علمانية

موضوع: علمانية السبت ديسمبر 12, 2009 10:42 pm

السلام عليكم ورحمة الله وبركاته

فى صلاة الجمعة امبارح الشيخ كان بيتكلم عن العلمانية اللى معناها الظاهرى

تحس انه جاى من العلم لكن معناها الباطنى هو فصل الدين عن الحياة

بمعنى ماتدخلش الدين فى اى حاجة من حياتك ودى دعوة كبيرة ضد الدين

وبالاخص الدين الاسلامى والحاد جامد جدا وواضح على الرغم

انه من شروط العلمانى انه يكون على دراية ومعرفة قوية بالعقيدة فسبحان الله

عشان يبعده عن حياتنا وانك ممكن تشوف دكتور متفوق جدا

وتيجى تكلمه مثلا عن الحجامة وفوائدها واحاديث الرسول صلى الله عليه وسلم عنها يقولك دى تخاريف لا اله الا الله

وممكن تشوف مطرب او ممثل ويكلمك فى الدين كويس جدا وان سألته مثلا

عن رأيه فى مرأة تمشى لابسة كويس لكن شعرها بس باين يقولك

تبقى دى محجبة 90 % ومافيش مشكلة فسبحان الله

عشان ديننا الحمد لله دين كامل وبيدخل فى كل حاجة من حياتنا عشان ينورها

بيتحارب

عشان ديننا الدين الصح و عايز الخير لينا وبيحفظنا من كل شر

بيتحارب

فتمسكوا
بدينكوا يا جماعة وعاهدوا ربنا سبحانه وتعالى انكم تدخلوه فى كل شئ من
حياتكوا واتقوا الله اينما كنتم كما وصانا النبى صلى الله عليه وسلم

نحن قوم اعزنا الله بالاسلام فان ابتغينا العزة فى غير الاسلام ازلنا الله

تمسك بسنتك ودينك وحارب عشان دينك ونشره احنا مخلوقين عشانه مش حاسس انك غيران على دينك لما اليهود واعداء الله بيحاولوا يهدموه

لازم تعمل حاجة لازم تدافع عن دينك لازم تنصر نبيك صلى الله عليه وسلم لازم...لازم...لازم...

وخلى بالك لاحسن تبقى علمانى وحاربوا العلمانية اللى عايزة تقضى على الدين

موضوع: رد: علمانية السبت ديسمبر 12, 2009 11:51 pm

ما شاء الله بارك الله فيكى

موضوع العلمانيه ده فعلا خطر وملوش علاقه بالعلم نهائى نهائى بجد
ومعناها فى كل القواميس مش فصل العلم على الدين بس
لا ده فصل الدينن من الحياه ولا حول ولا قوه الا بالله
واصلا دى مكنتش موجوده هنا نهائى
مكنتش فى مصر
ولا هتكون
لكن القصه ان كان فى امريكا كنيسه لكن معرفش اسمها ايه كانت تحارب العلم والعقل فذكر انها عملت حاجات خبيثه بالعلماء اللى كانو موجودين ومكنتش بتدى فرصه للتفكير ولا اى حاجه

فهى اصلا بعيده عن الاسلام

مينفعش واحد يقولك انا علمانى وبصلى او مسلم مينفعش والله

لان معنى علمانى هو فصل الدين عن الحياه
وهيدخل حاجات تحت دى زى مفيش بعث
يعنى ارض بتبلع وارحام تدفع
والكلام ده غلط

وهم فى مصر على فكره مش قادرين يعملو حاجه
لان الاسلام دين قوى والادله والمواقف كثيره جداا على سماحه الاسلام ومعاملته مع الفكر والعلماء والعقل
ومش مجال دلوقتى ان اذكر امثله واوضح اكتر
لكن انا سمعت محاضرات كتير فيها
وهى والله اصلا اللى بيقول انى علمانى ده اصلا بيقولو عليه متخلف دلوقتى عندهم كمان فى امريكان
لا ن المذهب ده خلاص بطل

