معهد الصحافه
b]ازيك يابشمهندس (ه)عامل (ه) ايه هتفضل تلف كتير كده يلا ادخل سجل معانا[/b]
لمعرفه النتيجه تابع الموقع ده
http://www.mohe-edus.edu.eg/default.aspx
اداره المنتدى


 
الرئيسيةالبوابةبحـثالتسجيلدخول

شاطر | 
 

 الحلقه الخامسه من (يوميات صعيدى بيحب بنت استايل)

اذهب الى الأسفل 
كاتب الموضوعرسالة
mohamed_gamal7574
كبار الشخصيات
كبار الشخصيات
avatar

ذكر
تاريخ التسجيل : 17/02/2009

مُساهمةموضوع: الحلقه الخامسه من (يوميات صعيدى بيحب بنت استايل)   السبت أغسطس 15, 2009 7:29 pm

جايب ليكم الحلقه الخامسه من يوميات صعيدى بيحب بنت استايل واللى مشفش الاربع حلقات موجودين باسم يوميات صعيدى بيحب بنت ستايل فى شله الانس يارب تعجبكم



احمد مأجر شقة مفروشة وساكن فيها فترة الدراسة....ظبط المنبه بتاعه على ميعاد الجامعة
جرس الباب بيرن...بيرن...خبط جامد....احمد قام مخضوض وبيفتح الباب وووفجأة




هاي..انا جارتك اللي ساكنة قصادك
احمد : طيب وانا اعمل ايه يعني جارتي ولا مش جارتي
جارته : تؤ...طيب قول صباح الخير..قول صباح النور..قول صباح اللي بتغني
احمد : يا فتاح يا عليم يا رزاق يا كريم...يادي النيلة ..انتي عاوزة ايه مني دلوقتي
جارته : انا ؟ ؟
احمد : امال امي
جارته : تؤ تؤ انت عصبي كده ليه...كل شئ بالتفاهم وبالهدوء...اعملك نسكافيه يهدي اعصابك
احمد : متشكر يا ستي متشكر خالص انا...عاوزة ايه مني على الصبح كده انا ورايا جامعة
جارته : ايه ده ..انت بتروح الجامعة...انا بفتكرك في المدرسة
احمد : صبرني يارب صبرني ...جولي عاوزة ايه هتأخر على الجامعة
جارته : عندك حبة شطة
احمد : هاا...جلتي عاوزة ايه
جارته : شطة شطة....اللي بتخلي الاكل يوحوح
احمد : لا انا مش بحبش اوحوح عن اذنك...وقفل الباب ولبس بسرررعة ونزل

ركب الاتوبيس

احمد : الاجرة بكام لو سمحت يا اخينا
رد شاب ستايل...ههههههههه ايه اخينا دي دي كلمة قديمة موت
احمد : ماشي يا عم الجديد....بكام الاجرة
الكمثري :بجنيه وبريزة يا كابتن
احمد : اشمعنى وبريزة
الكمثري : حكومة تقدر تتكلم
احمد : خد يا عم ونزلني عند الباب الرئيسي

احمد داااااااااخل بيجرررري....وهووووووب...خبط في بنت وقع عليها العصير

البنت : انت غبي ...انت مبتشوفش
احمد : هشششششششششش
البنت : انت قليل الادب مش محترم كمان
احمد : هسسسسسسسسسس
احمد : انا ورايا محاضرة مش فاضيلك ...... خدي منديل اهو
البنت : انا هوريك انا لازم ابهدلك
البنت : يا عمرو يا وائل يا هيثم

عمرو : مالك بيها يا تحفة
وائل : انت لازم تتربى كويس
هيثم : مش هتروح سليم النهاردة

نور لمحت الخناقة من بعيد

نور : احمد احمد في ايه
احمد : ابعدي انتي يا نور ده طار قديم وهيخلص النهاردة
نور : احمد دي جامعة انت ممكن تتفصل
احمد : ومحضرش محاضرات تاني ؟
نور : ايوة ايوة انا هروح انده الامن
احمد : تندهي الامن يشيلوا جستي ولا ايـــه

