ههههههه جمدة كما عودتنا يا ميدو
انت بالموضوع ده فكرتني بايام زمان
ايام الابتدائ والاعدادي ايام حلوة بجد
بس انا اللي فكره اني كنت باستخدم
الصبورة في حاجة انتا مقلتهاش وهي
اني كنت رائد الفصل فكنت بقف على
الفصل لما المدرس او المدرسة تكون
مش موجودة وكنت بعزب العيال كان
اي حد يتكلم اكتب اسمه على الصبور
ولو زود فيها اعلم عليه بعلامة اكس
بس كان بامانة معظم الوقت ده كان
استغلال كان حاجة زي امناء الشرطة
كده عشان كان اللي مديقني من العيال
اعلم عليه اكسات كتير حتى لو متكلمش
واول ما يرجع المدرس يديله على كل اكس
عصاية فكان العيال كلها عملالي حساب
وبينفذو اي حاجة اقولها حتى لو غلط مش
عشان انا الرائد بس عشان روحهم في اديا
وكان الفصل مشترك فكنت بسيب البنات تتكلم
اصلهم رغيين مبعرفش اسكتهم وكتير المدرس
مش يدربهم فقلت خليها مني واسيبهم يتكلمو
بس بيتكلمو معايا مش حد تاني كنت يعني كده
العربي سيطرة
السبورة تفكرني بلما كبرت شوية وعملنا
انتخابات الفصل اصل وانا صغير كنت واخدها وسطة
لكن مع الثورة والايمان بالانتخابات اطرينا نعمل
انتخابات بس والله منساش الموقف ده انا كنت زعلان
اوي قبل الانتخابات وحاسس اني مش هنجح وان العيال
كلهم بصين ليا وبقولولي والله لنطلعه عليك وزي ما انت
عملت جيه اليوم اللي هنربيك فيه ولسة الايام جية
قلت في سريي يغور الفصل بالمدرسة باللي فيه
بس فوجئت ان مفيش حد رشح نفسه قدامي وقلولي
منظرك دلوقت كفاية عليك واحنا مش متعودين حد يقرفنا
غيرك, بجد حبيت العيال دول اوي ومبقتش اخد اي قرار
لوحدي وكان الراي اللي يمشي راي الاغلبية بجد زكريات
جمدة لكن الاسف كل الاسف لو عرفتو ان نفس الصبيان والبنات
دول دلوقت موجودين واصحاب بردك لكن العلاقات مبقتش زي زمان
بقيت عبارة عن شلل من الخناقات كله ضد بعضه ومسميين نفسهم
اصحاب ,انا طبعا معتبر نفسي زميل ليهم مش صاحب عشان مبحبش
اخنق نفسي بالمشاكل واللي بقيلي منهم الزكريات