فجايين عندنا احنا

والله يا جماعه انا شوفت واحد مبيعرفش يقرا ويكتب رجل بسيط كان بيتفرج عالتلفزون والله ده حصل
كان جايب ناس علمانين وكعمالين يتحاورا فقعدت معاه بقوله انت بتسمع دول ليه نفض
قالى والله انا زهقان جبتهم عشان اضحك شويه ويقولى استنى هتلاقى الراجل ده قام وقف وهيتخانق ويشوح بايده هههه وعمنا ده مقضيها ضحك
والله بيقوله ايه رايك فى الكلام اللى بيقوله ههههه قالى دول ناس مجانين دول قاعدين بيتخانقو وحاسس انهم هيسبو لبعض كمان شويه

والله دى ناس تافهه

والحمد لله على نعمه الاسلام
وباذن الله لو كان لينا عمر هيبقى فيه شويه حاجات مختصره عنهم عشان تعرف اصلهم وفصلهم

موضوع: رد: علمانية الأحد ديسمبر 13, 2009 12:02 am

الغربه اللذيذه

عن سهل بن سعد الساعدي عن النبي صلى الله عليه وسلم قال: « إن الإسلام بدأ غريباً وسيعود

غريباَ كما بدأ، فطوبى للغرباء »، قيل: من هم يا رسول الله؟ قال: « الذين يَصلُحون

إذا فسد الناس » (سلسلة الأحاديث الصحيحة ، رقم 1273).

وصدق رسول الله

ااااه

قال لى صاحبى أراك غريبا بين هذه الانام دون خليل
قلت كلا بل الانام غريب انا فى عالمى وهذه سبيلى

هذه سبيلى سبيل المومنين فى كل عصر ومصر لا ينخدعون بغيره ولا يرتجون سواه
هذه سبيلى سبيل الانبياء وورثه الانبياء
هذه سبيلى مهما اشتد الظلام وهل يضير المصباح حلكه الظلمات حول
وهل يعيب الجوهره وجودها فى كوم من الخرز
وهل ينقص قيمه الكنز دفنه فى التراب؟
هى غربه تميز لا غربه وحشه
اذا لاوحشه مع الانس بالله ولا وحده مع مواخاه الصالحين

الحمد لله على نعمه الاسلام

موضوع: رد: علمانية الأحد ديسمبر 13, 2009 7:39 pm

جزاكم الله خيراعلى هذا الموضوع

وسوف أعلق بحديث النبى صلى الله عليه وسلم

يقول النبى صلى الله عليه وسلم فى حديث حذيفه بن اليمان " كَانَ النَّاسُ يَسْأَلُونَ رَسُولَ اللهِ- صلى الله عليه وآله وسلم- عَنِ الخَيْرِ وَكُنْتُ أَسْأَلُهُ عَنِ الشَّرِّ؛ مَخَافَةَ أَنْ يُدْرِكَنِي، فَقُلْتُ: يَا رَسُولَ اللهِ، إِنَّا كُنَّا فِي جَاهِلِيَّةٍ وَشَرٍّ، فَجَاءَنَا اللهُ بِهَذا الخَيْرِ، فَهَلْ بَعْدَ هَذا الخَََيْرِ مِنْ شَرٍّ؟ قَالَ{نَعَمْ}، قُلْتُ: وَهَلْ بَعْدَ ذَلِك الشَّرِّ مِنْ خَيْرٍ؟قَالَ: {نَعَمْ ، وَفِيهِ دَخَنٌ}، قُلْتُ: وَمَا دَخَنُه؟ قَال:{قَوْمٌ يَهْدُونَ بِغَيْرِ هَديِي، تَعْرِفُ مِنْهُمْ وَتُنْكِرُ}، قُلْتُ: فَهَلْ بَعْد ذَلِكَ الخَيْرِ مَنْ شَرٍّ؟ قَالَ: {نَعَمْ، دُعَاةٌ إِلى أَبْوَابِ جَهَنَّمَ، مَنْ أَجَابَهُمْ إِلَيْها قَذَفُوهُ فِيهَا} قُلْتُ: يَا رَسُولَ اللهِ صِفْهُمْ لَنَا؟ فَقَالَ: {هُمْ مِنْ بَنِي جِلْدَتِنَا وَيَتَكَلَّمُونَ بِألْسِنَتِنَا} قُلْتُ: فَمَا تأْمُرُنِي إِن أَدْرَكَنِي ذلك؟ قَالَ: { تَلْزَمْ جَمَاعَةَ المُسْلِمِينَ وإِمَامَهُمْ} قُلْتُ: فَإِنْ لَمْ يَكُنْ لَهُمْ جَمَاعَةٌ وَلا إِمَام؟ قَالَ: {فَاعْتَزِلْ تِلْكِ الفِرَقَ كُلَّهَا، وَلَوْ أنْ تَعَضَّ بِأَصْلِ شَجَرَةٍ حَتَّى يُدْرِكَ المَوتُ وَأَنْتَ عَلَى ذَلِكَ}".

