معلومات عن أعدادى هندسه القاهره

تذكير بمساهمة فاتح الموضوع :

بما ان دا اولموضوع فى القسم دا فحبيت اتكلم عن معلومات قليله بس مهمه

بالنسبة للدراسة هتبقى في الشيخ زايد ( اعدادي بس) وبيبقى في باصات توديك وتجيبك من الكلية
و في خطوط للباصات و ده على حسب سكنك طبعا
الباصات بتطلع تمانيه الصبح
المحاضرات بتبتدي الساعة تسعه و بتنتهي الساعة 2 ماعدا يومين بيخلص 4 الاربع

إيه نظام المحاضرات طيب وإيه الفرق بينها وبين السكاشن ؟؟؟؟
ركز معايا ..
طبعاً دفعة إعدادي هي أكبر دفعة لأنها اللي بتوزع على التخصصات بعد كده ..

أول السنة بتحضروا كلكم مع بعض لمدة أسبوعين ولا حاجة لحد ما تتقسموا وجدول كل مجموعة يتحط ......
العدد كله بيتقسم على مجموعات...
كل مجموعة بتحضر محاضراتها بشكل منفصل في مواعيدها الخاصة بيها ..
في أغلب المواد نفس الدكاترة بيدوا كل المجموعات ..
لكن أحياناً الدكاترة بيتقسموا بحيث كل دكتور يشرح لمجموعتين أو أكتر ...
المفروض بقى لو انت عايز تفهم بجد تحاول تضبط جدولك بحيث تحضر محاضراتك
وتحضر مع مجموعات تانية كمان المحاضرات اللي محتاجة تتعاد أو للدكتور اللي
حابب تحضرله ومبيديش مجموعتك ..في الوقت اللي تكون فاضي فيه .....
طبعاً رغم إنكم اتقسمتوا بس لسه أعدادكم كبيرة .. عشان كده بتتقسموا تاني لسكاشن ..
السكاشن دي بيشرحها المعيدين مش الدكاترة وبتكون لحل المسائل ..
كل سكشنين بيحضروا مع بعض ..
بيكون العدد أقل كتير طبعاً من المحاضرة والسكاشن أكيد مهمة جداً ..
لكن ده ميقللش من أهمية المحاضرة أبداً ...
وأكيييييد هتعرف أهمية السكاشن لما تحضرها ..
بعد كده بقى هتعرف المعيدين الكويسين في كل مادة وتضبط مواعيدك بحيث تحضرلهم لو مكانوش بيدوا السكشن بتاعك ...
وبجد السكاشن اللي بيديها معيدين كويسين مفيدة جداااااااااا إلى أقصى حد .....

طيب هو فيه غياب وحضور ؟؟؟؟ وهل ده مؤثر ؟؟؟
بالنسبة لدخول الكلية والخروج منها طبعاً الموضوع متروك ليك تماماً ..
محدش بيقولك معاد الحصة الأولى فاتتك مثلاً...
وبتروح وتيجي وقت ما تحب ....
لكن رغم كده إنت مضطر تحضر المحاضرة لكذا سبب ..
- متنساش إن عندك أعمال سنة وأعمال السنة دي فيها نسبة منها متحددة لحضور المحاضرات والسكاشن .. النسبة كل دكتور بيحددها .....
- في السكشن فيه ورقة بيتكتب فيها أسماء الحاضرين كل أسبوع ...
- وفي المحاضرة أحياناً الدكتور بيطلب ورقة أسماء برضه وبينده عشوائياً وكل دكتور والعقاب اللي ممكن يحدده ...
لكن وبجد مش مبالغة ... فيه دكاترة بتهتم بالموضوع ده جداً ...
-نقطة تانية مهمة جداً .. لو فرضنا مجرد فرض إن مفيش غياب وإن حضورك من عدمه مش هيقللك حاجة في أعمال السنة ..
فيه حاجة أخطر ...
فيه دكاترة كتير بيشرحوا أجزاء مش موجودة في الكتب أصلاً للتفرقة بين اللي حضر واللي محضرش ...
وحصل معانا السنة اللي فاتت مع أكتر من دكتور إن الدكتور يشرح درس كامل مش
موجود في أي كتاب مقرر ويركز عليه في أسئلة الامتحانات جداً ...

