mohamed_gamal7574
كبار الشخصيات
تاريخ التسجيل : 17/02/2009
 |  موضوع: يوميات صعيدى بيحب بنت استايل  الجمعة يوليو 24, 2009 7:44 pm | |
| يوميات صعيدى بيحب بنت استايل الصراحه الموضوع عاجبنى انا شفته فى موقع تانى وحبيت انقله ليكم وتشفوه الحكايه مقسمه على 23 حلقه هنزل ليكم حلقتين واعرف رايكم وبعدين انزل الباقى تمام الحلقه الاولى
ونبدأ مع بعض الحلقه الاولى
احمد: لو سمحتي حضرتك...ممكن براية
نور: ههههههههههههههههههههههههههه
احمد :حضرتك بتضحكي على ايه ممكن اعرف يعني لو سمحتي
نور : مش عيب شاب في سنك يطلب براية ..ده احنا في جامعة
احمد : طيب معاكي شفرة...عشان المحاضرة هتبدأ خلاص
نور : ايييييه..ايه شفرة دي..ممكن تسكت لو سمحت
احمد : حد معاااااااه براااااااااية....او قلم زيااااااادة..ردوا
نور: انت اكيد مجنون وطي صوتك الطلبة كلها بتضحك عليك
احمد :ويضحكوا ليه ولاد الدزمة دووووووووول
نور: خلاص خلاص انا هنقل المحاضرة وبعدين اديلك تصورها
احمد :شكرا بس انقلي كويس ..وياريت تنظمي الكراسة
(اثناء ما المحاضرة شغالة ونور شغالة كتابة واحمد هيموت عشان مش معاه قلم)
احمد: يا انسة خطك زفت زفت..انتي مش مسطرة الصفحة ليه ...وفين التاريخ الهجري ... يادي النيلة عليا وعلى الجامعة
نور : انت مالك ومال خطي مش كفاية هديلك تنقل مني وهتعطل انا
احمد : ليه وانتي عربية اصلك علشان تتعلطي..هما البنات متعطلين خلجة
نور : انت انسان قليل الادب...وبجد مش بتعرف تكلم البنات ازاي
احمد : لأ يا شيخة والنبي المرة الجاية تبقي تجيبيلي الكتالوج بتاعك
(نور عشان رقيقة سكتت وماعرفتش ترد على احمد وانتهت المحاضرة )
اثناء خروج الطلبة من المدرج...احمد حب يستظرف بس بطريقة غبية شوية
احمد وسط حشد من الطلبة بنات وولاد
وكأنهم قطيع من المواشي
هررررررررررررررررررر...وضحكته سمعت كل اللي ماشي
(نور بتحكي مع زميلتها من كلية تانية على احمد )
نور : بصي يا هالة الولد ده....فضيحة فضيحة يعني...وحكتلها على اللي حصل
هالة : تلاقيه شاب تحفة...مش باين عليه استايل خالص..ده لابس بدلة وكرافت
نور : بس تعرفي شكله وسيم اووووي...حاسة انه طيب وعلى سجيته
هالة :اوووو...ده وسيم؟...ده مش حاطط نقطة جيل على شعره حتى..شعره منعكش جدا
نور:يا ستي سيبك
هالة: على رأيك
خلص اول يوم في الجامعة وقبل النهاية بدقايق
احمد: يا استاذة يا انسة فين المحاضرة عايز انقلها هاتيها يلا يلا بسرعة
نور : تنقل ايه يابني دي عشر ورقات غير في رسومات وجداول
احمد :ومالهم يعني عشر ورجات انتي هتخلفي وعدك ولا ايه
نور : انا مقلتش كده بس في حاجة اسمها تصوير..اسرع يعني
احمد: هههههههههههههههههه اصور ايه بخطك الزفت ده..شوفي ...زفت
نور: حقيقي انا غلطانة وكلام هالة باين عليه صح...بعد اذنك..اوف
سابته ومشيت .....وقال
احمد: عليكي يا شيخة وعلى هالة وعلى الجامعة كلتها....وبرضه خطك زي الزفت
والحلقه الثانيه
الحلقه التانيه
وجه اليوم التاني....ولسة الحياة الجامعية لم تؤثر على تلاميذ الثانوية العامة...بس مع بلدياتنا احمد ...ماشية عكس خالص...مش عارف يتأقلم عليها
وتعالوا نشوف الايام والحياة الجامعية هتعمل ايه في احمد وهيتعامل معاها ازاي