إذاً: بوابة جهنم هى هذه الفرق وإتباع الأهواء والبدع وتقديم العقل على النقل ..

مشرفة تاريخ التسجيل : 24/02/2009 على باب الله

جزاكم الله خيرا
وياريت اللى عنده معلومات تانية ينزلها هنا

وبعد اذنك يا بشمهندس سامح انا هاخد الحديث ده وانزله فى منتدى تانى

موضوع: رد: علمانية الأحد ديسمبر 13, 2009 7:57 pm

وإياكم يابشمهندسه وحضرتك خدى الحديث عادى أهم حاجه الأفاده

نسأل الله عز وجل أن يهدينا إلى الحق ويثبتنا عليه

موضوع: رد: علمانية الإثنين ديسمبر 14, 2009 12:49 am

جزاكم الله خيرا
وكان ليا تعليق على كلمه للابشمهندس سامح قالها
وهى كلمه تقديم العقل على النقل
واللى اسمهم المدرسه العقليه

كان حصل حوار بينى وبين واحد على بعض المنتديات وكان عاوز يعرف ازاى انت بتقول حرام وحلال وكده وكان بيكلم عن العقل وانو هو يقدر يميز بين الحلال والحرام وممكن استخدم الاغانىى لمصلحتى والكلام ده كله والمشى مع البنات
فكانت ده ردى على حته العقل والنقل وكان فيه ردود تانيه بس خارج نطاق الموضوع ده

انا قولت اوضح بس نقطه العقب والنقل

ده كان الرد كوبى وبسط

فهبينك ياعم انا بفكر ازاى عشان نكون على نور
لان دى عقيده عندى
مينفعش ابقى ماشى من غير فكر او منهج ده
لازم فيه مبادى عندى
وهكلم عن العقل بس وبكل بساطه

ومن البدايه ايه قران
انا هدينه السبيل اما شاكر واما كفور
ربنا ادانا كل حاجه احنا بقى بعقلنا نشوف هنكون فين
فقولت ايه هو العقل وامتى استخدمه لانى جربت استخدمه وخربت
قريت القران قريت احاديث
وقريت كلام الفرق الضاله
اللى كانو عندى ضاله ومعرفش ليه
قريت بجد لقتهم كلهم بيقدمو العقل على النقل
والنقل قولتلك الكتاب والسنه وكده
يعنى عندك المعتزله ربنا لما يقول ان الله سميع بصير
يقولك ربنا سميع ازاى ادام سميع يبقى ليه اذن ومينفعش يبقى زينا
فيثبتو الاسم بس وينفو الصفه
فدول حاول يفهمهو اازاى بعقلهم فالكيفيه مينفعش حد يعرفها لا ن ربنا ليس كمثله شى
وعشان احكم على واحد لازم اكون شوفته او ليه مثيل
ومحدش شاف ربنا وربنا ليس كمثله شى
فلما يكلم فى القران ربنا بذاته العليا بيتكلم عن نفسه
وبردو الاستواء تلاقى كذا موضوع فى الايات
فالاستواء معلوم لكن الكيفيه مجهوله لنا لكن هناك كيفيه بس احنا منعرفهاش
فمينفعش اكلم فى الكيفيه
فاللى ربنا فاله هو اللى صدقه