طيب هل ده معناه إني أعتمد على المحاضرة والسكاشن بس ؟؟؟ ولا أجيب ورق من المكتبات اللي برا ؟؟؟
في البداية إنسى موضوع الدروس بتاعة ثانوي دي خالص ...
في الكلية الدروس اسمها كورسات وهتلاقي ورق كتير بيتوزع أول السنة عن كورسات ومش عارف إيه ..
سيبك من الكلام ده دلوقتي لحد ما تعرف نظام الدراسة وتعرف المعيدين الكويسين لو
حابب تاخد كورس يعني .
معلا ملاحظة مهمة جداً : الدكاترة بيكرهوا موضوع الكورسات ده جداً ...
وبجد فيه دكاترة بتجمع الورق اللي بيتباع برا ده ولو لقوا إجابة مستخدمة نفس الأسلوب الدرجة بتقل ..
عشان كده زي ما قلنا خلي إجابتك دايماً وعلى أد ما تقدر بأسلوب الدكتور حتى لو هتذاكر من ورق برا ......

زي ما قلنا مهم جداً حضور المحاضرات والسكاشن وهتعرف قيمة حضورهم مع أول امتحان تحضره ...

والمحاضرة نصحى فيها يا جماعة ...
عشان اللي هينام

هتضيع منه تفاصيل مهمة كتير ..
ده غير صدمة الامتحان بقى ...
وإلا لو الدكتور شافك ..
إنت عارف بقى أسهل حاجة عند الدكتور يسحب كارنيهك ولا يديك صفر في أعمال السنة
......

أغلب الدكاترة -إن مكانش كلهم - بيركز على أسلوب إجابتك للسؤال ...
لازم الدكتور يفهم من أسلوبك إنك حضرت المحاضرة مش جايب كلام من برا ...
فلو هتعرف تجيب ورق من برا يساعدك على الفهم وتثبيت المعلومة مش مشكلة ..
بس بشرط مهم جداً : إن أسلوب الإجابة يكون أولاً وأخيراً زي ما الدكتور شرح في المحاضرة ...
ولو عندك مسألة الدكتور حلها بطريقة .. والورق حاللها بطريقة تانية ..
يبقى تحل بطريقة الدكتور.....
أتمنى الجزء ده يكون واضح لأنه بجد مهم .......

أمال إيه المواد اللي بندرسها ؟؟؟؟ وامتحاناتها بتكون إزاي ؟؟؟؟؟

هو في الأول لازم تعرف إن السنة بتتقسم لترمين كل ترم ليه مواد منفصلة بذاتها وطبعاً امتحاناتها الخاصة بيها آخر كل ترم ....
وفيه مواد بتكون ممتدة .. يعني بتدرسها في خلال السنة كلها ومبتمتحنهاش غير آخر السنة .. بس بتمتحن أعمال السنة بتاعتها طبعاً ...
أعمال السنة دي بقى اللي احنا بنقول عليها ميدتيرم ..
هو امتحان للمواد اللي بتدرسها في نص الترم وبيتحدد عليه جزء كبير من درجة أعمال السنة بتاعتك ....
وطبعاً باقي أعمال السنة بيكون على الحضور وحسن التصرف ...
عموماً كل دكتور هو اللي بيحدد أعمال السنة ..
وأحياناً بعض الدكاترة بيطلبوا بحث ويحطوا درجة أعمال السنة كلها أو أغلبها عليه ...
الموضوع في الأول والآخر بيرجع للدكتور ....
فيه مواد بتمتحن عليها معامل ودي طبعاً الفيزياء والكيمياء ...
ومواد بتمتحنها عليها شفوي وهي الميكانيكا ...
وفيه الورش ودي مادة في الترم التاني ...