كان ميعاد المحاضرة الساعة 8 صباحا...كان احمد واقف قصاد المدرج من 6 الصبح مش عارف ليه ونبتدي الحلقة التانية يا جامدين
احمد: ديب ديب ديب انتوا يا ناس يللي هنا...افتحوا الباب
الساعي : يا فتاح يا عليم يا رزاق يا كريم
احمد: ماترش ميا يا راجل قصاد المدرج عشان تستفتح
الساعي:يا كابتن المحاضرة لسة الساعة 8 مفيش دخول دلوقت
احمد:هدخل يعني هدخل..عليا النعمة هدخل هاااا
الساعي: قفل الباب في وشه ودخل جوا
احمد : يا ابن الدزمة انت هتضيع عليا المحاضرة شكلك
احمد: اما اروح اجيب كوباية شاي سخن مولع
الراجل: تؤمر بأيه يا فندم
احمد : شاي خمسينة بنعناع
الراجل: ايه ايه...مفيش نعناع
احمد: ومفيش نعناع ليه
الراجل : هو كده مفيش نعناع على الشاي ..النعناع لوحده
احمد :طيب هات نص كوباية شاي ونص كوباية نعناع
الراجل: خد فلوسك اهي
احمد:طب والشاي ابو نعناع فين
الراجل:اوووف
احمد:اوووف على دماغك...ابن دزمة صحيح
كان فات حوالي ساعة ونص وهو واقف في الكافتيريا عشان يشرب شاي
قرر انه يرجع للمدرج عشان يلحق مكان وبالفعل حجز مكان وخرج تاني عشان
يجيب شاي من كافتيريا تانية...ونجح انه يجيب المرة دي ..دخل المدرج وفجأة
لقى مين اعد مكانه ...مين مين مين....لقى نور فارشة كل حاجتها وبتشرب كابتشينووووووووووووووووو
احمد : بصوت لا يطاق....ايييييييييه ده يا هانم...هي وكالة من غير بواب
نور :وطي صوتك من فضلك انا بتكلم بهدوء وبأدب
احمد:هي دي طريجتي..عاجبك ولا مش عجباك
نور:طيب انا مش هقوم
احمد: هروح للعميد يجي يقومك
نور:ههههههههههههههههههه
احمد:بتضحكي على ايه يا باردة
نور: لم نفسك
احمد: شايفاني مبعتر في الارض ولا اييييييييه
نور: مش هتحضر...هههههههههههههه
احمد :عليا الطلاج لأحضر غصب عنك وعن عين اهلك....
وفجأة سمع صوت الدكتور بيناديله
ونكمل الحلقة الجاية ان شاء الله
أكمــل ولا لأ | |
|
aryg
كبار الشخصيات
تاريخ التسجيل : 04/07/2009
 فى بلاد العجايب
| | موضوع: رد: يوميات صعيدى بيحب بنت استايل الجمعة يوليو 24, 2009 10:09 pm | |
| قصه جميله اوى يا محمد
وياريت تكمل بقيه الحلقات
وتعتبر حاجه جديدة عليك
وياريت متطلعش مقلب فى الاخر | |
|
mohamed_gamal7574
كبار الشخصيات
تاريخ التسجيل : 17/02/2009
| | موضوع: رد: يوميات صعيدى بيحب بنت استايل السبت يوليو 25, 2009 4:45 am | |
| ههههههههه لا متخفيش مش مقلب ولا حاجه بس اشوف الاول رارئ بقيه الاعضاء واذا وافقو ع طول هنزل بقيه الحلقات ان شاء الله | |
|
mohamed_gamal7574
كبار الشخصيات
تاريخ التسجيل : 17/02/2009
| | موضوع: رد: يوميات صعيدى بيحب بنت استايل السبت يوليو 25, 2009 5:39 pm | |
| ايه يا جماعه مفيش ردود ليه افهم من كده الموضوع مش عجبكم مكملوش ولا ايه | |
|
medo
المدير العام
تاريخ الميلاد : 05/01/1990
تاريخ التسجيل : 15/01/2008
https://s7afa.ahlamontada.com
| | موضوع: رد: يوميات صعيدى بيحب بنت استايل السبت يوليو 25, 2009 6:07 pm | |
| - mohamed_gamal7574 كتب:
- ايه يا جماعه مفيش ردود ليه افهم من كده الموضوع مش عجبكم مكملوش ولا ايه
بالعكس والله كمل ياعم احنا مستنين عاوزين نتعلم شويه ههههههههه ولا يهمك اهم حاجه عاوزين نعرف هيعامل الدكاتره ازاى ولاد الدزمه دول هههه يلا كمل | |
|