يعنى من كلامى ده اقصد حاجه بس
ان العقل هو الاصل فى كل الجماعات والفرق اللى ظاهره دى
والسبب فى ده كله ان الناس بتقدم عقلها على نقل اللى جالنا تفديم مطلق

طب ايه الصح

الناس دول بيقولو ان العقل اصل فى ثبوت النقل يعنى لولا العقل مكنتش افهم او اومن بالوحى اللى جه وعشان كده لازم اقدم عقلى
لكن ده غلط
لان النقل ثابت اصلا قبل وجود العقل
الكتاب والسنه دول محفووظين فى اللوح المحفوظ

فالعقل ليس اصلا فى ثبوت النقل ولكنه اصلا فى العلم بالنقل لان النقل ثابت

طب يعنى اخد الكلام واطبقه وخلاص
يعنى هجد عقلى ويبقى مفيش وظيفه لعقلى
لا طبعا

بس اوضح حاجه
ان العقل الصحيح لا يتعارض مع النقل الصحيح بل يشهد له ويويده
ليه
عشان المصدر واحد
ربنا هو اللى خلق الاتنين
طب لو حصل تعارض
ده لسبببين بس
اما ان النقل لم يثبت يعنى حديث مش صحيح
والقران مينفعش تشكك او تضعف او تفهمه بمزاجهه زى ما قال ربنا
عمر القران ما هيكون فيه حاجه غلط
والحاجه التانيه
ان العقل لم يفهم النقل
ودى المصيبه بردو

ما هو الواحد لوحده كده ساعات لما يسمع حديث يشك انه مش صح
فيرجع ويشوفه يلاقيه فعلا م ش صحيح

زى الباذنجان لما اكل له
ههه
طبعا فيه احاديث ضعيفه غير دى اححاديث تودى فى داهيه فلازم نرجع لمتخخصصين فى العلم ده او تقرا انت وتبحث

اما القران لو حسيت ان فيه حاجه غلط يبقى اكيد العيب عندك

فلو حصل خلل فى تقديم العقل على النقل هتظهر البدع

طب معلش صدعت دماغكو
امتى اقددم السنه وده كله على عقلى ولا ارمى عقلى ولا ايه
لا اقول
الاحكام عندنا خمسه
واجب ومعناه لازم اعمله عملته فيه ثواب ممعملتوش فيها عقلب
مستحب الحاجه اللى ان مخير فيها
الحرام زى الزنا
المكروه زى اكل الثوم والبصل
المباح يعنى مثلا حاجه جديده والله هعمل اختراع يفيد الامه والبشريه كمبيوتر مثلا

فانا بقدم العقل فى حاله المباح فقط والنقل تابع ليها ويويدها
يعنى حاجه جديده زى الكمبويتر مفيش حديث ولا ايه بتقول ان الكمبيوتر كويس لكن لا فيه خطوط عريضه متوضحه لينا وبنمشى عليها
وعلى حسب استخدام كل واحد للجهاز ده
فالنقل تابع ويويد ان الكمبيوتر كويس وممكن استعمله فى حاجات خير كتير

اما الحالات الاخرى فبقدم النقل والعقل تابع ويويده

ومعلش عالاطاله
وربنا يكرمنا كده ونخلص على خير ونعقد قعده مع بعضينا نشرح الحاجات دى لانها مهمه جداااا

الحاجات الاصول دى لازم نعرفها
سواء اصول فى العقيده فى الفقه ان شاء الله هنعرفعها
عشان يبقى عندك الخطوط العريضه اللى تمشى عليها
وربنا يثبتنا جميعا عالطريق المستقيم