ارجو ان الللموضوع عجبكم الموضوع منقول

happy Feast for all muslims ...Message:

معلومات عن أعدادى هندسه القاهره - صفحة 3 Foreid205

معلومات عن أعدادى هندسه القاهره - صفحة 3 42941176614373

معلومات عن أعدادى هندسه القاهره - صفحة 3 813o

معلومات عن أعدادى هندسه القاهره - صفحة 3 42941192232348

¿¿ ¿¿¿ ¿¿¿¿¿ ¿¿¿¿¿
happy Feast for all muslims

ده اللي انا قدرت اجيبه

تلاحظي ان فيه باص جديد (مش جديد اوي يعني ) و اللي وراه ده شكله قديم شويه

العمليه متفاوته يعني

أولا مواصلات الشيخ زايد

الذهاب

[b][size=16] فيه نوعين من المواصلات لحد باب الكلية في الشيخ زايد

النوع الاول
::

و ده بتوفره الكلية بأشتراك حوالي 150 جنيه في الشهر
و 175 لباصات حلوان

(ده علي ايامنا ..معرفش بأة هتغلي ولا لاا)

ول اكتر من خط

من الجامعة ذات نفسها في الجيزة
او

الهرم

المعادي

مدينة نصر

مصر الجديدة

تحرير

رمسيس

النوع التاني ..انت مع نفسك بأة

هتلاقي عندك ياسيدي

موقف ميكروباصات عبد المنعم رياض ( تحرير )

:::::

موقف ميكروباصات الهرم

صحيح
موقف اسكندرية فيه عربيات الشيخ

زايد وايام الدراسة بيكون فيه عربيات زايد هندسة ديه بتنزل عند باب الكلية على طول
[/size][/b]

[b] [size=16] ميكروباصات ميدان رمسيس (بس مش عارف مكانها)

:::::

ميكروباصات ميدان الجيزة ( بتحمل اكتوبر )

:::::

ميكروباصات ميدان لبنان

:::::

اتوبيس نقل عام رقم 570 من عبد المنعم رياض (تحرير)

:::::

اتوبيس نقل عام 757 من الهرم

:::::

اتوبيس نقل عام 370 من العباسية ورمسيس

:::::

ميني باص رقم 1 من ميدان الجيزة

:::::

ميني باص رقم 5 امبابة

:::::

اي واحد فيهم تركبه قوله بس عايز انزل عند

كلية الهندسة في زايد

يلا

كل واحد يحفظ رقم اتوبيسه كويس عشان مينسهوش

[size=21]العوده

[/size]

خلاص
خلصنا محاضرات و سكاشن

جيه و قت المرواح بأة

[size=16][b][size=16][size=21]بالنسبه للناس اللي مشتركه في باصات الكليه ... فهي هتبقي واقفه مستنياهم ..

اما بقي الناس اللي بتروح مواصلات الحكومه[/size][/size]

وعادة توجد ميكروباصات هرم أمام باب الكلية

ونادرا يكون هناك ميكروباصات تحرير أو ميدان لبنان

.. أحسن مكان للركوب هتلاقوه في الصورة ديه

هتتمشوا شوية معلش

بس هتلاقوا

فيه ميكروباصات لل هرم وتحرير ورمسيس و

اتوبيسات الجيزة

والتحرير ورمسيس والعباسية

[/size][/b][/size][/b]

خريطه الكليه

اول مهتوصل للهايبر وان .. و هو مول كبير و شكله مميز .. تبقي كده يعتبر وصلت

و دي خريطه المنطقه المحيطه بالكليه

[b] [size=16]بعد ما ندخل الكلية هنلاقي قدامنا

مبنى 51

(احنا عندنا صحيح المباني بتتسمي بأرقام مش اسامي)

متقلقوش هتحفظوها بسرعة

المبنى ده فيه الإدارة وديه اللي في وش الباب أول ما ندخل

و
فيه قاعات السكاشن في الدور الأرضي

والأول والثاني

وفيه معامل الفيزياء

، وفيه معمل الديناميكا في الدور الثاني

و معمل الحاسبات .