وفجأة الامن جه والمشكلة اتحلت والحمد لله احمد خرج سليم
مع انه كان قدها وقدود يعني بس خاف طبعا على مستقبله



احمد : متشكر يا نور جوي
نور : ده اقل واجب يعني
احمد : انتي عملتي الواجب صح
نور : واجب ايه يا احمد هو احنا في مدرسة
احمد : ههههههههههه اصلها فاكراني في المدرسة
نور : هي مين دي
احمد : اللي عاوزة الشطة
نور : انا مش فاهمة حاجة يا احمد
احمد : انتي بتحبي توحوحي
نور : هههههههههههههههههههه
احمد : هههههههههههههههههههه
نور: تعرف يا احمد ان دمك خفيف اوي
احمد : ربنا يخليكي انا مش بجدر على الكلام ده
نور : هو انا قلت حاجة يا احمد
احمد : ايوة دمي خفيف وحلو ومسمسم والكلام الكابير ده
نور : ههههههههههههههههههههههه
احمد : بتضحي على ايه عاد
نور : ههههههههههههههههههههههه
احمد : يــوه يــوه يــوه
نور : المحاضرة هتبتدي يا احمد يلا نحضر
احمد : ماتيجي نتمشى شوية في الحديقة وبلاش المحاضرة
نور : بجد ...طيب يلا
احمد : ال حديقة ال....يلا يا هانم نلحج المحاضرة انا حاجزلك جنبي


احمد دخل لقى اتنين اعدين مكانه هو ونور
ووووووووووووووووووووووووووو
أشوفكم الحلقة الجاية الحلقة السادسة ان شاء الله

_________________
انا رجلاً لا و لن اكون لعبة في ايدي امراءة تحركها الاهواء ..... انا من عرفتني تصاب حياتها بالخيلاء ..... لذلك تقف لي بانحناء
الرجوع الى أعلى الصفحة اذهب الى الأسفل
medo
المدير العام
المدير العام
avatar

ذكر
تاريخ الميلاد : 05/01/1990
تاريخ التسجيل : 15/01/2008
الموقع http://s7afa.ahlamontada.com

مُساهمةموضوع: رد: الحلقه الخامسه من (يوميات صعيدى بيحب بنت استايل)   الأحد أغسطس 16, 2009 12:27 am

شكله هينفخ الاتنين اللى قعدو مكانو ههههههههههههه

ياخوفى ده بلدياتنا الانسه نور تغيره

منظرين الجزء السادس

بس الزء ده جااااااااامد جامد يعنى

وصباح اللى بتغنى
هههههههه
ماشى
مستنيك والجزء السادس اللى هيبدا بخناقه

_________________

كل سنه وانتم طيبين بمناسبه عيد الاضحى المبارك
[center]
أى إستفسار اوا اى شكوى برجى مراسلتى على ايملى الخاص
alone.sadbird@yahoo.com
ندعوكم للمشاركه فى جروب خايف عليك " اداره المنتدى "
https://www.facebook.com/?sk=2361831622#!/group.php?gid=356482993127

[/center]
الرجوع الى أعلى الصفحة اذهب الى الأسفل
mohamed_gamal7574
كبار الشخصيات
كبار الشخصيات
avatar

ذكر
تاريخ التسجيل : 17/02/2009

مُساهمةموضوع: رد: الحلقه الخامسه من (يوميات صعيدى بيحب بنت استايل)   الأحد أغسطس 16, 2009 12:32 am

لابس الحلقه السادسه ان شاء الله هتعجبك

_________________
انا رجلاً لا و لن اكون لعبة في ايدي امراءة تحركها الاهواء ..... انا من عرفتني تصاب حياتها بالخيلاء ..... لذلك تقف لي بانحناء
الرجوع الى أعلى الصفحة اذهب الى الأسفل
 
الحلقه الخامسه من (يوميات صعيدى بيحب بنت استايل)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
معهد الصحافه :: شلة الانس :: شله الانس-
انتقل الى: