 2009 Icon_cheers

موضوع: رد: تنسيق 2009 الجمعة سبتمبر 18, 2009 10:43 pm

smhl كتب:: ألف مبروووووووووك يامحمد وأسأل الله عز وجل أن يوفقك فى جميع أمورك وحياتك القادمه

وإدعيلى عشان أنا خلاص هجنن ولاأقول إلا" قدر الله وماشاء فعل"

أخوك هندسه المطريه حلوان طارت عين شمس على 25. قدر الله وماشاء فعل

ماشى يا باشمهندس سامح الف مبروك
وعادى ياعم كل حاجه طارت
بس اعتقد انك مش ممكن تطير خالص هههههههههه
يلا الحمد لله وقدر الله ما شاء فعل

AhmedSaaed كتب:: الف مبروك يا محمد انتا وسامح وان شاء الله ربنا يوفقكوا هناك
انا هندسه عين شمس
قدر الله وماشاء فعل
وعسى ان تكرهوا شئ وقد جعل الله لكم فيه خيرا

احسن يااخى انا فرحان فيك عمال تقولى عين شمس صعبه ومش عارف ايه اهى طارت من عندى وراحتلك
ههههههه
الف مبروك يا هندسه والله فرحانلك كتير وربنا يوفقك ان شاء الله

adel aon كتب:: الف مبروك للطلاب كلهم وعقبال التخرج

ايه يا باشمهندس عادل انتا مقضيها ايكونات وحركات ما تقول ياعم جاتلك ايه هههههههه
والف مبروك لينا كلنا

تخرج ايه ياعم دى اخر حاجه تفكر فيها
انت لما تدخل هتقول ياه هو هيجى يوم وهتخرج ده شى مستحييل ههههههه
مع برسيل مفيش مستحيل

الحمد لله

موضوع: رد: تنسيق 2009 الجمعة سبتمبر 18, 2009 11:30 pm

الف مبروك للطلاب كلهم وعقبال التخرج
انا جتلي القاهره وكنت كتبها رغبه اولي

عضو جديد تاريخ التسجيل : 17/08/2009

كدا يا يشمهندس محمد مش عجباك المنوفيه دا كلام عموما الف مبروك
وانا جتلى هندسة القاهره الحمد الله التنسيق ده بصراحه بيستهبل جدا ازى يرفع 2 فى الميه مره واحده والله حرام بجد حسبى الله ونعم الوكيل

موضوع: رد: تنسيق 2009 الأحد سبتمبر 20, 2009 4:26 am

السلام عليكم يا شباب والف مبروك ليكم كلكم انا طبعا التنسيق زي ما انا توفعت بالظبط وقلت قبل ما النتيجة تطلع بس الحمد لله انا راضي تماما عن التنسيقلان المجاميع فعلا مرتفعة جدا جدا جدا
وانا الحمد لله جبت النتيجة من عشر ايام وجاتلي المنصورة الرغبة اسادسة وانا حاببها جدا لان صديق عمري من هناك وفي هتدسة المنصورة سنة تالته
والف مبروك لكل الناجحين وانا بجد فرحان جدا جدا ليكم وع الرغم اني ما جتليش هندسة القاهرة الا اني سعيبد بالمنصورة جدا وكانت في توقعاتي

موضوع: رد: تنسيق 2009 الأحد سبتمبر 20, 2009 8:27 am

سامح مجدي كتب:: الف مبروك للطلاب كلهم وعقبال التخرج
انا جتلي القاهره وكنت كتبها رغبه اولي

مبروك ياهندسه وكل سنه وانت طيب

waleed aly كتب:: كدا يا يشمهندس محمد مش عجباك المنوفيه دا كلام عموما الف مبروك
وانا جتلى هندسة القاهره الحمد الله التنسيق ده بصراحه بيستهبل جدا ازى يرفع 2 فى الميه مره واحده والله حرام بجد حسبى الله ونعم الوكيل

ولا يهمك يابشمهندس وليد والف مبروك وكل سنه وانت طيب
ومين قال انى مش عاجبنى المنوفيه كده بردو هتودينا فى داهيه يا وليد تحيا مصر ياعم الحج
ودى رغبتى بعد القاهره وعين شمس
يعنى انا عاوزها عشان الالكترونات لانى لو روحت اسيوط مثلا لما اجى احول القاهره مش هيبقى ليا الكترونات فقولت ادخل التخصص ده وربنا يوفق
وانا عاوزك ياوليد عشان مش عارف هروحلها ازاى
وكل سنه وانت طيب والمنايفه كلهم طيبين ولا تزعل نفسك يا هندسه

osama nofal كتب:: السلام عليكم يا شباب والف مبروك ليكم كلكم انا طبعا التنسيق زي ما انا توفعت بالظبط وقلت قبل ما النتيجة تطلع بس الحمد لله انا راضي تماما عن التنسيقلان المجاميع فعلا مرتفعة جدا جدا جدا
وانا الحمد لله جبت النتيجة من عشر ايام وجاتلي المنصورة الرغبة اسادسة وانا حاببها جدا لان صديق عمري من هناك وفي هتدسة المنصورة سنة تالته
والف مبروك لكل الناجحين وانا بجد فرحان جدا جدا ليكم وع الرغم اني ما جتليش هندسة القاهرة الا اني سعيبد بالمنصورة جدا وكانت في توقعاتي

احسن حاجه لما تروح للى بتحبه والله يابشمهندس
مش انا رايح للناس المنايفه أعوذ باللله ههههه
لامواخذه يابشمهنس ولليد
والف مبروك يا بشمهندس اسامه وكل سنه وانت طيب