بعد كدة نروح للمبني اللي في المحاضرات

زي ماشايفين

بعد ما نعدي الباب الأخضر اللي وراه

صحراء هنتجه

لمبنى
61

اللي بيبقي فيه المحاضرات .

مخطط لمبنى

51

اللي فيه السكاشن

تمام كدة؟

بعد الجولة الخفيفة ديه يحين موعد الإفطار

بالنسبة للكلية فيها كافتيريا واحدة بس

هي كافتيريا اسمها حورس

وفي خارج الكلية ممكن نروح لمول النوران اللي فيه

مكتبات ومطاعم وسوبر ماركت .

مول النوران

[/size][/b]

[b][size=16][size=25]دفعتنا[/size]

بص يا جميل

احنا عندنا دفعة اعدادي بتبقي حوالي 3000 طالب

بيتقسموا علي
8
مجموعات

أ

ب

ج

د

هـ

و

ز

ح

كل واحد علي حسب الترتيب الابجدي ل اسمه

وجو كل مجموعة بيبقي فيه حوالي 10 سكاشن

كل سكشن فيه من 40 ل 50 طالب

يعني مثلا مجموعة

[size=25]أ[/size]

فيها السكاشن من

1 لحد 10

وفيها كل اللي اساميهم بيبدأ بحرف الالف

احمد

ابراهيم

ايمان

إنجي

وهكذا

السكشن بيبقي زي ماتقولوا كدة فصل

حوالي 50 طالب بس

انما المحاضرة بتبقي ::لمجموعة كاملة

يعني ل 10 سكاشن مرة واحدة

[/size][/b]

[b]شكل جدول المحاضرات

تفسير الجدول ..

اولا انت ممكن تشتريه من (المطبعة) بجنيه ..

او هتلاقيه متعلق على لوحة الاعلانات الكبيرة اللي محطوطة في المدخل الرئيسي لمبنى 51

من المطبعة ..
هيديك 8 ورقات او ورقة واحدة كبيرة متقسمة 8 جداول

واحد من الـ 8 جداول دول هو بتاعك .

اعرف ازاااااااااي؟؟

فاكر الرقمين اللي قلت نحفظهم او نكتبهم في ورقة ..

هنا يجي دور رقم السكشن ...

هتلاقي في الجدول على الناحية اليمين او الشمال ارقام من 1 لحد 50 تقريبا او اكتر

شوية

كل 5 ارقام من دول هتلاقيهم في جدول ..

والجدول ده متسمي بحرف

شوف انت رقم السكشن بتاعك

وشوف الحرف اللي قدامه في الجدول ..

الحرف ده هو اسم مجموعتك ..

شوفو الصورة كده ..

يعني انا لو سكشن 43
هبقى في مجموعة (و)

وهيكون جدولي هو اللي متحدد بالأزرق في الصورة الجاية دي

هتلاقو عندكو نوعين من المستطيلات ..

واحد صغير وواحد طويــــــــــــــــل

الطويل ده عبارة عن محاضرة بيحضرها كل المجموعة (اللي هم 300 طالب تقريبا)

والصغير هو سكشن بيحضرو 50 طالب بس (ده المفروض يعني)

فيه محاضرات وسكاشن بيحضرها اكتر من العدد الطبيعي وفيه العكس ..

يعني مثلا الحاجات اللي نص مستطيل والمعامل واماكن المحاضرات والسكاشن[/b]

[b][size=25]توزيع المحاضرات داخل الجدول
ده نموذج لجدول المحاضرات والسكاشن

لمجموعة

و

دوسوا علي الجدول عشان تكبروه شوية

هنفترض اننا في سكشن

41

ده كدة معناه ان يوم الاحد

[size=16] عندنا معمل فيزياء الاولي[/size]

[size=16] هنلاحظ أنه المربع نصه فاضي ونصه مليان[/size]

[size=16] وده معناه ان [/size]

[size=16] المعمل ده بالتبادل [/size]

[size=16] اسبوع فيه معمل واسبوع مفيش [/size]

[size=16] يعني تيجي اسبوع الاولي[/size]

[size=16] والاسبوع اللي بعديه تنام في بيتكم[/size]

[size=16] [/size]

[size=16] . بالنسبة [/size]

[size=16] للفترة التاني[/size]

[size=16] فيها سكشن رياضة بيبدل مع سكشن حاسبات[/size]

[size=16] يعني مرة فيه[/size]

[size=16] سكشن رياضة والاسبوع اللي بعده[/size]

[size=16] حاسبات وهكذا [/size]

[size=16] .. الثالثة[/size]

[size=16] محاضرة اسمها هندسة انتاج .[/size]

[size=16] الرابعة[/size]

[size=16] محاضرة حاسبات بالتبادل اسبوع اه واسبوع لأ .[/size]

[size=16] وهكذا بالنسبة لبقية الأيام [/size][/size][/b]

[size=25]أول يوم هندسه

السلام عليكم ازيكم يا شباب

عدينا من مرحله ازاي نعرف المكان بتعنا اللي مش هنتوه فيه كتير
ان شاء الله

لأنهم في الحقيقه مبنيين

ندخل بقي علي اول يوم في الكليه

بعد ان شاء الله لما تركبوا باصتكم ده اللي هيجي بالباص

هتبدأوا رحله الشيخ زايد

اللي هيوصل بدري واللي هويصل في ميعاده واللي هيتأخر هيجي علي المحاضره التانيه

عادي مش هتفرق معاكوا اوي لأنكم هتحسوا انكم تايهين والأحساس ده هيقعد معاكوا شويه لحد متتعودوا

المهم اول مهتوصل وتدخل من الباب هتلاقي علي شمالك البورد اللي صورها فوق, ودي

بيبقي عليها الجداول بتاعتكوا وأي اعلان هام زي :محاضره هتتلغي, دكتور فلان هيدي

محاضره في المكان الفلاني وكده.

ندخل جوه شويه هنلاقي علي شمالكوا في كشوفات الأسماء بتاعتكوا

يعني سكشن كام والبنج نمبر بتاعك وكده

اهم حاجه السكشن هتقولي ليه هأقولك لأن السنه اللي فاتت واللي قابليها كانوا بيعملوا

حركه لذيذه في الطلبه يعني مثلا واحد اسمه محمد ويلاقي نفسه في سكشن 9 ويشوف

الجدول ويروح يحضر المحاضره وكده وتطلع مش بتاعتوا اساسا لأنه المفروض كان

يفهم لوحده انه يزود 24 علي رقم السكشن بتاعوا فيبقي في سكشن 33 الله عليهم بجد

[/size]

من أول اليوم شرح

هتدخل هتحضر المحاضرات بتاعتك

لو كان عندك رياضه الدكتور هيدخل علطول في المنهج هيديك

الاستنتاج الرياضي

اسم حلو صح؟

ده بقي درس لطيف وحلو هيقولك الاساس والقاعده والاثبات

حاجات حلوه

عموما الدرس ده ليه كذا نوع من المسائل هتعرفهم وتعرف ازاي بيتحلوا هيجيلك كام

نوع منهم في الكويز وتبعا امتحان الميدترم والفاينال ان شاء الله

متتخدش لو مفهمتش حاجه من الدكتور في الأول هتحس انك غبي حبتين بس العيب مش
فيك

عموما احسن دكتور شرح الجزء ده كان د.احمد عبد السميع ده كان احسن دكتور بيشرح

جبر ده من وجهة نظري المتواضعه طبعا

وفي د.شهوار ود.هاله

خلصنا من الجبر

طب لو تفاضل

الدكاتره هتدخل تقعد تتدردش معاك شويه في التفاضل اللي اخدته في ثانوي هيفكركم بيه

وطبعا كان من اهم الدكاتره اللي بيشرحوه

د.حاتم ود.لبيب

طب لو خدت كيمياء

هيدخلك الاستف بتاع هيئه التدريس كله هيعرفوكم بنفسيهم وبالمنهج اللي هتدرسوه

وطبعا اهمهم د.شاكيناز

طب لو حاسبات

لو اداك الدكتور ناجي يبقي هيعقدك في الماده من اولها بس هوشرحه جامد جدا بس قدام

شويه في المنهج

عيبه انه بيدخل شمال علطول في المنهج مبيتفهمش

عندك د.ايهاب(الرأس الكبيره)رئيس القسم دكتور جامد جدا

وفي برده د.عبد الحكم

...

[size=25]بالنسبه للفيزياء

اولا هى بتنقسم الى اربع اقسام

كهربية و خواص مادة
دول الترم الاول

حرارية و مغناطيسية
دول الترم التانى

بالنسبة للترم الاول
الكهربية
الدكاترة : د . صلاح النحوى
د . محمد السيد
د . مجدى سعد
د . سامية
د . ياسر
خواص المادة
الدكاترة : د. المسيرى
د . منال
د . اسامة النبوى

كلهم بصراحة حلوين بس احسنهم
د . المسيرى و د . منال فى خواص المادة
د . مجدى سعد و د . سامية و د . صلاح النحوى فى الكهــــــــــربية
....

مواد التيرم الواحد

الانسانيات - هندسه الانتاج - الكيمياء - اللغه الفنيه

هتدرس مثلا الترم الاول كيمياء ولغه والترم التاني انتاج وانسانيات او العكس.
الكيمياء سبق الكلام عليها .. و هي من المواد اللي بتتاخد تيرم واحد بس.. سواء الاول او التاني.. و ده بيبقي علي حسب المجموعه..

بالنسبه للانسانيات دي ماده ملهاش كتاب وبتعتمد اساسا علي المحاضرات يعني
لازم تركز جدا في المحاضره لانها اهم حاجه وبصراحها مفيش غيرها لأن ورق
الدروس بيبقي قديم
يعني المحاضره المحاضره المحاضره..
الماده بيديها مجموعه من داكتره الاقسام كل واحد بيتكلم في موضوع وفي
الاخر بيكلمكم شويه عن القسم بتاعه وكده ونظام الامتحان اتغير علي السنه
بتاعتنا بقي اختياري في احلي من كده بس اوع في مفاجآت هنكلمكم عناه وقت
الامتحان..

ندخل علي الانتاج
الانتاج والورش ده ماده حلوه اوي هتحضر حوالي 8 ورش
وطبعا المحاضره برده هنا المحاضرات مهم جدا وخصوصا محاضره د.يحيي شاش تقريبا بيجي منها الامتحان
وفي طبعا د.الويفي برده...

بالنسبه للغه الفنيه دي ماده سكشن يعني ملهاش محاضرات
ليها عدد معين من السكاشن بتبقي حوالي 10 شباتر
بعرفك ازاي تعمل ريبورت وبرزنتاشن وكده حاجات حلوه ولذيذه اهم حاجه
هتستفيدوا منها التيم ورك يعني العمل الجماعي لأنك هتعمل الريبورت مع
التيم بتاعك مش لوحدك
....
[/size]

بسم الله الرحمن الرحيم

[size=16]ان شاء الله هنكلمك علي طريقه المذاكره
بالترتيب كده

[size=21]اولا:الرياضه

الله علي الرياصه دي اكتر ماده بحبها بجد

بصوا يا جماعه الرياضه دي ماده لذيذه اوي

عندنا الترم الأول

الجبر والتفاضل

اللي احنا هنعمله كالأتي

احنا بناخد المحاضره

بنروح نقرأها في السريع

ونمسك الملزمه او الكتاب نحل التمرين بأدينا بادينا

اهم حاجه لازم تحل بأيدك

لو حليت المومه الحمد الله وخلصتها وتبقي وقت معاك

حل تمارين الكتاب او تمارين كتاب المسائل المحلوله

ده كتاب مهم اوي ساعات بيجيبوا منه مسائل بالنص

ده لازم تحلوه او تقرأوه علي الأقل

دي طريقه مذاكره الرياضه

اللي مش فاهم حاجه ميترددش ويسأل اي حد زميل ليه المعيد يسأل هنا علي الموقع وان

شاء الله هيقدر يفهم

الرياضه الترم التاني نفس نظام الترم الأولمع الاختلاف هتخدوا هندسه تحليليه وتكامل

احلي حاجه التكامل ده

مهم جدا وهتحتاجوه لو حد ناوي يدخل اتصالات ان شاء الله

وهنكلمك علي الاقسام بعدين متشغلوش دلوقتي بالكم خالص

الفيزياء

الترم الاول هتخدوا كهربيه وخواص ماده

برده نفس النظام

هنروح نذاكر المحاضره وبعد كده نبدا نحل بادينا

سواء من الملزمه او الكتاب بتاع الكليه او طبعا كتاب المسائل المحلوله ده مهم والله

صدقوني افكاره بتبقي حلوه اوي وصعبه في بعض الاحيان بس الامتحان بيبقي اسهل

منها بكتير

الترم التاني هيبقي عندنا مغناطيسيه وحراريه

المغناطيسيه اشبه كتير للي اخدتوها في ثانوي عشان كده الترم التاني اسهل من الاول

الحراريه دي بقي سهله جدا لو فهمتها

وكل الدكاتره بيشرحوها حلو

وليها نظام جميل جدا في الحل هتحس انك بتحل بنظام شويه مش بعشوائيه او مش عارف

تبتدي منين لأ هتبقي عارف هتمش ازاي في المسائله وطريقه حلها

طبعا برده المذاكره هي هي بس تركزوا شويه في المحاضرات هتفهموا منها اكتر بكتير

من اي شرح تاني

خلصنا من اهم مادتين

الميكانيكا

الترم الأول هناخد استاتيكا هنرس الاتزان ومجموعات القوي المتكافئه وحاجات كده حلوه

احسن دكتور طبعا

هو د.طوسون ده رجل دماغه عليا اوي ومعاديه بصراحه

زاكروا محاضراته كويس جدا وهتقفلوا الماده ان شاء الله

وطبعا تحلوا الشيت ده مهم برده وابقوا بصوا في كتاب المسائل المحلوله هو مش مهم

اوي

الترم التاني

الديناميكا بيقولوا عليها انها صعبه شويه بس هي في الحقيقه لا صعبه ولا حاجه هي بس

طويله شويه شويه شويه يعني

فلازم تتبعوا فيها اول بأول عشان تلموها

طبعا تزاكروا المحاضره وتحلوا الشيت ده مهم اوي بجد

وبرده ابقوا بصوا في كتاب المسائل المحلوله

الأنتاج

ده بقي المحاضره المحاضره المحاضره

مفيش كلام هي وماده الانسانيات وحولوا تركزوا في المسائل اللي بتتقال في المحاضره

عشان بتيجي ساعات بالنص

الكيمياء

طبعا المحاضره الملازم مش مفيده اوي فيها بالعكس دي ممكن تتوهك لأنها بتبقي كتير

وفيها حاجات ملغيه

وطبعا نحل كتاب المسائل

الحاسبات

بقي ملازم سبيد حلوه اوي فيها وطبعا كتاب د. ايهاب جامد جدا وفيه امثله

كويسه اوي

وطبعا الريبورتات اللي هتعملوها هتفيدكم اوي بس لو حليتوها بايديكم هتقفلو ان شاء الله

دي ماده سهله والله

اللغه الفنيه

دي بقي بصراحه من الملازم بتاعت افندينا

الكتاب كبير اوي والمعيدين تقريبا مش هتفهم منهم اوي الا اذا دخلك معيد كويس وفي

ناس كويسه كتير في الماده دي

بس هي سكاشن بس مفيش محاضرات ربنا يوفقكم فيها

متنسوش متعتها في الريبورت بتاعها عشان هتعملوا في جروب يعني لازم تساعدوا

بعض

[/size]الرسم الهندسي

اهتموا بالمحاضرات اوي وركزوا فيها

وفي السكشن برده اللي مش عارفه تقدر تسأل المعيد فيه وهو هيجاوبك

اهم حاجه متفوتش حاجه متعرفش بتتعمل ازاي

كل ده ليك عشان تسهل علي نفسك عمل الهوم ورك اللي هتخدوه

وطبعا الامتحانات

وحاولوا وانتوا بترسموا في البيت ترسموا بوقت يعني حوالي 3 ساعات زي السكشن

بالظبط

طبعا عشان تسرع ايدك في الرسم شويه

[/size]

السلام عليكم يا مهندسين المستقبل
ان شاء الله تكون اعدادى السنة ديه
سنة سعيدة عليكم ويا رب تكونوا احسن مننا وتحصلوا على اعلى التقديرات شدوا
بس حيلكم وذاكروا كويس وربنا يوفقكم
[size=25]اكيد.......مش كلكم تعرفوا ايه هى ادوات الرسم الهندسى وان شاء الله محدش فيكم هيروح اول سيكشن رسم ليه من غير ما يكون معاه
أدواته
[size=21]اولا:مسطرة
حرف تى طولها 80سم ويا ريت تكون بلاستيك وليست خشب لان الخشب هتخلى اللوحة
مش نظيفة وغير قابلة للمسح أما البلاستيك فممكن مسحها من حين لآخر طول ما
انتم بترسموا
ثانيا:رولة يحفظ ويحمل فيها لوح الرسم طولها مناسب
ثالثا:المسطرة والرولة لهم جراب يحتويهما معا اشتروه
رابعا:طقم مثلثات(مثلث تلاتينى ستينى ومثلث
خمسة واربعين )نوعه اما(سميروعلى او روترينج)ولكن انصحكم بسمير وعلى لان
الدكاترة عندنا بيفضلوه لانه شفاف وغير مشطوف
خامسا:طقم براجل روترينج واهم حاجة لازم يكون فيهم برجل اسمه الديفيدر لأنكم طول السنة بتستخدموه
ونوعه(روترينج) احسن حاجة
سادسا:وطبعا فيه حاجة هترسموا عليها اسمها البوردة وقولوا للبائع بوردة الرسم بتاعة اعدادى
سابعا:مسطرة منحنيات
ثامنا:الأقلام بقى هما قلمين مفيش غيرهم قلم بوينت سبعة0.7 وقلم بوينت خمسة 0.5ونوعهما(روترينج)احسن نوع وبيعيش
تاسعا:الاستيكة القلم (هى اسمها كده )استيكة قلم
عاشرا: استيكة مسح عادية ونوعها(روترينج)واستيكة صابونةلتنظيف اللوحة بعد الانتهاء من الرسم
الحادى عشر:السنون ديه سنون0.7نشتريهم وبالنسبة للقلم 0.5(hb-b-2b)
(h-hb-b)
الثانية عشر:فوطة تنظيف لونها هتلاقوه برتقالى تشبه فوط العربيات
الثالثة عشر:لصق اللى هتلصقوا به اللوحة على البوردة(سوليتيب اى نوع)تمام
الرابعة عشر:كراسة
(a4)
نص مللى
بالنسبة للوح الرسم بتشتروها من المكتبة
اللى فى الكلية هناك فى الشيخ زايد واوعوا تشتروها من اى مكان اخر علشان
لوح الكلية بيبقى مكتوب عليها اسم الكلية والجامعة والاطار بتاعها أسود
[size=25]ده تقريبا كل اللى
مطلوب منكم من ادوات الرسم وفيه مكتبات بتخليكم تشتروا حاجات مالهاش لازمة
سيبكم منهم وخدوا بالك من اللى الدكتور طالبه بالضبط وغالبا لا تتغير عن
اللى قولته ليكم ان شاء الله
مع اخلص الامنيات بالنجاح لكم والتوفيق
معلومات عن أعدادى هندسه القاهره - صفحة 3 1

معلومات عن أعدادى هندسه القاهره - صفحة 3 1

[/size][/size][/size]

اهيه الجداول

إضغط عالجدول عشان تشوفه بوضوح
Login If you can't see table

المجموعة أ

المجموعة ب

المجموعة ج

المجموعة د

المجموعة هاء

المجموعة و

المجموعة ز

المجموعة ح